يوحنا12
1ستِّييَّام قْبڒ إِ ڒْعِيذ اَمقّْرَان، يُوْسَا-د عِيْسَى غَار بَيْت عَنْيَا مَانِي يزدّغ لِعَازَر ونِّي إِي د يسكَّر عِيْسَى زِي ڒْموْث.2ݣّين-اَس اَمنْسِي ذِنِّي، ؤُتْشْمَاس مَرْثَا تْسخَّار لِعَازَر يقِّيم اَكِذْسن.3ثيْسِي-د مَرْيَم اَزْين ن لِيتْرُو ن وَامَان ن لْوَرْذ صْفَان زݣ يِنِّي يغْڒَان س وَاطَّاس، ثذْهن-اَس إِ عِيْسَى يضَارن نّس، ثمْسح-اَس يضَارن نّس س وشوَّاف نّس. ثَدَّارْث مَارَّا ثشُّوْر س اَرِّيحث ن وَامَان نِّي ن لْوَرْذ.4يجّن زݣ يمحْضَارن نّس، ونِّي ؤُمِي قَّارن يَهُوْذَا إِسْخَريُوْطِي أُو ذ نتَّا إِي غَا يزّنْزن عِيْسَى، ينَّا-ٱسن:5"مَايمِّي وَار زّنْزن شَا اَمَان نِّي ن لْوَرْذ س ثڒْتمِيَّا ن ثْپـيَّاسِين ن نُّقَارْث اَذ مُّوْشنْت إِ يمسْعَان؟"6وَامِي ينَّا اَمُّو مَاشِي زِيدْجْزن-اَس يمسْعَان؛ لَّا، نتَّا ذ اَشفَّار مْكلّف خ وشمُّوْس ن تْمنْيَاث يتَاشَار زِي مِين ذِن سْرُوْسَان.7ينَّا-ٱس عِيْسَى: "اجّ-يت، نتَّاث ثْخمّڒ اَمَان-أَ إِ نْهَار ن ثنْضڒْث ينُو.8ئِمسْعَان اَقَاثن اَكِذْوم ڒبْدَا، نش وَار كِذْوم تْغِيمِيغ شَا إِ ڒبْدَا."9ؤُسِين-د اَطَّاس ن ڒْغَاشِي ن يسْرَائِيلِيْين وَامِي د اَرِّين ڒخْبَار بلِّي نتَّا اَقَاث ذِنِّي. وَار يدْجِي خ عِيْسَى وَاهَا، ؤُسِين-د اَذ ࢲْرن ؤُڒَا ذ لِعَازَر ونِّي إِي د يسكَّر زِي ڒْموْث.10خ مَانَاينِّي تَافْقن اَرُّوْيَاس ن ڒْفُقَهَا اَذ نْغن ؤُڒَا ذ لِعَازَر.11مَايمِّي؟ ڒَاحقَّاش نتَّا ذ سَّبَاب مِينْزِي تْبعَّاذن خَاسن اَطَّاس ن يسْرَائِيلِيْين تَامْنن زِي عِيْسَى.12ثِيوشَّا نّس قَاع ڒْغَاشِي نِّي إِي د يُوْسِين غَار ڒْعِيذ سْڒِين بلِّي عِيْسَى يݣُّوْر-د غَار لْقُدْس.13ئِيْسِين اَفْرِيون ن ثْشجُّوْرَا ن تْمَر بَاش اَزَّايس رحْبن فّْغن اَث ڒْقَان س ڒفْرَاحث. تْعيَّاضن قَّارن لْحَمْدُو إِ أَربِّـي! سَّعْذ ن وَانِيتَا إِي د يُوْسِين عْلَاحْسَاب يسم ن سِيذِي أَربِّـي، قَا نتَّا ذ اَزدْجِيذ ن أَيث-إِسْرَائِيل!14يُوْفَا عِيْسَى يجّن ن وسْنُوْس ينْيَا خَاس مَامّش إِي يُوْرَا ذِي لْكِتَاب:15"وَار تݣّْوذ شَا آ يدْجِيس ن لْقُدْس.