متى22
1ئِسَّاوَاڒ عِيْسَى اَكِذْسن عَاوذ س ڒمْعَانِي، ئِنْدق-د ينَّا-ٱسن:2"ڒْمُلْك وجنَّا اَمشْنَاو يج وزدْجِيذ يݣَّا اَمنْسِي ذ اَمقّْرَان ذِي ڒْفَارْح ن مِّيس.3ئِسّكّ يخدَّامن نّس اَذ د ڒَاغَان إِ يِنِّي خف يعَرض غَار ومنْسِي، وَلَكِن ؤُݣِين اَذ د اَسن.4ئِسّكّ يخدَّامن نّغْنِي ينَّا-ٱسن: إِينِيم-اَسن إِ يِنِّي يتْوَاعَرْضن: أَقَا نش سْوجْذغ اَمنْسِي ينُو، غَرْصغ يعجْمِيْين ذ يينْدُوْزن ينُو يصحَّان. كُڒْشِي يوْجذ، أَرَاحم-د غَار ڒْفَارْح!5وَلَكِن يِنِّي يتْوَاعَرْضن وَار ذَايس ت ؤُوِين شَا: ئِجّن يرُوْح غَار ومَرْجع نّس، ئِجّن غَار تِّجَارَا نّس.6ئِنّغْنِي طّْفن يخدَّامن ن وزدْجِيذ عدّن خَاسن نْغِين-ثن.7ئِغْضب وزدْجِيذ يسّكّ ڒْعَسْكَار نّس اَذ نْغن لْمُجْرِمِين نِّي اَذ سْحرْقن ثَنْدِينْت نْسن.8ينَّا-ٱسن إِ يخدَّامن نّس: أَمنْسِي ن ڒْفَارْح يوْجذ، وَلَكِن يِنِّي يتْوَاعَرْضن وَار ث سْذِيهْيدْجن شَا.9افّْغث غَار مَانِي تمْسَاݣَارن يبْرِيذن عَرْضم-د غَار ومنْسِي مَارَّا وِي غَا ثَافم ذِنِّي.10رُوْحن يخدَّامن نِّي غَار يبْرِيذن ؤُوِين-د مَارَّا ؤُݣ ؤُفِين ذِنِّي، ئِصبْحَانن ذ يعفَّانن، ثْعمَّر سَّاحَا س ينوْجِيْون.11يُوْذف وزدْجِيذ حمَا اَذ يࢲر ينوْجِيْون، يُوْفَا ذِنِّي يجّن ن ورْيَاز وَار يَرض بُو وَارُّوْض ن ڒْفَارْح.12ئِرُوْح غَارس ينَّا-ٱس: آي اَمدُّوْكڒ، مَامّش ثݣِّيذ ثُوْذْفذ-د بْڒَا اَرُّوْض ن ڒْفَارْح؟ أَرْيَاز نِّي يسْتُوْك.13أُوْشَا ينَّا-ٱسن وزدْجِيذ إِ يخدَّامن نّس: شَرْفم-ث زݣ يضَارن ذ يفَاسّن نْضَرم-ث بَارَّا غَار ثَادْجسْت مَانِي غَا يڒِين يمطَّاون ذ وغࢲَّاࢲ ن ثغْمَاس."14ينَّا-ٱسن عِيْسَى: "أَقَا اَطَّاس إِݣ يتْوَاعَرْضن، ذْرُوْس إِي غَا يتْوَاخْضَرن."15كَّرن يفَرِّيسِييْن مْشَاوَارن جَارَاسن ݣِّين يجّن ن لْخُطَا اَذ طّْفن عِيْسَى خ مِين يقَّار.16سّكّن غَارس شَان يمحْضَارن نْسن اَك شَان يِوْذَان زِي ڒْحِزب ن وزدْجِيذ هِيرُوْدُس اَذَاس ينِين: "آ لْمُعَلِّم قَا نسّن بلِّي شك نِيشَان إِي ثدْجِيذ. وَار تݣّْوْذذ شَا زݣ يِوْذَان ڒَاحقَّاش وَار تݣّذ بُو س وُوْذمَاون. ثْسڒْمَاذذ س ڒْحَقّ مَامّش يخس أَربِّـي أَ نْعِيش.17إِينِي-يَانغ، مِين ذَاش يمظْهَارن؟ ثْسمّح شَّرِيعَا نّغ أَ نْخدْجس ضَّرِيبَا إِ وزدْجِيذ قَيْصَر نِغ لَّا؟"18ئِسّن عِيْسَى يخَرْوِيضن نِّي إِي ذَايْسن ينَّا-ٱسن: "آ لْمُنَافِقِين، مَايمِّي ذَايِي ثْسوْجَاذم ثَخْشبْث؟19أَوِيم-اَيِي-د دِينَار نِّي ن ضَّرِيبَا حمَا اَث ࢲرغ." كَّرن ؤُوِين-اَس-د يجّن ن دِينَار.20ينَّا-ٱسن: "وِي يِيڒَان تصْوِيرْث-أَ ذ يِيسم-أَ إِي ذَايس؟"21نَّان-اَس: "ن قَيْصَر."
