Read 𐴇𐴞𐴁𐴌𐴝𐴕𐴞𐴀𐴡𐴥𐴓𐴢 8

𐴇𐴞𐴁𐴌𐴝𐴕𐴞𐴀𐴡𐴥𐴓𐴢8

𐴀𐴞𐴏𐴝𐴤 𐴀𐴡𐴥𐴙𐴓𐴊𐴠 𐴀𐴝𐴣𐴀𐴌𐴝𐴌 𐴁𐴡𐴌𐴡 𐴀𐴞𐴔𐴝𐴔

¹𐴎𐴞𐴀𐴕 𐴈𐴡𐴖𐴝𐴤 𐴒𐴞𐴥𐴘𐴠 𐴇𐴞𐴥𐴀𐴕𐴡𐴌 𐴔𐴟𐴓𐴢 𐴈𐴡𐴃𐴝𐴤 𐴀𐴡𐴥𐴙𐴓𐴊𐴠, 𐴀𐴝𐴣𐴀𐴌𐴝𐴃𐴧𐴟 𐴀𐴠𐴒𐴧𐴗𐴝𐴤 𐴀𐴠𐴕𐴊𐴞𐴓𐴧𐴝 𐴁𐴡𐴌𐴡 𐴀𐴞𐴔𐴝𐴔 𐴀𐴝𐴏𐴠𐴤, 𐴎𐴞𐴁𐴝𐴤 𐴀𐴝𐴏𐴔𐴝𐴕𐴡𐴃𐴢 𐴔𐴝𐴎𐴠𐴥 𐴀𐴝𐴓𐴧𐴝 𐴃𐴝𐴥𐴓𐴝𐴌 𐴃𐴡𐴑𐴃𐴡𐴥𐴌 𐴊𐴠𐴕 𐴋𐴝𐴑𐴡𐴃𐴧𐴟 𐴁𐴡𐴘𐴍𐴝𐴤 𐴀𐴝𐴏𐴠𐴤,²𐴎𐴞𐴁𐴝𐴤 𐴂𐴝𐴑 𐴎𐴝𐴒𐴝𐴃𐴢 𐴇𐴠𐴥𐴊𐴔𐴡𐴃𐴢 𐴒𐴡𐴌𐴠𐴥, 𐴘𐴝𐴥𐴕𐴞 𐴀𐴝𐴏𐴡𐴥𐴓𐴢 𐴄𐴝𐴔𐴁𐴟 𐴖𐴝𐴀𐴕 𐴀𐴡𐴃𐴢, 𐴎𐴞𐴘𐴝𐴥𐴕 𐴔𐴝𐴁𐴟𐴊𐴠 𐴁𐴠 𐴄𐴝𐴙𐴑𐴧𐴠𐴥, 𐴀𐴞𐴕𐴏𐴝𐴥𐴕𐴠 𐴕𐴡.

³𐴇𐴝𐴥𐴀𐴌 𐴀𐴠𐴒𐴧𐴗𐴝𐴤 𐴁𐴡𐴌𐴡 𐴀𐴞𐴔𐴝𐴔𐴡𐴌𐴠 𐴃𐴟𐴓𐴝𐴤 𐴎𐴝 𐴊𐴠 𐴃𐴡 𐴕𐴡𐴎𐴡𐴌𐴝𐴕𐴝 𐴀𐴠𐴊𐴧𐴠 𐴑𐴟𐴌𐴁𐴝𐴕𐴞 𐴀𐴡𐴥𐴑𐴧𐴡𐴓𐴢 𐴂𐴠𐴦𐴐𐴢 𐴒𐴡𐴌𐴞𐴥 𐴁𐴡𐴓𐴧𐴝 𐴀𐴠𐴥𐴕𐴝, 𐴇𐴠𐴥𐴃𐴡𐴓𐴧𐴝 𐴀𐴝𐴣𐴀𐴌𐴝𐴌𐴒𐴗𐴝𐴥𐴃𐴧𐴟 𐴘𐴡𐴥 𐴂𐴠𐴦𐴐𐴢 𐴒𐴡𐴌𐴞𐴥 𐴁𐴡𐴓𐴧𐴝 𐴑𐴠𐴏𐴧𐴟𐴥 𐴃𐴝𐴥𐴑𐴝𐴌 𐴎𐴡𐴌𐴟𐴌.⁴𐴀𐴞𐴥𐴁𐴝 𐴎𐴡𐴊𐴞 𐴊𐴟𐴕𐴞𐴘𐴝𐴙𐴃𐴢 𐴃𐴝𐴥𐴑𐴞𐴃𐴡, 𐴀𐴞𐴥𐴁𐴝 𐴁𐴞𐴓𐴑𐴟𐴥𐴓𐴢 𐴀𐴞𐴔𐴝𐴔 𐴀𐴡𐴥𐴘 𐴕𐴡 𐴉𐴝𐴙𐴃𐴧𐴡, 𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴐𐴡𐴥𐴌𐴞𐴘𐴡𐴃𐴢 𐴔𐴡𐴎𐴞𐴕 𐴕𐴡𐴎𐴡𐴌𐴝𐴕𐴝 𐴂𐴠𐴦𐴐𐴢 𐴒𐴡𐴌𐴞𐴥 𐴁𐴡𐴓𐴧𐴝 𐴊𐴠 𐴀𐴝𐴒𐴠 𐴓𐴡𐴥𐴃𐴞 𐴀𐴞𐴔𐴝𐴔 𐴀𐴝𐴏𐴠𐴤,⁵𐴎𐴠𐴃𐴝𐴌𐴝𐴤 𐴀𐴝𐴏𐴔𐴝𐴕𐴞 𐴏𐴞𐴎𐴢 𐴀𐴡𐴥𐴑𐴧𐴡𐴓𐴡𐴌 𐴕𐴡𐴔𐴟𐴕𐴝𐴌 𐴀𐴠𐴊𐴧𐴠 𐴏𐴝𐴥𐴁𐴝𐴌 𐴇𐴠𐴥𐴊𐴔𐴡𐴃𐴢 𐴒𐴡𐴌𐴠𐴥. 𐴇𐴠𐴥𐴃𐴡𐴓𐴧𐴝 𐴃𐴡 𐴔𐴟𐴀𐴏𐴝𐴘𐴠 𐴄𐴝𐴔𐴁𐴟 𐴄𐴝𐴑𐴞𐴁𐴝𐴥𐴐𐴧𐴡𐴃𐴢 𐴀𐴝𐴓𐴧𐴝𐴘𐴠 𐴀𐴞𐴥𐴁𐴝𐴌𐴠 𐴀𐴠𐴕𐴊𐴞𐴓𐴧𐴝 𐴀𐴟𐴥𐴣𐴐𐴞𐴘𐴝𐴌𐴞 𐴊𐴞𐴥𐴓𐴢, ”𐴏𐴝𐴀𐴙𐴐𐴢, 𐴉𐴝𐴀𐴌𐴡𐴌 𐴖𐴡𐴌𐴠 𐴃𐴡𐴌𐴠𐴥 𐴎𐴠 𐴕𐴡𐴔𐴟𐴕𐴝 𐴊𐴝𐴈𐴝𐴤 𐴒𐴞𐴥𐴘𐴠, 𐴉𐴡𐴃𐴧𐴞𐴥 𐴀𐴠𐴑𐴧𐴝𐴥𐴕 𐴇𐴠𐴥 𐴔𐴟𐴃𐴝𐴉𐴠𐴑 𐴁𐴝𐴕𐴝𐴙𐴐𐴢.“ ⁶𐴔𐴡𐴕𐴃𐴡𐴌 𐴘𐴝𐴓𐴝 𐴃𐴡 𐴀𐴞𐴏𐴝𐴤𐴘𐴠 𐴀𐴞𐴥𐴃𐴝𐴌𐴝𐴌 𐴃𐴟𐴥𐴖𐴝𐴌𐴡 𐴀𐴟𐴃𐴧𐴡𐴔 𐴇𐴠𐴥𐴊𐴔𐴡𐴃𐴊𐴝𐴌𐴞 𐴉𐴝𐴘𐴧𐴠𐴥, 𐴀𐴠𐴊𐴧𐴟𐴥𐴌 𐴎𐴠𐴀𐴕 𐴕𐴞𐴥𐴑𐴞 𐴀𐴞𐴥𐴁𐴝 𐴁𐴠𐴀𐴃𐴡𐴌 𐴌𐴝𐴎𐴞𐴕𐴝𐴔𐴝 𐴖𐴝𐴀𐴕𐴡𐴌 𐴀𐴟𐴏𐴞𐴥𐴓𐴝 𐴘𐴡𐴥, 𐴎𐴞𐴘𐴝𐴥𐴕 𐴁𐴠𐴀𐴃𐴡𐴌 𐴖𐴝𐴦𐴊𐴝 𐴀𐴡𐴥𐴑𐴧𐴡𐴓𐴡𐴌 𐴁𐴟𐴕𐴞𐴘𐴝𐴊𐴞𐴌 𐴖𐴡𐴌𐴠 𐴒𐴡𐴌𐴝𐴥 𐴒𐴞𐴥𐴘𐴠.

