ڒْقُوضَاثْ1rif_ati

يَاهُوذَا إِذْوڒْ ذ أَزدْجِيفْ أَوَارْنِي إِ ڒْموْثْ ن يَاشُووَا

1أَوَارْنِي إِ ڒْموْثْ ن يَاشُووَا، إِمْسَارْ أَقَا أَيْثْ ن إِسْرَائِيل سّقْسَانْ سِيذِي، نَّانْ: ”مَانْ ونْ زَّايْنغْ إِ غَا إِكَّارنْ ذ أَمزْوَارُو أَذْ إِڭعّذْ أَذْ إِمّْنغْ أَكْ-ذ أَيْثْ ن كنْعَانْ؟“2يَارَّا-د سِيذِي: ”يَاهُوذَا أَذْ إِڭعّذْ ذ أَمزْوَارُو. خْزَارْ، نشّْ وْشِيغْ أَسْ ثَامُّورْثْ ذڭْ ؤُفُوسْ نّسْ.“3ؤُشَا إِنَّا يَاهُوذَا إِ ؤُمَاسْ شِيمْعُونْ: ”ڭعّذْ أَكِيذِي ذِي ثمُّورْثْ ن ثْقدُّوحْثْ ن ڒعْبَارْ إِنُو ؤُشَا أجّْ أَنغْ أَذْ نمّْنغْ أَكْ-ذ أَيْثْ ن كنْعَانْ، خنِّي نشّْ أَذْ كِيكْ ڭعّْذغْ ذِي ثمُّورْثْ ن ثْقدُّوحْثْ نّشْ.“ ؤُشَا يُويُورْ أَكِيذسْ شِيمْعُونْ.4إِڭعّذْ يَاهُوذَا ؤُشَا سِيذِي إِعَارْنْ أَيْثْ ن كنْعَانْ ذ إِفِيرِيزِييْينْ ذڭْ ؤُفُوسْ نْسنْ ؤُشَاغڒْبنْ خَاسنْ غَارْ بَازَاقْ،عشْرَا-أَڒَافْ ن يِيرْيَازنْ.5نِيثْنِي ؤُفِينْ أَذُونِي-بَازَاقْ ذِي بَازَاقْ ؤُشَا مّنْغنْ أَكِيذسْ ؤُ نِيثْنِيغڒْبنْ خْ أَيْثْ ن كنْعَانْ ؤُ خْ إِفِيرِيزِييْينْ.6مَاشَا أَذُونِي-بَازَاقْ يَارْوڒْ ؤُشَا نِيثْنِي ضْفَارنْ ث ؤُشَا طّْفنْ ث ؤُشَا قسّنْ أَسْ إِمْزَاونْ ذ ثْفذْنِينْ ثِيمقّْرَانِينْ زڭْ إِفَاسّنْ نّسْ ؤُ زڭْ إِضَارنْ نّسْ.7خنِّي إِنَّا أَذُونِي-بَازَاقْ: ”سبْعِينْ ن إِجدْجِيذنْ، تّْوَاقسّنْ أَسنْ إِمْزَاونْ ذ ثْفذْنِينْ، ثُوغَا ڒقّْضنْ إِڒقّْوَازْ سَاذُو طَّابْڒَا إِنُو. مَامّشْ إِ كِيذْسنْ ڭِّيغْ، أَمُّو إِ ذ أَيِي إِخدْجصْ أَربِّي!“ إِوْينْ ث غَارْ ؤُرْشَالِيمْ ؤُشَا نتَّا إِمُّوثْ ذِينِّي.8أَيْثْ ن يَاهُوذَا مّنْغنْ أَكْ-ذ ؤُرْشَالِيمْ ؤُشَا طّْفنْ ت، وْثِينْ ت س ڒقْضعْ ن سِّيفْ ؤُشَا قّذنْ ثَانْذِينْثْ س ثْمسِّي.9أَوَارْنِي أَسْ هْوَانْ أَيْثْ ن يَاهُوذَا حِيمَا أَذْ مّنْغنْ أَكْ-ذ أَيْثْ ن كنْعَانْ، إِنِّي إِزدّْغنْ ذِي ثمُّورْثْ ن إِذُورَارْ، ذِي ثمُّورْثْ ن لْجَانُوبْ ؤُ ذِي ثمُّورْثْ إِوَاطَانْ.10إِفّغْ يَاهُوذَا غَارْ أَيْثْ ن كنْعَانْ إِ ثُوغَا إِزدّْغنْ ذِي حَابْرُونْ. إِسمْ ن حَابْرُونْ ثُوغَا زِيشْ قَّارنْ أَسْ قَارْيَاثْ-أَرْبَاعْ. نِيثْنِيغڒْبنْ خْ شِيشَايْ ذ أَخِيمَانْ ذ ثَالْمَايْ.11سّنِّي إِفّغْ غَارْ إِمزْذَاغْ ن ذَابِيرْ. إِسمْ ن ذَابِيرْ ثُوغَا زِيشْ قَّارنْ أَسْ قَارْيَاثْ-سَافَارْ.12إِنَّا كَالِيبْ: ”ونِّي إِ غَا إِوْثنْ قَارْيَاثْ-سَافَارْ أَذْ ت إِطّفْ، أَذْ أَسْ وْشغْ يدْجِي أَخْسَا ذ ثَامْغَارْثْ.“13عُوثْنِييِيلْ، مِّيسْ ن قِينَازْ، ؤُمَاسْ أَمژْيَانْ ن كَالِيبْ، إِطّفْ إِ-ت. ؤُشَا كَالِيبْ إِوْشَا أَسْ يدْجِيسْ أَخْسَا ذ ثَامْغَارْثْ.14إِمْسَارْ ؤُمِي غَارسْ د-ثُوسَا نتَّاثْ، ثْعَارْنْ إِ-ث س ثُوثْرَا خْ ييَّارْ ن بَابَاسْ. ؤُشَا ثضْرَا خْ وغْيُوڒْ. إِسّقْسَا ت كَالِيبْ: ”مِينْ شمْ يُوغِينْ؟“15نتَّاثْ ثَارَّا-د خَاسْ: ”أوْشْ أَيِي إِشْثْ ن لْبَارَاكَا، مِينْزِي ثوْشِيذْ أَيِي إِشْثْ ن ثْرقِّيعْثْ ن ثمُّورْثْ غَارْ لْجَانُوبْ. تّْزَاوْڭغْ، أوْشْ أَيِي ؤُڒَا ذ ڒْعُونْصَارَاثْ!“ ؤُشَا إِوْشَا أَسْ كَالِيبْ ڒْعُونْصَارَاثْ ن نجْ ذ ڒْعُونْصَارَاثْ ن وَادَّايْ.16ڭعّْذنْ أَرَّاوْ ن ؤُقِينِي، ونِّي ذ أَضڭْوَاڒْ ن مُوسَا، أَكْ-ذ أَيْثْ ن يَاهُوذَا زِي ثنْذِينْثْ ن ثْشجِّيرَا ن ثِينِي غَارْ ڒخْڒَا ن يَاهُوذَا نِّي إِدْجَانْ ذِي ثمُّورْثْ ن لْجَانُوبْ غَارْ عَارَاذْ. فّْغنْ نِيثْنِي، زدّْغنْ أَكْ-ذ ڒْڭنْسْ.17إِرُوحْ يَاهُوذَا أَكْ-ذ ؤُمَاسْ شِيمْعُونْ ؤُشَاغڒْبنْ نِيثْنِي خْ أَيْثْ ن كنْعَانْ إِنِّي إِ ثُوغَا إِزدّْغنْ ذِي صَافَاثْ، حَارّْمنْ ثنْ قَاعْ ؤُشَا ثحَّانْ ثنْ ؤُشَا ڭِّينْ أَسْ إِ ثنْذِينْثْ نِّي حُورْمَا.18إِطّفْ يَاهُوذَا ؤُڒَا ذ غَازَّا أَكْ-ذ ثمُّورْثْ نّسْ ذ أَشْقَالُونْ أَكْ-ذ ثمُّورْثْ نّسْ ذ عَاقْرُونْ أَكْ-ذ ثمُّورْثْ نّسْ.19سِيذِي ثُوغَا-ث أَكْ-ذ يَاهُوذَا أَڒَامِي يُوژّڒْ خْ إِمزْذَاغْ ن ثمُّورْثْ ن إِذُورَارْ، مَاشَا إِمزْذَاغْ ن ڒوْذَا ن ثغْزُورْثْ وَارْ إِزمَّارْ أَذْ خَاسنْ يَاژّڒْ زِي ثسْغَارْثْ نْسنْ، مِينْزِي نِيثْنِي ثُوغَا غَارْسنْ إِكَارُّوثنْ ن ؤُمنْغِي ن وُوزَّاڒْ.20إِ كَالِيبْ وْشِينْ أَسْ حَابْرُونْ، أَمْ مَامّشْ ثُوغَا إِنَّا مُوسَا، ؤُشَا نتَّا يُوژّڒْ سّنِّي خْ ثْڒَاثَا ن إِحنْجِيرنْ ن عَانَاقْ.