خْزَر، أَزدْجِيذ نّمْ اَقَا يُوْسَا-د غَارم،ئِنْيَا-د خ وسْنُوْس."16ئِمحْضَارن نّس وَار فْهِيمن شَا إِ ثْمسْڒَايِين-أَ ذݣ ومزْوَارُو. وَلَكِن وَامِي يتْوَارْفع عِيْسَى عَاذ إِي د فكَّرن مَانَايَا يُوْرَا خَاس ذِي لْكِتَاب بلِّي يوْقع-اَس.17ڒْغَاشِي نِّي كِذس، ࢲْرِين وَامِي د يڒَاغَا خ لِعَازَر زݣ ونْضڒ يسكَّر-يث-يذ زِي ڒْموْث، ڒْغَاشِي-يَا عَاذ قِّيمن شهّْذن خ مَانَاينِّي.18س مَانَايَا ڒْقَان-ث-يذ ڒْغَاشِي نّغْنِي مِينْزِي ڒْغَاشِي-يَا سْڒِين بلِّي تُوْغَا يݣّا لْمُعْجِيزَا نِّي.19نَّان يفَرِّيسيْين جَارَاسن: "أَقَا تْوَاڒَام وَار ثُوْوِّيضم غَار وَالُو! دُّنشْت مَارَّا ثْذفَّار-يث."20يِنِّي يݣَعّْذن اَذ عبْذن ذِي ڒْعِيذ اَكِذْسن ڒبْعَاض ن ييُوْنَانيْين.21ئِيُوْنَانِيْين-أَ ؤُسِين-د غَار فِيلِيپَّـاس، فِيلِيپَّـاس نتَّا زݣ وبِيلَاج ن بَيْت صَيْدَا ذِي لْجَالِيل. تتَّارن-اَس نَّان-اَس، آ سِيذِي نخْس أَ نْࢲر عِيْسَى.22ئِرُوْح فِيلِيپَّـاس غَار أَنْدْرُوْس بَاش اَذَاس ث يِينِي، أُوْشَا رُوْحن س ثْنَاين إِذْسن غَار عِيْسَى نَّان-اَس-ث.23ئِنْدق-د عِيْسَى ينَّا-ٱسن: "ثُوْسَا-د ڒْوقْث اَذ يتْوَارْفع مِّيس ن بْنَاذم.24أَقَا تسْڒَام ڒْحَقّ: ثَحبُّوْشْت ن يِرْذَان مڒَا وَار تْوَاࢲُّو شَا ذِي ثْمُوْرْث يعْنِي مڒَا وَار تْوَانْضڒ شَا، اَتَاف اَذ ثقِّيم ذ ثَحبُّوْشْت وَاهَا. مڒَا تْوَانْضڒ اَذ تُوْش اَطَّاس ن ڒْحَبّ.25ونِّي يتخْسن ثُوْذَارْث نّس، أَتَاف اَت يخْسَر. ونِّي يتْعِيفَّان ثُوْذَارْث نّس ذِي دُّنشْت-أَ، أَتَاف اَت يَاف ذِي ثُوْذَارْث ن ڒبْدَا.26ونِّي يخْسن اَذَايِي يخْذم، ئِتْخصَّا اَذَايِي يذْفَار. مَانِي غَا يڒِيغ نش، أَذ يِيڒِي عَاوذ ذ اَخدَّام ينُو. ونِّي ذَايِي غَا يخذْمن، أَث يكَرّم بَابَا.27ڒخُّو ڒَعْمَر ينُو يخيّق. مَا ٱذ ينِيغ: آ بَابَا سنْجم-اَيِي زِي ڒْوقْث-أَ؟ لَّا، خ سَّبَاب ن ڒْوقْث-أَ مِينْخف إِي د ؤُسِيغ.28آ بَابَا، سمْغَار يسم نّش."
