متى17
1ثعْذُو ستّييَّام، عِيْسَى يُوْوِي اَكِذس بُطْرُس ذ يَعْقُوْب ذ وُوْمَاس يُوْحَنَّا، يُوْوِي-ثن وَاحذْسن غَار يِجّن ن وذْرَار يُوْعْڒَا.2ذِنِّي زَّاث إِ ثِيطَّاوِين نْسن يذْوڒ اَم يِجّن ن نُّوْر، أَغمْبُوْب نّس يتْشعْشِيع اَم ثْفُوْشْت. ئِذْوڒ وَارُّوْض نّس ذ اَشمْڒَاڒ يرقّ اَم ثْفَاوْث.3ئِمظْهَار-اَسن-د ذِنِّي نَّبِي إِلْيَاس ذ نَّبِي مُوْسَى. تْوَاڒَان-ثن سَّاوَاڒن اَك عِيْسَى.4ئِنْدق-د بُطْرُس ينَّا-ٱس إِ عِيْسَى: "آ سِيذِي، ذ اَصبْحَان اَكِذش نقِّيم ذَانِيتَا. مڒَا ثخْسذ، أَذ ݣّغ ثْڒَاثَا ن يقِيضَان: ئِجّن إِ شك، ئِجّن إِ مُوْسَى، يجّن إِ إِلْيَاس."5عَاذ يسَّاوَاڒ بُطْرُس يهْوَا-د خَاسن يِجّن ن وسيْنُو يتْسقْسِيق. ثنْدق-د يجّن ن ثْمِيجَّا زݣ وسيْنُو نِّي ثنَّا-ٱسن: "قَا ذ وَانِيتَا ذ مِّي يعِيزّن، نش فَرْحغ زَّايس. صنّْطث غَارس."6وَامِي سْڒِين يمحْضَارن ثْمِيجَّا نِّي ݣّْوْذن سجّْذن غَار ثْمُوْرْث.7ئِقَارّب غَارْسن عِيْسَى يحَاذَا-ثن ينَّا-ٱسن: "كَّرم وَار تݣّْوْذم شَا."8يْسِين ثِيطَّاوِين نْسن غَار وجنَّا وَار ؤُفِين حَدّ إِلَّا عِيْسَى.9وَامِي د هوَّان زݣ وذْرَار يوصَّا-ثن عِيْسَى ينَّا-ٱسن: "وَار تْعَاوَاذم إِ حَدّ مِين ثࢲْرِيم اَڒ د غَا يكَّر مِّيس ن بْنَاذم زِي ڒْموْث."10سّقْسَان-ث يمحْضَارن نّس نَّان-اَس: "مَايمِّي يمْسڒْمَاذن ن شَّرِيعَا قَّارن يتْخصَّا نَّبي إِلْيَاس اَذ د يَاس نتَّا ذ اَمزْوَارُو؟"11ينَّا-ٱسن عِيْسَى: "ذ صَّح، ئِتْخصَّا اَذ د يَاس إِلْيَاس اَذ يعْذڒ كُڒْشِي.12وَلَكِن قَّارغ-اَوم: أَقَا إِلْيَاس نِّي يُوْسَا-د نِثْنِي وَار ث سِّينن شَا، خذْمن ذَايس مِين خْسن. أَمنِّي إِي غَا عدّْبن مِّيس ن بْنَاذم."13أُوشَا فهْمن يمحْضَارن بلِّي يسَّاوَاڒ-اَسن خ يَحْيَى ونِّي يتْطهَّارن س وَامَان.14وَامِي د ذوْڒن غَار ڒْغَاشِي، يقَارّب يجّن ن ورْيَاز غَار عِيْسَى يوْضَا خ يفَادّن زَّاث نّس.15ينَّا-ٱس: "آ سِيذِي رْحم-اَيِي ممِّي، ئِجّن ن جّنّ يتْعدَّاب-يث اَطَّاس. أَطَّاس ن ثْوَاڒَاثِين يتْوطَّا ذِي ثْمسِّي نِغ ذݣ وَامَان.16ؤُوِيغ-ث-يذ غَار يمحْضَارن نّش وَلَكِن نِثْنِي وَار زمَّرن اَث سْݣنْفَان."17ئِنْدق-د عِيْسَى ينَّا-ٱسن: "آ يوْذَان ن ڒْوقْث-أَ إِي ذِي وَار يدْجِي بُو لْإِيمَان، آ يِنِّي يفّْغن اَبْرِيذ! مشْحَاڒ إِي كِذْوم غَا قِّيمغ أُو مشْحَاڒ ذَاوم غَا صْبَرغ؟ أَوِيم-اَيِي-ث-يد ذَا."18عِيْسَى يسْبدّ جَّن نِّي اَعفَّان، ئِفّغ زݣ وحنْجِير نِّي يݣنْفَا ذِي ثْسَعَّات نِّي.19قَارّْبن-د يمحْضَارن غَار عِيْسَى وَاحْذس نَّان-اَس: "مَايمِّي زَعْمَا نشِّين تُوْغَا وَار نْزمَّر اَث نْسُوْفغ؟"