ئِنْدق-د عِيْسَى ينَّا-ٱسن: "مِين يدْجَان ن قَيْصَر ؤُشم-اَس-ث إِ قَيْصَر. مِين يدْجَان ن أَربِّـي ؤُشم-اَس-ث إِ أَربِّـي."22وَامِي سْڒِين إِ وجَاوَب نِّي قِّيمن تْعجّْبن ذَايس. سّنِّي سمْحن ذَايس ؤُيُوْرن.23ذِي نْهَار نِّي، قَارّْبن-د غَار عِيْسَى شَان يِوْذَان زِي ڒْحِزب ن يصَدُّوْقِيْين (نِثْنِي قَّارن بلِّي يوْذَان وَار د تكَّرن شَا زِي ڒْموْث).24كَّرن نَّان-اَس: "آ لْمُعَلِّم، ئِقَّار-اَنغ مُوْسَى اَرْيَاز مڒَا يمُّوْث وَار ذ يجِّي بُو ثَارْوَا، ثَاجَّاڒْث نّس اَت يَاوِي ؤُڒْوس نّس بَاش اَكِذس د يجّ ثَارْوَا إِ وُوْمَاس نِّي يمُّوْثن.25نشِّين تُوْغَا اَكِذْنغ سبْعَا ن وَاوْمَاثن، ئِمْڒش ومزْوَارُو يمُّوْث وَار ذ يجِّي بُو ثَارْوَا. ثَمْغَارْث نِّي يُوْوِي-ت ؤُڒْوس نّس.26أَمنِّي إِݣ يوقْعن إِ وُوْمَاس وِيس ثْنَاين ذ وِيس ثْڒَاثَا اَڒ وِيس سبْعَا.27أَڒ ونݣَّارُو ؤُڒَا ذ ثَمْغَارْث نِّي ثمُّوْث.28يُوْم لْقِيَامَا، ؤُمِي غَا ثِيڒِي ثمْغَارْث نِّي؟ أَقَا ؤُوِين-ت س سبْعَا إِذْسن."29ئِنْدق-د عِيْسَى ينَّا-ٱسن: "كنِّيو ثخْضَام ڒَاحقَّاش وَار ثسِّينم شَا لْكِتَاب ؤُڒَا ذ جّْهذ ن أَربِّـي.30خْمِي د غَا كَّرن يِنِّي يمُّوْثن يرْيَازن ذ ثمْغَارِين وَار مدْجْشن شَا وَار تْوَاسْمدْجِيشن شَا؛ لَّا، أَذ يڒِين اَمشْنَاو لْمَلَائِكَاث إِݣ يدْجَان ذݣ وجنَّا.31وَلَكِن شُوْف، يِنِّي يمُّوْثن اَذ د كَّرن زِي ڒْموْث. مَا عمَّارْص وَار ثغْرِيم مِين ذَاوم يقَّار أَربِّـي؟32ئِقَّار قَا نش ذ أَربِّـي ن بْرَاهِيم، ذ أَربِّـي ن إِسْحَاق، ذ أَربِّـي ن يَعْقُوْب." ينَّا-ٱسن عِيْسَى: "نتَّا ذ أَربِّـي ن يِنِّي يدَّرن مَاشِي ن يِنِّي يمُّوْثن."33سْڒِين يِوْذَان إِ وَاوَاڒ-أَ، ذهْشن ذݣ وسڒْمذ نّس.34كَّرن ڒْحِزب ن يفَرِّيسِيْين وَامِي د اَرِّين ڒخْبَار بلِّي عِيْسَى يبلّع اَقمُّوْم ن يصَدُّوْقِيْين، ڒخْدّنِّي مُوْنن جَارَاسن.35ئِرُوْح يِجّن زَّايْسن نتَّا يتْشرَّاح شَّرِيعَا، ئِخس اَذ يجَرّب عِيْسَى ينَّا-ٱس:36"آ لْمُعَلِّم، مِين ثعْنَا ڒُوْصِيّث إِي يدْجَان ذ ثَمقّْرَانْت قَاع ذِي شَّرِيعَا؟"