أُوْشَا يُوْسَا-د يجّن ن صُّوْت زݣ وجنَّا ينَّا، سمْغَارغ-ث، أَث سمْغَارغ عَاوذ.29ڒْغَاشِي نِّي تُوْغَا يبدّن تسْڒَان، نَّان اَقَا وَا ذ اَجَّاج. ينّغْنِي نَّان، اَقَا ثسِّيوڒ غَارس يجّن ن لْمَلَائِكَا.30ينَّا-ٱسن عِيْسَى: "صُّوْت-أَ وَار يدْجِي بُو إِ يِيخف ينُو لَّا، إِ كنِّيو.31ڒخُّو اَذ تْوَاعَاقب دُّنشْت-أَ. ڒخُّو لْمُفْسِيد نِّي اَمقّْرَان ن دُّنشْت-أَ اَخَاس اَزّْڒن.32خْمِي غَا تْوَاسْبدّغ ذݣ وجنَّا إِ ثْمُوْرْث، أَذ سذْفَارغ غَارِي مَارَّا يوْذَان."33س وَاوَاڒ-أَ يرزُّو اَسن د يسْبيّن ڒْموْث نِّي إِي غَا يمّث.34نَّان-اَس ڒْغَاشِي نِّي: "نشِّين نسْڒَا زِي مِين يقَّار لْكِتَاب قَا لْمَسِيح اَذ يقِّيم إِ ڒبْدَا. إِيوَا، مَامّش ثقَّارذ شك قَا مِّيس ن بْنَاذم يتْخصَّا اَذ يتْوَاسْبدّ ذݣ وجنَّا؟ مِين يعْنَا مِّيس-أَ ن بْنَاذم قَاع؟"35ينَّا-ٱسن عِيْسَى: "ذْرُوْسْت ن ڒْوقْث إِي كِذْوم يتِيڒِي نُّوْر. ؤُيُوْرم مَدَامَا عَاذ غَارْوم نُّوْر-أَ حمَا وَار خَاوم د ثْحَرّث ثَادْجسْت. ونِّي يݣُّوْرن ذِي ثَادْجسْت وَار يسِّين مَانِي يݣُّوْر.36خْمِي عَاذ غَارْوم نُّوْر، أَمْنث زِي نُّوْر-أَ حمَا كنِّيو اَذ تْذوْڒم ذ ثَارْوَا ن نُّوْر." وَامِي ينَّا مَانَايَا عِيْسَى يُوْيُوْر ينُّوْفَّر زَّايسن.37عِيْسَى وَاخَّا يݣّا اَطَّاس ن لْمُعْجِيزَاث زَّاثْسن، وَار زَّايس ؤُمِينن شَا.38مَانَايَا حمَا اَذ يكمّڒ إِ مِين ينَّا نَّبِي ؤُمِي قَّارن إِشَعْيَا:<آي أَربِّـي، وِي يُوْمْنن س وَاوَاڒ نّغ؟إِ وُوْمِي د يسْبيّن جّْهذ ن وفُوْس ن أَربِّـي؟>39س مَانَايَا وَار زمَّرن شَا اَذ اَمْنن مِينْزِي إِشَعْيَا ينَّا عَاوذ:40<ئِسْضرْغڒ-يثن زِي ثِيطَّاوِين نْسن،ئِسّقْسح-اَسن ؤُڒَاون نْسن،حمَا وَار تْوِيڒِين س ثِيطَّاوِين نْسن،حمَا وَار فهّْمن س وُوْڒَاون نْسن،بَاش وَار غَارِي د ذوِّيڒن نش اَثن سْݣنْفِيغ.>41نَّبِي إِشَعْيَا ينَّا مَانَايَا خ عِيْسَى وَامِي يࢲْرَا لْعَظَمَا نّس يسِّيوڒ خَاس نتَّا.42إِنَّمَا، يوْذَان اَطَّاس وَاخَّا زِي اَرُّوْيَاس نِّي ؤُمْنن زَّايس. وَلَكِن خ سَّبَاب ن يفَرِّيسِيْين ؤُݣِين يِوْذَان-أَ اَت ينِين حمَا وَار ثن طرْدن شَا زِي ثمْزِيذَا.43أَقَا رزُّوْن اَرْضَا ن