ارسل12
1ذِي ڒْوقْث نِّي، أَزدْجِيذ هِيرُدُوْس يبْذَا يتْعدَّاب ڒبْعَاضِيث زِي جْمَاعث ن ڒْمُوْمِنِين.2نتَّا يُوْمَر أُوْشَا نْغِين س سِّيف يَعْقُوْب ؤُمَاس ن يُوْحَنَّا.3وَامِي يُوْفَا مَانَاينِّي يعْجب-اَسن إِ أَيث-إِسْرَائِيل يكَّر يطّف ؤُڒَا ذ بُطْرُس. ذِي ڒِيَّام ن ڒْعِيذ ن ثفْضِيرْث إِي ذِي يوْقع مَانَاينِّي.4ئِطّف-يث يݣِّي-ث ذِي ڒحْبس، ئِسلّم-يث إِ اَربْعَا ن لْفِرْقَاث ن ڒْعَسْكَار اَث حْضَان، مْكُڒ لْفِرْقَا ذَايس اَربْعَا. ئِنْوَا اَخَاس يحْكم زَّاث إِ شَّعْب منْبَعْد إِ ڒْعِيذ اَمقّْرَان.5تْعسَّاسن خ بُطْرُس ذِي ڒحْبس، جْمَاعث ن ڒْمُوْمِنِين تتَّارن خَاس إِ أَربِّـي.6دْجِيڒث نِّي إِي ذِي د غَا يصبّح هِيرُدُوْس اَذ يحْكم خ بُطْرُس زَّاث إِ شَّعْب، تُوْغَا بُطْرُس يطّص جَار ثْنَاين ن ڒْعَسْكَار يشدّ س ثْنَاين ن سْنَاسڒ. ڒْعَسْكَار نّغْنِي غَار ثوَّارْث تْعسَّاسن خ ڒحْبس.7ڒخْدّنِّي ثْمظْهَار-د ذِنِّي يجّن ن لْمَلَائِكَا ن سِيذِي أَربِّـي، ئِتْشعْشِيع-د يجّن ن نُّوْر ذِي ڒحْبس. لْمَلَائِكَا نِّي ثُوْوْثَا بُطْرُس غَار وغزْذِيس نّس، ثسْفَاق-يث-يذ ثنَّا-ٱس: "كَّر ذغْيَا!" أُوْشَا سْنَاسڒ نِّي فسْينْت زݣ يفَاسّن نّس.8ثنَّا-ٱس لْمَلَائِكَا نِّي: "كَّر حزّم، قّن ثِسِيڒَا نّش." ئِݣَّا بُطْرُس مِين ذَاس ثنَّا. ثنَّا-ٱس عَاوذ: "اݣّ اَزدْجَاب نّش، ذْفَار-اَيِي-د."9ئِكَّر بُطْرُس يفّغ يذْفَار-يت، وَار يسّين شَا مِين تݣّ لْمَلَائِكَا نِّي مَا ذ صَّح مَا لَّا، ئِتْغِير-اَس يوْحَا-يَاس-د أَربِّـي.10عْذُوْن خ وعسَّاس اَمزْوَارُو ذ وِيس ثْنَاين. ؤُوْضن غَار ثوَّارْث ن ڒحْذِيذ ثنِّي يتَاوِين غَار ثنْدِينْت، ثرْزم وَاحْذس فّْغن. ڒخْدّنِّي وَامِي ݣُّوْرن ذݣ يِجّن ن زّنْقث ثسْمح ذَايس لْمَلَائِكَا نِّي.11ذِنِّي إِي د يَارَّا بُطْرُس ڒْبَاڒ نّس ينَّا: "ڒخُّو سّْنغ مَانَايَا ذ صَّح قَا يسّكّ-اَيِي-د سِيذِي أَربِّـي لْمَلَائِكَا نّس، ئِسنْجم-اَيي-د زݣ يفَاسّن ن هِيرُدُوْس ذ مَارَّا مِين خْسن اَذَايِي ݣّن أَيث-إِسْرَائِيل."12وَامِي يفْطن ذِي مَانَايَا، يرُوْح غَار ثدَّارْث ن مَرْيَم يمَّاس ن يُوْحَنَّا ؤُمِي قَّارن مَرْقُس، تْمُوْنن ذِنِّي اَطَّاس ن يِوْذَان تْࢲَادْجَان.13بُطْرُس تُوْغَا يسْقرْقُوْب ذِي ثوَّارْث ن بَارَّا، ثْرُوْح غَارس يجّن ن ثْخدَّانْت قَّارن-اَس رُوْدَا اَذَاس ترْزم.14وَامِي ثعْقڒ اَوَاڒ ن بُطْرُس ثْفَرح اَطَّاس، وَلَكِن قْبڒ مَا ٱذ ترْزم ثَوَّارْث ثعْقب-د غَارْسن ثُوْزّڒ ثنَّا-ٱسن قَا بُطْرُس اَقَاث غَار ثوَّارْث يسْقرْقُوْب.15نَّان-اَس: "مَا ثبُوْهْرِيّذ نِغ؟" وَلَكِن نتَّاث متْأَكّدَا بلِّي مِين ثنَّا نِيشَان. نَّان-اَس: "وَقِلَا وَانِيتَا ذ بُوْحْبڒ ن بُطْرُس وَاهَا."16ئِقِّيم بُطْرُس يسْقرْقُوْب عَاذ ذِي ثوَّارْث. وَامِي ذَاس رزْمن ؤُفِين-ث ذ نتَّا، قِّيمن