Read أَيُوبْ 23

أَيُوبْ23rif_ati

ثَامْوَارِّيثْ ن أَيُوبْ خْ إِلِيفَازْ ذ وذْفَاعْ نّسْ زَّاثْ إِ أَربِّي

¹يَارَّا-د أَيُوبْ، إِنَّا:

²ؤُڒَا ذ أَسّْ-أَ أَشثْشِي إِنُو ذ أَغنَّانْ، إِسّذْقڒْ أَفُوسْ إِنُو خْ ؤُنفّسْ إِنُو.³مْڒِي سّْنغْ، مَانِي زمَّارغْ أَذْ ث أَفغْ، مَاحنْذْ أَذْ أَوْضغْ غَارْ ثْزذِّيغْثْ نّسْ.⁴خنِّي أَذْ بزّْعغْ زَّاثسْ دّعْوثْ، أَذْ شُّورغْ أَقمُّومْ إِنُو س وَاوَاڒنْ إِ ؤُشَارّعْ.⁵أَذْ سّْنغْ أَوَاڒنْ إِ خَافِي د غَا يَارّْ، أَذْ فهْمغْ مِينْ إِ ذ أَيِي غَا يِينِي.

⁶مَا إِتّْخصَّا أَسْ أَذْ إِمْشَارّعْ أَكِيذِي س جّْهذْ أَمقّْرَانْ؟ لَّ، أجّْ إِ-ث أَذْ أَيِي إِوْشْ ثَايْنِيثْ وَاهَا.⁷ذِينِّي أَذْ كِيذسْ إِمْشَارّعْ ونِّي إِشْنَانْ ؤُ أَمُّو نشّْ أَذْ نُّوفْسْڒغْ إِ ڒبْذَا زِي ڒْقَاضِي إِنُو.⁸مَاشَا خْزَارْ، مَاڒَا ؤُيُورغْ غَارْ شَّارْقْ، أَمُّو وَارْ ذِينْ إِدْجِي نتَّا، ؤُ مَاڒَا ؤُيُورغْ غَارْ ڒْغَارْبْ، أَمُّو وَارْ ذ أَسْ تّْحكَّارغْ.⁹مَاڒَا غَارسْ شْغڒْ ذِي شَّامَالْ، وَارْ ث تّْوِيڒِيغْ، مَاڒَا إِنّقْڒبْ-د غَارْ لْجَانُوبْ، وَارْ ث ژَترّغْ.

¹⁰مَاشَا نتَّا إِسّنْ أَبْرِيذْ إِ ڭُّورغْ، إِتّْقدْجبْ أَيِي، أَذْ فّْغغْ أَمْ وُورغْ.¹¹إِمْنعْ ؤُضَارْ إِنُو ذِي جُّورَّاثْ نّسْ، أَبْرِيذْ نّسْ ضْفَارغْ ث، وَارْ زَّايسْ فِّيغغْ.¹²ثَاوْصِييّثْ زڭْ ؤُقمُّومْ نّسْ وَارْ زَّايسْ أَرْخُوغْ. أَوَاڒنْ ن ؤُقمُّومْ نّسْ خمّْڒغْ ثنْ، مَاهُو مِينْ خفْ تّْوَاوصِّيغْ.¹³مَاشَا مَاڒَا نتَّا ضِيدّْ ن شَا ن يِيجّنْ، مَانْ ونْ إِ ث غَا إِمنْعنْ زِي مَانْ أَيَا؟ مِينْ إِخْسْ ڒعْمَارْ نّسْ، أَذْ ث يڭّْ.

¹⁴مَاغَارْ نتَّا إِسّقْفَاڒْ مِينْ إِ ذ أَيِي يُورَا، ؤُ أَقَا ذِينْ أَطَّاسْ ن ثْمسْڒَايِينْ أَمْ ثِينَا غَارسْ ذِي ڒْبَاڒْ.¹⁵خْ ؤُيَا تّْنخْڒَاعغْ زَّاثْ إِ ؤُغمْبُوبْ نّسْ، أَقَا فهْمغْ ت مْلِيحْ، ؤُ تّڭّْوذغْ زَّايسْ.¹⁶مَاغَارْ أَربِّي إِسّفْشِيڒْ ؤُڒْ إِنُو، أَمْزمَّارْ خْ كُوڒْشِي إِسّْنخْڒَاعْ أَيِي.¹⁷مَاغَارْ وَارْ تّْنخْڒِيعغْ زِي ثَادْجسْثْ، ؤُڒَا زڭْ وُوذمْ إِنُو نِّي إِتّْڒحّفْ س ثُوبَّارْشنْثْ.

أَيُوبْ 23 / rif_ati

ثَامْوَارِّيثْ ن أَيُوبْ خْ إِلِيفَازْ ذ وذْفَاعْ نّسْ زَّاثْ إِ أَربِّي

أَيُوبْ23rif_ati