يِوْذَان كْتَار زِي اَرْضَا ن أَربِّـي.44عِيْسَى يتْخَاطَاب س جّْهذ ينَّا: "ونِّي يتَامْنن زَّايي، مَاشِي يتَامن زَّايِي يتَامن زِي ونِّي إِي ذَايِي د يسّكّن.45ونِّي إِي ذَايِي يࢲْرِين، يࢲْرَا ونِّي إِي ذَايِي د يسّكّن.46ؤُسِيغ-د غَار دُّنشْت-أَ ذ نُّوْر حمَا ونِّي إِي زَّايِي يُوْمْنن وَار يتْغِيمِي شَا ذِي ثَادْجسْت.47ونِّي غَا يسْڒن إِ وَاوَاڒ ينُو وَار ذَاس يتْطِيعِي شَا اَتَاف نش وَار ث تْحِسِيبغ شَا. أَقَا نش وَار د ؤُسِيغ شَا اَذ حَاسْبغ دُّنشْت؛ لَّا، ؤُسِيغ-د حمَا اَذ سنْجْمغ دُّنشْت.48ونِّي إِي ذَايِي يتْعيَّابن نتَّا وَار يقبّڒ شَا اَوَاڒ ينُو، أَتَاف غَارس وِي ث غَا يحَاسْبن. أَوَاڒَ-أَ إِي نِّيغ ذ ونِّي إِي ث غَا يحَاسْبن ذِي نْهَار اَنݣَّارُو.49أَقَا وَار سِّيوْڒغ شَا زِي غَاري؛ لَّا، نش سَّاوَاڒغ نش قَّارغ زِي ڒُوْصِيّث إِي ذَايِي يُوْشَا بَابَا يعْنِي ونِّي إِي ذَايِي د يسّكّن.50سّْنغ ڒُوْصِيّث نّس نتَّاث ذ ثُوْذَارْث ن ڒبْدَا. مِين سَّاوَاڒغ نش، سَّاوَاڒغ-ث عْلَاحْسَاب مَامّش إِي ذَايِي ينَّا بَابَا."
أُوْشَا يُوْسَا-د يجّن ن صُّوْت زݣ وجنَّا ينَّا، سمْغَارغ-ث، أَث سمْغَارغ عَاوذ.29ڒْغَاشِي نِّي تُوْغَا يبدّن تسْڒَان، نَّان اَقَا وَا ذ اَجَّاج. ينّغْنِي نَّان، اَقَا ثسِّيوڒ غَارس يجّن ن لْمَلَائِكَا.30ينَّا-ٱسن عِيْسَى: "صُّوْت-أَ وَار يدْجِي بُو إِ يِيخف ينُو لَّا، إِ كنِّيو.31ڒخُّو اَذ تْوَاعَاقب دُّنشْت-أَ. ڒخُّو لْمُفْسِيد نِّي اَمقّْرَان ن دُّنشْت-أَ اَخَاس اَزّْڒن.32خْمِي غَا تْوَاسْبدّغ ذݣ وجنَّا إِ ثْمُوْرْث، أَذ سذْفَارغ غَارِي مَارَّا يوْذَان."33س وَاوَاڒ-أَ يرزُّو اَسن د يسْبيّن ڒْموْث نِّي إِي غَا يمّث.34نَّان-اَس ڒْغَاشِي نِّي: "نشِّين نسْڒَا زِي مِين يقَّار لْكِتَاب قَا لْمَسِيح اَذ يقِّيم إِ ڒبْدَا. إِيوَا، مَامّش ثقَّارذ شك قَا مِّيس ن بْنَاذم يتْخصَّا اَذ يتْوَاسْبدّ ذݣ وجنَّا؟ مِين يعْنَا مِّيس-أَ ن بْنَاذم قَاع؟"