2 أَيث-كورينث9
1أَمَّا صَّذَاقَا إِ صَّالِحِين بْڒَا مَا ذَاوم د اَرِيغ، قَا نش سّْنغ ثْرزُّوْم اَذ تْعَاوْنم ذغْيَا. تفْتَخَرغ نش س مَانَايَا غَار أَيث-مَاسِدُوْنْيَا، قَّارغ-اَسن قَا زݣ وَازذْغَاث كنِّيو ذِي لْإِقْلِيم ن وخَايَا ثْسوْجَاذم-د بَاش اَذ تْصدّْقم. ڒْخَاضَر-أَ نْوم يتْشجَّاع اَزين-اَمقّْرَان اَذ صدّْقن.3أُو سّكّغ-د غَارْوم أَيثْمَاثْنغ تِيتُوْس ذ ثْنَاين-أَ نّغْنِي بَاش لْإِفْتِخَر نّغ ذَايْوم وَار يتِيڒِي شَا ذ ڒْبَاطڒ وَاهَا، أَتَاف اَذ تِيڒِيم ثْسوْجَاذم مَامّش تُوْغَا ذَاسن نِّيغ نش.4منْبَعْد مڒَا ؤُسِين-د اَكِذِي ڒبْعَاض زِي أَيث-مَاسِدُوْنْيَا ؤُفِين-كنِّيو وَار ثسْوجْذم شَا اَتَاف نشِّين أَ نْسذْحَا خ تِّقث نّغ ذَايْوم (ؤُڒَا ذ كنِّيو اَذ تْسذْحَام).5س مَانَايَا ؤُفِيغ أُو لَابُد اَذ شجّْعغ أَيثْمَاثْنغ يِيْنَا إِي ذَايِي د يزْوَارن غَارْوم زِيش بَاش اَذ عذْڒن مَارَّا خ صَّذَاقَا-يَا ثَمقّْرَانْت إِي زِي ذَايِي ثْعَاهْذم زِي قْبڒ. أَمُّو اَذ تِيڒِي صَّذَاقَا-يَا مُوْجُوْدَا س وُوْڒَاون نْوم مَاشِي س بسِّيف.6فكَّرث، ونِّي غَا يزرْعن ذْرُوْس اَذ يمْجَار ذْرُوْس. ونِّي غَا يزرْعن اَطَّاس اَذ يمْجَار اَطَّاس.7كُڒ يجّن يتْخصَّا-يَاس اَذ يصدّق س مِين ينْوَا ذݣ وُوْڒ نّس مَاشِي س وخيَّاق نِغ س بسِّيف، مِينْزِي أَربِّـي يتخْس ونِّي يتْصدَّاقن س ڒفْرَاحث.8أَربِّـي نتَّا يزمَّر اَكنِّيو يسْفيّض س لْبَرَاكَا بَاش اَتَاف ڒبْدَا اَغَارْوم يِيڒِي مِين تحْذَاجَام مَارَّا ثُمَّا اَذ تَرْنِيم اَطَّاس ذِي مَارَّا ڒْخذْمث ثَصبْحَانْت.9مَامّش يقَّار لْكِتَاب: <نتَّا يفرّق اَطَّاس أُوْشَا يُوْشَا-اَسن إِ يپُـوْبْرِيثن، ڒْحَقّ إِݣ يتݣّ نتَّا يتْدُوْمَا إِ ڒبْدَا.>10ونِّي إِݣ يفرّْقن زَّرِّيعث إِ وفدْجَاح نِّي إِݣ يزرّْعن ئِتِيشّ-اَس عَاوذ ؤُڒَا ذ اَغْرُوْم إِي غَا يشّ، أَتَاف نتَّا عَاوذ اَذَاوم يَرْنِي ذِي زَّرِّيعث نِّي إِي ثْزرّْعم اَذ يسمْغَار مِين ثْمجَّارم زِي صَّذَاقَا-يَا نْوم.11أَغَارْوم يِيڒِي ڒْخِير اَطَّاس ذِي مَارَّا بَاش اَتَاف اَذ تِيڒِيم صَاخِيِين. أُو خْمِي غَا نسِّيوض صَّذَاقَا-يَا نْوم اَذ تذْوڒ ذ يجّن ن شُّكر إِ أَربِّـي.12لِأَنَّا صَّذَاقَا-يَا إِي تݣّم مَاشِي غِير تْعمَّر زَّايس يفَاسّن يخْوَان ن ڒْمُوْمِنِين صَّالِحِين ذِي لْقُدْس؛ لَّا، نتَّاث عَاوذ ئِتنْفيَّاض زَّايس اَطَّاس ن شُّكر إِ أَربِّـي.13صَّذَاقَا-يَا ثُوْشَا دَّلِيل خَاوم، زَّايس إِي غَا حمْذن صَّالِحِين أَربِّـي. ثُوْمْنم س لْإِنْجِيل ن لْمَسِيح، ثْطَاعم-اَس خْمِي تْصدَّاقم اَطَّاس خَاسن أُو خ مَارَّا يوْذَان.14رزُّوْن خَاوم تْࢲَادْجَان خَاوم عْلَاحْسَاب اَرْضَا نِّي اَمقّْرَان إِي ذَاوم يُوْشَا أَربِّـي.15أَ نحْمذ أَربِّـي خ لْهَدِيَا نِّي نّس، وَار نْزمَّر اَت نوْصف.
Wycliffe Bible Translators, Inc.