⁷𐴉𐴡𐴀𐴘𐴓𐴝𐴌 𐴌𐴝𐴎𐴞𐴕𐴝𐴔𐴝 𐴒𐴝𐴥𐴕 𐴎𐴡𐴊𐴞 𐴕𐴞𐴑𐴟𐴥𐴃𐴢 𐴀𐴡𐴥𐴘𐴃𐴡, 𐴃𐴡𐴥𐴀𐴘𐴓𐴠 𐴃𐴡 𐴊𐴟𐴏𐴝𐴥𐴌𐴝 𐴌𐴝𐴎𐴞𐴕𐴝𐴔𐴝𐴌 𐴇𐴡𐴕𐴡𐴤 𐴎𐴡𐴌𐴟𐴌𐴡𐴃𐴢 𐴕𐴡 𐴀𐴡𐴥𐴘𐴃𐴡.⁸𐴔𐴡𐴕𐴃𐴡𐴌 𐴀𐴝𐴓𐴧𐴝𐴘𐴠 𐴕𐴞𐴎𐴡𐴌 𐴁𐴡𐴕𐴊𐴝 𐴀𐴡𐴥𐴑𐴧𐴡𐴓𐴡𐴌 𐴈𐴡𐴏𐴟𐴥𐴌𐴞 𐴊𐴝𐴈𐴝𐴤𐴘𐴊𐴞 𐴁𐴡𐴓𐴧𐴝 𐴈𐴡𐴘𐴧𐴠𐴥 𐴊𐴠,”𐴔𐴝𐴁𐴟𐴊𐴠 𐴉𐴡𐴥𐴌𐴔𐴝𐴙𐴌, 𐴏𐴡𐴀, 𐴊𐴞𐴕 𐴀𐴟𐴀𐴙𐴕 𐴀𐴝𐴘𐴧𐴠𐴤𐴌,𐴎𐴠𐴣𐴃𐴧𐴠𐴥 𐴀𐴝𐴀𐴛 𐴀𐴠𐴑𐴧𐴝𐴥𐴕 𐴕𐴡𐴘𐴝 𐴌𐴝𐴎𐴞𐴕𐴝𐴔𐴝 𐴒𐴡𐴙𐴅𐴧𐴟𐴥𐴔𐴀𐴞𐴏𐴌𐴝𐴥𐴙𐴓𐴡𐴌 𐴔𐴝𐴕𐴟𐴥𐴙𐴐𐴢 𐴓𐴡𐴥𐴘𐴀𐴠𐴊𐴧𐴠 𐴘𐴡𐴇𐴟𐴥𐴊𐴝𐴌 𐴔𐴝𐴕𐴟𐴥𐴙𐴐𐴢 𐴓𐴡𐴥𐴘.⁹𐴇𐴞𐴥𐴘𐴝𐴕 𐴌𐴝𐴎𐴞𐴕𐴝𐴔𐴝 𐴖𐴝𐴀𐴕𐴡𐴌 𐴋𐴡𐴥𐴙𐴓𐴧𐴝 𐴕𐴡 𐴀𐴡𐴥𐴘𐴁𐴡,𐴎𐴞𐴘𐴝𐴥𐴕 𐴀𐴝𐴀𐴛 𐴀𐴞𐴥𐴃𐴝𐴌𐴝𐴌 𐴁𐴝𐴉𐴊𐴝𐴊𐴝 𐴀𐴡𐴥𐴑𐴧𐴡𐴓𐴢 𐴓𐴡𐴥𐴘 𐴀𐴡𐴣𐴃𐴧𐴠𐴤 𐴒𐴡𐴙𐴅𐴧𐴞𐴥𐴓𐴝𐴔𐴎𐴠𐴣𐴃𐴧𐴠𐴥 𐴀𐴝𐴀𐴛 𐴀𐴞𐴥𐴃𐴝𐴌𐴝𐴌𐴠 𐴀𐴝𐴥𐴃𐴡𐴃𐴢 𐴊𐴡𐴥𐴌𐴞𐴀𐴞𐴅𐴞𐴤𐴂𐴢 𐴊𐴠𐴐𐴡𐴃𐴧𐴟 𐴕𐴠𐴦𐴓𐴝𐴘 𐴀𐴝𐴙𐴕𐴧𐴞𐴤𐴓𐴝𐴔.𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴀𐴞𐴥𐴃𐴝𐴌𐴝 𐴀𐴝𐴣𐴀𐴌 𐴇𐴠𐴥 𐴌𐴝𐴎𐴞𐴕𐴝𐴔𐴝𐴃𐴢 𐴎𐴝𐴌𐴞 𐴕𐴡𐴥 𐴃𐴝𐴥𐴑𐴠,𐴇𐴠𐴥𐴃𐴡𐴓𐴧𐴝 𐴀𐴝𐴀𐴛 𐴘𐴡𐴥 𐴀𐴞𐴥𐴃𐴝𐴌𐴝𐴌 𐴀𐴟𐴎𐴟 𐴊𐴞𐴥𐴘𐴝𐴕 𐴕𐴡𐴥 𐴊𐴞𐴥,𐴔𐴝𐴁𐴟𐴊𐴠 𐴉𐴡𐴥𐴌𐴔𐴝𐴙𐴌.¹⁰𐴔𐴝𐴁𐴟𐴊𐴠 𐴀𐴝𐴌𐴡𐴤 𐴉𐴡𐴥𐴌𐴔𐴝𐴙𐴌, 𐴊𐴞𐴕 𐴇𐴞𐴥𐴀𐴕 𐴁𐴝𐴦𐴊𐴠 𐴀𐴝𐴀𐴛 𐴀𐴞𐴏𐴌𐴝𐴥𐴙𐴓𐴡𐴌 𐴔𐴝𐴕𐴟𐴥𐴙𐴐𐴢 𐴓𐴡𐴥𐴘 𐴎𐴠 𐴌𐴝𐴎𐴞𐴕𐴝𐴔𐴝 𐴒𐴡𐴌𐴞𐴥𐴘𐴟𐴔𐴇𐴞𐴥𐴘𐴝𐴕 𐴀𐴡𐴥𐴙𐴓𐴊𐴠 𐴘𐴝𐴀𐴕𐴝:𐴀𐴝𐴀𐴛 𐴀𐴝𐴣𐴀𐴌 𐴐𐴡𐴥𐴌𐴞𐴘𐴡𐴃𐴢 𐴀𐴡𐴥𐴑𐴧𐴡𐴓𐴢 𐴀𐴞𐴥𐴃𐴝𐴌𐴝𐴌 𐴎𐴠𐴈𐴠𐴥𐴕𐴡𐴃𐴢 𐴋𐴝𐴥𐴓𐴞𐴊𐴞𐴘𐴟𐴔,𐴀𐴠𐴊𐴧𐴠 𐴇𐴞𐴥𐴀𐴕 𐴀𐴞𐴥𐴃𐴝𐴌𐴝𐴌 𐴊𐴞𐴓𐴡𐴃𐴢 𐴓𐴠𐴑𐴞𐴥𐴊𐴞𐴘𐴟𐴔.𐴀𐴝𐴀𐴛 𐴀𐴞𐴥𐴃𐴝𐴌𐴝𐴌 𐴀𐴝𐴓𐴧𐴝 𐴀𐴡𐴥𐴘𐴧𐴟𐴔,𐴀𐴝𐴦𐴌 𐴀𐴞𐴥𐴃𐴝𐴌𐴝 𐴀𐴝𐴣𐴀𐴌 𐴁𐴡𐴕𐴊𐴝 𐴀𐴡𐴥𐴘𐴁𐴡.¹¹𐴘𐴝𐴥𐴌𐴁𐴝𐴦𐴊𐴠 𐴓𐴡𐴥𐴃𐴞 𐴀𐴞𐴥𐴃𐴝𐴌𐴝𐴃𐴧𐴟 𐴕𐴞𐴎𐴡𐴌 𐴀𐴝𐴃𐴠𐴇𐴝𐴣𐴏𐴡𐴥𐴌 𐴔𐴝𐴙𐴕𐴐𐴡𐴥𐴌𐴠𐴘𐴝𐴥 𐴕𐴞𐴎𐴡𐴌 𐴁𐴝𐴥𐴘𐴡𐴌𐴠 𐴀𐴠𐴕𐴊𐴞𐴓𐴧𐴝 𐴃𐴝𐴦𐴓𐴞𐴔 𐴊𐴞𐴘𐴝 𐴕𐴡 𐴉𐴡𐴌𐴞𐴁𐴡𐴥 𐴊𐴠 𐴑𐴞, ’𐴔𐴝𐴁𐴟𐴊𐴡𐴌𐴠 