1 أَيث-كورينث5
1ئِفّغ-د يجّن ن ڒخْبَار بلِّي ذِنِّي يجّن ن نُّوْع ن لْفَسَاد جَارَاوم وَار خَاس صبَّرن شَا وَاخَّا ذ لْكُفَّار! ئِجّن ن ورْيَاز غَارس ثَمْغَارْث ن بَابَاس.2ئِي كنِّيو، مَا ذَايْوم تَّكبُّر؟! لَّا، كنِّيو يتْخصَّا اَذ تْخيّْقم. ئِتْخصَّا اَذ تْسُوْفْغم ونِّي يݣِّين مَانَايَا زِي جْمَاعث نْوم.3نش، وَاخَّا غَابغ زَّايوْم س دَّات ينُو، أَقَاث ذِنِّي اَكِذْوم اَرُّوْح ينُو. صَافِي، نش اَخْمِي اَقَايِي ذِنِّي حكْمغ خ ونِّي يݣِّين ثَمسْڒَايْث-أَ.4خْمِي غَا ثْمُوْنم س يِيسم ن سِيذِيثْنغ عِيْسَى اَكِذْوم يِيڒِي اَرُّوْح ينُو، س جّْهذ ن سِيذِيثْنغ عِيْسَى5اَذ تْسُوْفْغم اَرْيَاز-أَ غَار شِّيطَان حمَا اَذ تفْنَا طَّبِيعَا ثَعفَّانْت ن نّفْس نّس اَذ ينْجم اَرُّوْح نّس ذِي يُوْم ن سِيذِيثْنغ.6مَاشِي مْلِيح وَامِي تفْتَخَارم. وَار ثسِّينم شَا إِلَّا غِير ذْرُوْس ن ونْتُوْن إِي د يسْݣَعَّاذن مَارَّا ڒْعَاجْنث ن ورشْثِي؟ 7كّْسث اَنْتُوْن نِّي اَقْذِيم حمَا اَذ تِيڒِيم ذ يجّن ن ڒْعَاجْنث ذ جْذِيذ ن ورشْثِي بْڒَا اَنْتُوْن. لِأَنَّا اَمُّو ذ صَّح إِي ثدْجَام كنِّيو. شُوْف، ئِتْوَاغَرص ڒْعِيذ نّغ يعْنِي لْمَسِيح.8خ مَانَايَا أَ نْعيّذ وَلَكِن وَار نتْعيِّيذ شَا س ونْتُوْن نِّي اَقْذِيم، يعْنِي اَنْتُوْن نِّي نتَّا ذ ڒقْبَاحث ذ شَّرّْ. لَّا، نشِّين أَ نْعيّذ س ثفْضِيرْث، يعْنِي يجّن ن ؤُغْرُوْم ذَايس لْحَقِيقَا وَار ذَايس بُو يخَرِيقّن.9تُوْغَا ؤُرِيغ-اَوم-د ذِي ثبْرَات نِّي ينُو وَار تْعَاشَرث شَا يِنِّي يتݣّن لْفَسَاد.10وَلَكِن تُوْغَا وَار سِّيوِيڒغ شَا خ لْكُفَّار ن دُّنشْت-أَ يِنِّي يتݣّن لْفَسَاد نِغ ذ يضمَّاعن نِغ ذ يغشَّاشن نِغ ذ يِنِّي يعبّْذن لْأَصْنَام. مَعْلِيك اَمنِّي اَذ يِيڒِي لَابُد اَذ تفّْغم زِي دُّنشْت-أَ قَاع.11لَّا، وَلَكِن ڒخُّو نش ؤُرِيغ-اَوم-د بَاش وَار تْعَشَارم شَا ڒْمُوْمن ونِّي يقَّارن قَا نش ذ ؤُمَاش وَلَكِن نتَّا يتݣّ لْفَسَاد نِغ ذ اَضمَّاع نِغ يعبّذ لْأَصْنَام نِغ يقَّار ڒْبَاطڒ نِغ يسسّ اَطَّاس ن شّْرب نِغ ذ اَغشَّاش. ئِجّن اَم وَانِيتَا، وَار تتّم شَا اَكِذس قَاع.12شُوْف، مَاشِي ذ شّْغڒ ينُو اَذ حكْمغ خ لْكُفَّار غَار بَارَّا ن جْمَاعث ن ڒْمُوْمِنِين؛ لَّا، وَلَكِن ذ شّْغڒ نْوم اَذ تْحكْمم خ يِوْذَان غَار ذَاخڒ ن جْمَاعث.13لْكُفَّار غَار بَارَّا اَخَاسن يحْكم أَربِّـي. صَافِي، مَامّش يقَّار لْكِتَاب: <سُوْفْغث خَاوم بْنَاذم اَعفَّان.>
Wycliffe Bible Translators, Inc.