20ينَّا-ٱسن عِيْسَى: "ڒَاحقَّاش لْإِيمَان نْوم ذ ؤُقْلِيل. أَقَا تسْڒَام ڒْحَقّ: مْڒِي ذَايْوم لْإِيمَان غِير اَنشْت يجّن ن ثْحبُّوْشْت ن بُوْݣَرْذَاڒ، أَذ تِينِيم إِ وذْرَار-أَ: نقْڒع-د شك سَّانِيتَا رُوْح غَار ذِيهَا اَتَاف اَذ د ينقْڒع. وَار خَاوم يتقْسِيح وَالُو.21{نُّوْعَا-يَا ن جّنّ اَذ تْسُوْفْغم غِير س ثْࢲَادْجِيث ذ وࢲُوْمِّي.}"22ئِمحْضَارن نّس وَامِي د مُوْنن اَكِذس غَار ثْمُوْرْث ن لْجَلِيل يكَّر عِيْسَى ينَّا-ٱسن: "عْڒَاين اَذ يتْوَاسلّم مِّيس ن بْنَاذم غَار يفَاسّن ن يِوْذَان.23أَث نْغن، نْهَار وِيس ثڒْتِيَّام اَذ د يتْوَاسكَّر." ڒخْدّنِّي خيّْقن يمحْضَارن س وَاطَّاس س وَاوَاڒ نِّي.24وَامِي يُوْوض عِيْسَى ذ يمحْضَارن نّس غَار وبِيلَاج ن كَفرْنَاحُوْم، ؤُسِين-د يِنِّي يجمّْعن ضَّرِيبَا إِ ثمْزِيذَا ثَمقّْرَانْت. قَارّْبن غَار بُطْرُس نَّان-اَس: "مَا وَار يتْخدْجِيس شَا لْمُعَلِّم نْوم ضَّرِيبَا ن ثمْزِيذَا ثَمقّْرَانْت؟"25ينَّا-ٱسن بُطْرُس: "وَاه، ئِتْخدْجَاس-يت."
وَامِي يُوْذف بُطْرُس غَار ثدَّارْث، عِيْسَى يزْوَار-اَس س وَاوَاڒ ينَّا-ٱس: "مِين ذَاش يمظْهَارن آ سِمْعَان؟ ؤُو غَا يخدْجْسن ڒَعْشُوْر نِغ ضَّرِيبَا إِ يزدْجِيذن ن ثْمُوْرْث، مَا ذ ثَارْوَا نْسن نِغ ذ يوْذَان عَادِي؟"26ينَّا-ٱس بُطْرُس: "ئِوْذَان عَادِي."
ينَّا-ٱس عِيْسَى: "إِيوَا ثَارْوَا نْسن وَار تْخدْجِيسن شَا بَعْدَا.27وَلَكِن يتْخصَّا وَار نسْخيّق حَدّ. رُوْح غَار ڒبْحَر نْضَر ثِصنَّارْث ذݣ وَامَان، أَسْڒم نِّي إِي غَا ثطّْفذ ذ اَمزْوَارُو، رْزم-اَس اَقمُّوْم اَذَايس ثَافذ يجّن ن ثْپـيَّاسْت ن نُّقَارْث. يْسِي-ت ؤُش-اَسن-ت، خدْجس خَاش ذ خَافِي.
وَامِي يُوْذف بُطْرُس غَار ثدَّارْث، عِيْسَى يزْوَار-اَس س وَاوَاڒ ينَّا-ٱس: "مِين ذَاش يمظْهَارن آ سِمْعَان؟ ؤُو غَا يخدْجْسن ڒَعْشُوْر نِغ ضَّرِيبَا إِ يزدْجِيذن ن ثْمُوْرْث، مَا ذ ثَارْوَا نْسن نِغ ذ يوْذَان عَادِي؟"26ينَّا-ٱس بُطْرُس: "ئِوْذَان عَادِي."
ينَّا-ٱس عِيْسَى: "إِيوَا ثَارْوَا نْسن وَار تْخدْجِيسن شَا بَعْدَا.27وَلَكِن يتْخصَّا وَار نسْخيّق حَدّ. رُوْح غَار ڒبْحَر نْضَر ثِصنَّارْث ذݣ وَامَان، أَسْڒم نِّي إِي غَا ثطّْفذ ذ اَمزْوَارُو، رْزم-اَس اَقمُّوْم اَذَايس ثَافذ يجّن ن ثْپـيَّاسْت ن نُّقَارْث. يْسِي-ت ؤُش-اَسن-ت، خدْجس خَاش ذ خَافِي.
Wycliffe Bible Translators, Inc.