𐴏𐴞𐴕𐴡𐴥,‘𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴀𐴞𐴥𐴃𐴝𐴌𐴝 𐴋𐴡𐴣𐴀𐴌 𐴐𐴡𐴥𐴣𐴍𐴡 𐴁𐴠𐴒𐴧𐴟𐴥𐴕𐴠𐴀𐴝𐴣𐴀𐴌𐴠𐴥 𐴏𐴞𐴕𐴞𐴥𐴁𐴡.¹²𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴀𐴝𐴀𐴛 𐴀𐴞𐴥𐴃𐴝𐴌𐴝𐴌 𐴈𐴡𐴏𐴟𐴥𐴌𐴞 𐴀𐴡𐴥𐴑𐴧𐴡𐴓𐴢 𐴔𐴝𐴉𐴢 𐴒𐴡𐴌𐴞𐴥𐴊𐴞𐴘𐴟𐴔,𐴀𐴝𐴦𐴌 𐴀𐴞𐴥𐴃𐴝𐴌𐴝𐴌 𐴒𐴟𐴕𐴝𐴤 𐴀𐴝𐴌 𐴔𐴡𐴕𐴡𐴃𐴢 𐴕𐴡 𐴌𐴝𐴙𐴑𐴧𐴟𐴥𐴔.“

¹³𐴀𐴞𐴥𐴁𐴝𐴘𐴠 𐴎𐴠𐴣𐴃𐴧𐴠𐴥 ”𐴀𐴠𐴑𐴧𐴝𐴥𐴕 𐴕𐴡𐴘𐴝 𐴌𐴝𐴎𐴞𐴕𐴝𐴔𐴝“ 𐴈𐴡𐴘𐴧𐴠𐴥, 𐴀𐴞𐴥𐴁𐴝𐴘𐴠 𐴃𐴡 𐴀𐴝𐴒𐴡𐴌 𐴒𐴝𐴥𐴕𐴡𐴌𐴠 𐴁𐴝𐴀𐴓𐴊𐴝𐴘 𐴉𐴠𐴥𐴓𐴝𐴘𐴧𐴠. 𐴀𐴝𐴦𐴌 𐴎𐴞𐴘𐴝𐴥𐴕 𐴁𐴝𐴀𐴓𐴊𐴝𐴘 𐴎𐴝𐴒𐴡𐴘 𐴀𐴠𐴊𐴧𐴠 𐴉𐴟𐴌𐴝𐴕 𐴀𐴡𐴥𐴘𐴎𐴝𐴒𐴡𐴘, 𐴇𐴞𐴥𐴘𐴝𐴕 𐴃𐴡 𐴇𐴝𐴥𐴌𐴝 𐴒𐴝𐴙𐴁𐴢 𐴀𐴡𐴥𐴘𐴎𐴝𐴘𐴁𐴡𐴘.

The Word for the World International

https://app.library.bible/content/87faca8b51c22590