37ينَّا-ٱس عِيْسَى: "أَذ تخْسذ سِيذِي أَربِّـي نّش س مَارَّا وڒ نّش، س مَارَّا اَرُّوْح نّش، س مَارَّا ڒَعْقڒ نّش. 38ذ ثَا ذ ڒُوْصِيّث إِي يدْجَان ذ ثَمقّْرَانْت ذ ثَمزْوَارُوْت.39ڒُوْصِيّث وِيس ثْنَاين اَم ثنِّي ثَمزْوَارُوْت: أَذ تخْسذ اَجَّار نّش اَمشْنَاو يخف نّش. 40ثْنَاين-أَ ن ڒُوْصِيَاث إِي خف ثبْنَا شَّرِيعَا ن مُوْسَى اَمن-ثكْمَاڒ ذ تَّعَالِيم ن لْأَنْبِيَا."41ڒْحِزب ن يفَرِّيسِيْين اَقَاثن مُوْنن ذِنِّي. ئِكَّر عِيْسَى يسّقْسَا-ثن42ينَّا-ٱسن: "مِين ذَاوم يمظْهَارن ذِي لْمَسِيح؟ ؤُو ث يِيڒَان؟"
نَّان-اَس: "ذ مِّيس ن دَاود."43ينَّا-ٱسن عِيْسَى: "إِيوَا مَامّش دَاود يقَّار-اَس إِ مِّيس س أَرُّوْح ن أَربِّـي: آ سِيذِي؟ مِينْزِي دَاود ينَّا:44سِيذِي أَربِّـي ينَّا-ٱس إِ سِيذِي: قِّيم-د خ وفُوْسِي ينُوأَڒ د غَا ݣّغ ڒْعَذْيَان نّش سْوَادَّاي إِ يضَارن نّش. 45مَامّش غَا يِيڒِي لْمَسِيح ذ مِّيس ن دَاود؟ نتَّا دَاود يقَّار-اَس إِ لْمَسِيح: آ سِيذِي."46ؤُڒَا ذ يجّن وَار يزمَّر اَخَاس يَرّ شَا ن وَاوَاڒ. أُو زِي نْهَار نِّي وَار يزْعِيم حَدّ اَث يسّقْسَا عَاذ كْتَار.
ئِنْدق-د عِيْسَى ينَّا-ٱسن: "مِين يدْجَان ن قَيْصَر ؤُشم-اَس-ث إِ قَيْصَر. مِين يدْجَان ن أَربِّـي ؤُشم-اَس-ث إِ أَربِّـي."22وَامِي سْڒِين إِ وجَاوَب نِّي قِّيمن تْعجّْبن ذَايس. سّنِّي سمْحن ذَايس ؤُيُوْرن.23ذِي نْهَار نِّي، قَارّْبن-د غَار عِيْسَى شَان يِوْذَان زِي ڒْحِزب ن يصَدُّوْقِيْين (نِثْنِي قَّارن بلِّي يوْذَان وَار د تكَّرن شَا زِي ڒْموْث).24كَّرن نَّان-اَس: "آ لْمُعَلِّم، ئِقَّار-اَنغ مُوْسَى اَرْيَاز مڒَا يمُّوْث وَار ذ يجِّي بُو ثَارْوَا، ثَاجَّاڒْث نّس اَت يَاوِي ؤُڒْوس نّس بَاش اَكِذس د يجّ ثَارْوَا إِ وُوْمَاس نِّي يمُّوْثن.25نشِّين تُوْغَا اَكِذْنغ سبْعَا ن وَاوْمَاثن، ئِمْڒش ومزْوَارُو يمُّوْث وَار ذ يجِّي بُو ثَارْوَا. ثَمْغَارْث نِّي يُوْوِي-ت ؤُڒْوس نّس.26أَمنِّي إِݣ يوقْعن إِ وُوْمَاس وِيس ثْنَاين ذ وِيس ثْڒَاثَا اَڒ وِيس سبْعَا.27أَڒ ونݣَّارُو ؤُڒَا ذ ثَمْغَارْث نِّي ثمُّوْث.28يُوْم لْقِيَامَا، ؤُمِي غَا ثِيڒِي ثمْغَارْث نِّي؟ أَقَا ؤُوِين-ت س سبْعَا إِذْسن."29ئِنْدق-د عِيْسَى ينَّا-ٱسن: "كنِّيو ثخْضَام ڒَاحقَّاش وَار ثسِّينم شَا لْكِتَاب ؤُڒَا ذ جّْهذ ن أَربِّـي.30خْمِي د غَا كَّرن يِنِّي يمُّوْثن يرْيَازن ذ ثمْغَارِين وَار مدْجْشن شَا وَار تْوَاسْمدْجِيشن شَا؛ لَّا، أَذ يڒِين اَمشْنَاو لْمَلَائِكَاث إِݣ يدْجَان ذݣ وجنَّا.31وَلَكِن شُوْف، يِنِّي يمُّوْثن اَذ د كَّرن زِي ڒْموْث. مَا عمَّارْص وَار ثغْرِيم مِين ذَاوم يقَّار أَربِّـي؟32ئِقَّار قَا نش ذ أَربِّـي ن بْرَاهِيم، ذ أَربِّـي ن إِسْحَاق، ذ أَربِّـي ن يَعْقُوْب." ينَّا-ٱسن عِيْسَى: "نتَّا ذ أَربِّـي ن يِنِّي يدَّرن مَاشِي ن يِنِّي يمُّوْثن."33سْڒِين يِوْذَان إِ وَاوَاڒ-أَ، ذهْشن ذݣ وسڒْمذ نّس.34كَّرن ڒْحِزب ن يفَرِّيسِيْين وَامِي د اَرِّين ڒخْبَار بلِّي عِيْسَى يبلّع اَقمُّوْم ن يصَدُّوْقِيْين، ڒخْدّنِّي مُوْنن جَارَاسن.35ئِرُوْح يِجّن زَّايْسن نتَّا يتْشرَّاح شَّرِيعَا، ئِخس اَذ يجَرّب عِيْسَى ينَّا-ٱس:36"آ لْمُعَلِّم، مِين ثعْنَا ڒُوْصِيّث إِي يدْجَان ذ ثَمقّْرَانْت قَاع ذِي شَّرِيعَا؟"37ينَّا-ٱس عِيْسَى: "أَذ تخْسذ سِيذِي أَربِّـي نّش س مَارَّا وڒ نّش، س مَارَّا اَرُّوْح نّش، س مَارَّا ڒَعْقڒ نّش. 38ذ ثَا ذ ڒُوْصِيّث إِي يدْجَان ذ ثَمقّْرَانْت ذ ثَمزْوَارُوْت.39ڒُوْصِيّث وِيس ثْنَاين اَم ثنِّي ثَمزْوَارُوْت: أَذ تخْسذ اَجَّار نّش اَمشْنَاو يخف نّش. 40ثْنَاين-أَ ن ڒُوْصِيَاث إِي خف ثبْنَا شَّرِيعَا ن مُوْسَى اَمن-ثكْمَاڒ ذ تَّعَالِيم ن لْأَنْبِيَا."41ڒْحِزب ن يفَرِّيسِيْين اَقَاثن مُوْنن ذِنِّي. ئِكَّر عِيْسَى يسّقْسَا-ثن42ينَّا-ٱسن: "مِين ذَاوم يمظْهَارن ذِي لْمَسِيح؟ ؤُو ث يِيڒَان؟"
نَّان-اَس: "ذ مِّيس ن دَاود."43ينَّا-ٱسن عِيْسَى: "إِيوَا مَامّش دَاود يقَّار-اَس إِ مِّيس س أَرُّوْح ن أَربِّـي: آ سِيذِي؟ مِينْزِي دَاود ينَّا:44سِيذِي أَربِّـي ينَّا-ٱس إِ سِيذِي: قِّيم-د خ وفُوْسِي ينُوأَڒ د غَا ݣّغ ڒْعَذْيَان نّش سْوَادَّاي إِ يضَارن نّش. 45مَامّش غَا يِيڒِي لْمَسِيح ذ مِّيس ن دَاود؟ نتَّا دَاود يقَّار-اَس إِ لْمَسِيح: آ سِيذِي."46ؤُڒَا ذ يجّن وَار يزمَّر اَخَاس يَرّ شَا ن وَاوَاڒ. أُو زِي نْهَار نِّي وَار يزْعِيم حَدّ اَث يسّقْسَا عَاذ كْتَار.
Wycliffe Bible Translators, Inc.