تْعجّْبن.17ئِقَّار-اَسن س وفُوْس سْتُوْكَاث، سّنِّي يعَاوذ-اَسن مَامّش إِي ث يسُوْفغ سِيذِي أَربِّـي زِي ڒحْبس. ينَّا-ٱسن: "خبَّرم يَعْقُوْب ذ اَيثْمَاثْنغ س مِين يوقْعن." ئِفّغ يرُوْح غَار يِجّن ن ومْشَان نّغْنِي.18وَامِي يصْبَح ڒْحَاڒ يوْقع يجّن ن ومنْغِي ذ اَمقّْرَان جَار ڒْعَسْكَار مَانِيس يكَّا بُطْرُس.19هِيرُدُوْس يسّكّ اَخَاس رْزُوْن، وَار ث يُوْفِي شَا. وَامِي ذَاسن يݣَّا لْإِسْتِجْوَاب إِ يعسَّاسن نِّي، يُوْمَر اَثن نْغن. ڒْموْث ن وزدْجِيذ هِيرُدُوْس
سّنِّي يفّغ وزدْجِيذ هِيرُدُوْس زِي ثْمُوْرْث ن يَهُوْذِيَا يرُوْح غَار ثنْدِينْت ن قَيْصَارِيَا يقِّيم ذِنِّي.20تُوْغَا يغْضب خ يمزْذَاغ ن ثنْدِينْت ن صُوْرْ ذ ثنْدِينْت ن صَيْدَا. كَّرن يمزْذَاغ نِّي رزُّوْن اَذ مصْڒَاحن اَك وزدْجِيذ هِيرُدُوْس لِأَنَّا لْمَكْلَا نْسن تكّ-د زِي ثْمُوْرْث ن وزدْجِيذ. تَّارن-اَس مَانَايَا وَامِي رُوْحن مسْفهَامن اَك بْلَاسْتُوْس يدْجَان نتَّا ذ نَائِب ن هِيرُدُوْس.21ذݣ يِجّن ن ڒْمُنَاسَبَا، ئِكَّر هِيرُدُوْس يرْسَا اَرُّوْض إِي تݣّن يزدْجِيذن يقِّيم خ لْعَرْش يبْذَا يسْتخْطَاب خ يمزْذَاغ ن ثْمُوْرْث نِّي.22كَّرن نِثْنِي عيّْضن س جّْهذ قَّارن: "شك ثْمِيجَّا نّش اَم يِجّن زِي أَربِّـيثن مَاشِي اَم بْنَاذم!"23ڒخْدّنِّي يجّن ن لْمَلَائِكَا ن سِيذِي أَربِّـي ثْسهْڒش هِيرُدُوْس وَامِي وَار يحْمِيذ شَا أَربِّـي. غࢲّن-ث يمِيغْزِيْون يمُّوْث نتَّا.24وَلَكِن أَوَاڒ ن أَربِّـي يتنْتَاشر نتَّا يَرنِّي.25بَرْنَابَا ذ شَاوُل ذوْڒن-د زِي لْقُدْس وَامِي كمّْڒن ڒْخذْمث نْسن، ؤُوِين-د اَكِذْسن يُوْحَنَّا ؤُمِي قَّارن مَرْقُس.
سّنِّي يفّغ وزدْجِيذ هِيرُدُوْس زِي ثْمُوْرْث ن يَهُوْذِيَا يرُوْح غَار ثنْدِينْت ن قَيْصَارِيَا يقِّيم ذِنِّي.20تُوْغَا يغْضب خ يمزْذَاغ ن ثنْدِينْت ن صُوْرْ ذ ثنْدِينْت ن صَيْدَا. كَّرن يمزْذَاغ نِّي رزُّوْن اَذ مصْڒَاحن اَك وزدْجِيذ هِيرُدُوْس لِأَنَّا لْمَكْلَا نْسن تكّ-د زِي ثْمُوْرْث ن وزدْجِيذ. تَّارن-اَس مَانَايَا وَامِي رُوْحن مسْفهَامن اَك بْلَاسْتُوْس يدْجَان نتَّا ذ نَائِب ن هِيرُدُوْس.21ذݣ يِجّن ن ڒْمُنَاسَبَا، ئِكَّر هِيرُدُوْس يرْسَا اَرُّوْض إِي تݣّن يزدْجِيذن يقِّيم خ لْعَرْش يبْذَا يسْتخْطَاب خ يمزْذَاغ ن ثْمُوْرْث نِّي.22كَّرن نِثْنِي عيّْضن س جّْهذ قَّارن: "شك ثْمِيجَّا نّش اَم يِجّن زِي أَربِّـيثن مَاشِي اَم بْنَاذم!"23ڒخْدّنِّي يجّن ن لْمَلَائِكَا ن سِيذِي أَربِّـي ثْسهْڒش هِيرُدُوْس وَامِي وَار يحْمِيذ شَا أَربِّـي. غࢲّن-ث يمِيغْزِيْون يمُّوْث نتَّا.24وَلَكِن أَوَاڒ ن أَربِّـي يتنْتَاشر نتَّا يَرنِّي.25بَرْنَابَا ذ شَاوُل ذوْڒن-د زِي لْقُدْس وَامِي كمّْڒن ڒْخذْمث نْسن، ؤُوِين-د اَكِذْسن يُوْحَنَّا ؤُمِي قَّارن مَرْقُس.
Wycliffe Bible Translators, Inc.