21أَيْثْ ن بِينْيَامِينْ وَارْ زمَّارنْ أَذْ أَژّْڒنْ خْ إِيابُوسِييّنْ، إِنِّي إِزدّْغنْ ذِي ؤُرْشَالِيمْ. أَمُّو إِ قِّيمنْ إِيابُوسِييّنْ زدّْغنْ غَارْ أَيْثْ ن بِينْيَامِينْ ذِي ؤُرْشَالِيمْ، أَڒْ أَسّْ-أَ.22ثَادَّارْثْ ن يُوسُوفْ ثْڭعّذْ غَارْ بَايْثْ-إِلْ ؤُشَا سِيذِي ثُوغَا-ث أَكِيذْسنْ.23ثُويُورْ ثَادَّارْثْ ن يُوسُوفْ حِيمَا أَذْ ثْبرْڭَاڭْ غَارْ بَايْثْ-إِلْ. إِسمْ ن ثنْذِينْثْ ثُوغَا زِيشْ قَّارنْ أَسْ لُوزْ.24إِنِّي ثُوغَا إِڒبْثنْ إِ ثنْذِينْثْ، ژْرِينْ إِجّْ ن ورْيَازْ إِفّغْ-د زِي ثنْذِينْثْ، نَّانْ أَسْ: ”سْشنْ أَنغْ مَانِيسْ نْزمَّارْ أَذْ نَاذفْ غَارْ ثنْذِينْثْ، خنِّي نشِّينْ أَذْ كِيكْ نڭّْ ثَامخْسِيوْثْ إِشوَّارنْ.“25خنِّي إِسّْشنْ أَسنْ ثَاوَّارْثْ ن وَاذَافْ غَارْ ثنْذِينْثْ ؤُشَا نِيثْنِي وْثِينْ ثَانْذِينْثْ س إِشْثْ ن ثشْثِي س ڒقْضعْ ن سِّيفْ، مَاشَا نِيثْنِي جِّينْ أَرْيَازْ نِّي أَذْ يُويُورْ أَكْ-ذ مَارَّا رَادْجْ نّسْ.26ؤُشَا يُويُورْ ورْيَازْ غَارْ ثمُّورْثْ ن إِحِيتِّييّنْ ؤُشَا إِبْنَا إِشْثْ ن ثنْذِينْثْ، إِڭَّا أَسْ إِسمْ لُوزْ. وَا ذ إِسمْ نّسْ أَڒْ أَسّْ-أَ.27مَانَاسَّا وَارْ إِزمَّارْ أَذْ يَاژّڒْ خْ إِمزْذَاغْ ن بَايْثْ-شَانْ ذ ثْندَّامْ إِ غَارسْ د-إِقّْننْ، ڒَا خْ إِمزْذَاغْ ن ثَاعْنَاكْ أَكْ-ذ ثْندَّامْ نّسْ ڒَا خْ إِمزْذَاغْ ن ذُورْ ذ ثْندَّامْ نّسْ ڒَا خْ إِمزْذَاغْ ن يِيبْلَاعَامْ ذ ثْندَّامْ نّسْ ؤُڒَا خْ إِمزْذَاغْ ن مَاجِيدُّو ذ ثْندَّامْ نّسْ. ثُوغَا أَيْثْ ن كنْعَانْعوّْڒنْ أَذْ قِّيمنْ زدّْغنْ ذِي ثمُّورْثْ نِّي.28ثُوغَا إِسْرَائِيل إِذْوڒْ إِجْهذْ أَڒَامِي إِڭَّا لْجِيزْيَا خْ أَيْثْ ن