35ينَّا-ٱسن عِيْسَى: "ذْرُوْسْت ن ڒْوقْث إِي كِذْوم يتِيڒِي نُّوْر. ؤُيُوْرم مَدَامَا عَاذ غَارْوم نُّوْر-أَ حمَا وَار خَاوم د ثْحَرّث ثَادْجسْت. ونِّي يݣُّوْرن ذِي ثَادْجسْت وَار يسِّين مَانِي يݣُّوْر.36خْمِي عَاذ غَارْوم نُّوْر، أَمْنث زِي نُّوْر-أَ حمَا كنِّيو اَذ تْذوْڒم ذ ثَارْوَا ن نُّوْر." وَامِي ينَّا مَانَايَا عِيْسَى يُوْيُوْر ينُّوْفَّر زَّايسن.37عِيْسَى وَاخَّا يݣّا اَطَّاس ن لْمُعْجِيزَاث زَّاثْسن، وَار زَّايس ؤُمِينن شَا.38مَانَايَا حمَا اَذ يكمّڒ إِ مِين ينَّا نَّبِي ؤُمِي قَّارن إِشَعْيَا:<آي أَربِّـي، وِي يُوْمْنن س وَاوَاڒ نّغ؟إِ وُوْمِي د يسْبيّن جّْهذ ن وفُوْس ن أَربِّـي؟>39س مَانَايَا وَار زمَّرن شَا اَذ اَمْنن مِينْزِي إِشَعْيَا ينَّا عَاوذ:40<ئِسْضرْغڒ-يثن زِي ثِيطَّاوِين نْسن،ئِسّقْسح-اَسن ؤُڒَاون نْسن،حمَا وَار تْوِيڒِين س ثِيطَّاوِين نْسن،حمَا وَار فهّْمن س وُوْڒَاون نْسن،بَاش وَار غَارِي د ذوِّيڒن نش اَثن سْݣنْفِيغ.>41نَّبِي إِشَعْيَا ينَّا مَانَايَا خ عِيْسَى وَامِي يࢲْرَا لْعَظَمَا نّس يسِّيوڒ خَاس نتَّا.42إِنَّمَا، يوْذَان اَطَّاس وَاخَّا زِي اَرُّوْيَاس نِّي ؤُمْنن زَّايس. وَلَكِن خ سَّبَاب ن يفَرِّيسِيْين ؤُݣِين يِوْذَان-أَ اَت ينِين حمَا وَار ثن طرْدن شَا زِي ثمْزِيذَا.43أَقَا رزُّوْن اَرْضَا ن يِوْذَان كْتَار زِي اَرْضَا ن أَربِّـي.44عِيْسَى يتْخَاطَاب س جّْهذ ينَّا: "ونِّي يتَامْنن زَّايي، مَاشِي يتَامن زَّايِي يتَامن زِي ونِّي إِي ذَايِي د يسّكّن.45ونِّي إِي ذَايِي يࢲْرِين، يࢲْرَا ونِّي إِي ذَايِي د يسّكّن.46ؤُسِيغ-د غَار دُّنشْت-أَ ذ نُّوْر حمَا ونِّي إِي زَّايِي يُوْمْنن وَار يتْغِيمِي شَا ذِي ثَادْجسْت.47ونِّي غَا يسْڒن إِ وَاوَاڒ ينُو وَار ذَاس يتْطِيعِي شَا اَتَاف نش وَار ث تْحِسِيبغ شَا. أَقَا نش وَار د ؤُسِيغ شَا اَذ حَاسْبغ دُّنشْت؛ لَّا، ؤُسِيغ-د حمَا اَذ سنْجْمغ دُّنشْت.48ونِّي إِي ذَايِي يتْعيَّابن نتَّا وَار يقبّڒ شَا اَوَاڒ ينُو، أَتَاف غَارس وِي ث غَا يحَاسْبن. أَوَاڒَ-أَ إِي نِّيغ ذ ونِّي إِي ث غَا يحَاسْبن ذِي نْهَار اَنݣَّارُو.49أَقَا وَار سِّيوْڒغ شَا زِي غَاري؛ لَّا، نش سَّاوَاڒغ نش قَّارغ زِي ڒُوْصِيّث إِي ذَايِي يُوْشَا بَابَا يعْنِي ونِّي إِي ذَايِي د يسّكّن.50سّْنغ ڒُوْصِيّث نّس نتَّاث ذ ثُوْذَارْث ن ڒبْدَا. مِين سَّاوَاڒغ نش، سَّاوَاڒغ-ث عْلَاحْسَاب مَامّش إِي ذَايِي ينَّا بَابَا."
Wycliffe Bible Translators, Inc.