كنْعَانْ، مَاشَا وَارْ زمَّارنْ أَذْ خَاسنْ أَژّْڒنْ مَارَّا.29ؤُڒَا ذ إِفْرَايِيمْ وَارْ إِزمَّارْ أَذْ يَاژّڒْ خْ أَيْثْ ن كنْعَانْ إِ ثُوغَا إِزدّْغنْ ذِي جَازَارْ ؤُ قِّيمنْ أَيْثْ ن كنْعَانْ زدّْغنْ ذِي ڒْوسْطْ نْسنْ ذِي جَازَارْ.30زابُولُونْ وَارْ إِزمَّارْ أَذْ يَاژّڒْ خْ إِمزْذَاغْ ن قِيطْرُونْ ذ إِمزْذَاغْ ن نَاهَالُولْ ؤُ قِّيمنْ أَيْثْ ن كنْعَانْ زدّْغنْ ذِي ڒْوسْطْ نْسنْ ؤُ ثتّْوَاڭّْ خَاسنْ لْجِيزْيَا.31أَشِيرْ وَارْ إِزمَّارْ أَذْ يَاژّڒْ خْ إِمزْذَاغْ ن عَاكُّو ؤُڒَا خْ إِمزْذَاغْ ن صِيذُونْ ذ أَحْلَابْ ذ أَكْزِيبْ ذ هَالْبَا ذ أَفِيقْ ذ رَاحُوبْ.32إِشِيرِييّنْ زدّْغنْ ذِي ڒْوسْطْ ن أَيْثْ ن كنْعَانْ، إِنِّي ذ إِمزْذَاغْ ن ثمُّورْثْ، مِينْزِي نِيثْنِي وَارْ زمَّارنْ أَذْ خَاسنْ أَژّْڒنْ.33نَافْثَالِي وَارْ إِزمَّارْ أَذْ يَاژّڒْ خْ إِمزْذَاغْ ن بَايْثْ-شَامْسْ ذ إِمزْذَاغْ ن بَايْثْ-عَانَاثْ. أَمُّو إِ ثُوغَا إِزْذغْ ذِي ڒْوسْطْ ن أَيْثْ ن كنْعَانْ، إِنِّي ذ إِمزْذَاغْ ن ثمُّورْثْ. ثتّْوَاڭّْ خَاسنْ لْجِيزْيَا خْ إِمزْذَاغْ ن بَايْثْ-شَامْسْ ذ بَايْثْ-عَانَاثْ.34إِمُورِييْينْ حْصَارنْ أَيْثْ ن ذَانْ غَارْ إِذُورَارْ، مِينْزِي وَارْ ثنْ جِّينْ أَذْ هْوَانْ غَارْ ڒوْضَا ن ثغْزُورْثْ.35ثُوغَا إِمُورِييْينْعوّْڒنْ أَذْ قِّيمنْ زدّْغنْ ذڭْ إِذُورَارْ ن حَارَاسْ، ذِي أَيَالُونْ ؤُ ذِي شَاعَالْبِيمْ، مَاشَا أَفُوسْ ن ثَادَّارْثْ ن يُوسُوفْ ثُوغَا إِزيَّارْ خَاسنْ أَطَّاسْ أَڒَامِي خَاسنْ ثتّْوَاڭّْ لْجِيزْيَا.36ثُوغَا أَيْمِيرْ ن إِمُورِييْينْ زِي ثْسُونْثَا ن ثْغَارْضْمِيوِينْ، زِي جَّارْفْ ؤُشَا سّنِّي غَارْ سنّجْ.
expand_more
Search