Tit3
1Iỡuq pa-sơdor pơnõq nhũ duh huaĩq sì pãc sãp dơgrữq mơnuĩh pô pitao sigỡuq sì mơnuĩh apãt akõq, iỡuq rơchãc lơĩh ga dơgrữq vruãq siàp,2ôh đơp iãh sàq asơi, ôh mơvlah kơchah, nữn iỡuq dòq lơmeh lơmõn, ràc tơviãq savĩq pơviar rùp sì dơgrữq mơnuĩh.3Kơyua rùp phuỗt pơnõq drơi halơu thrơi kung la dơgrữq mơnuĩh gơla pơtòq sì ôh pãc sãp ngãq tui, pơnõq drơi kađòc paluơ pa-gơla sì ngãq halỗt ga tãl dơgrữq kaya ham ưng sigỡuq sì sơh ham khiãng, pơnõq drơi song hadiuq dơlãp kaya iãh mơsãc sì ham khiãng lơmùq mơvai, pơnõq drơi đang mang lơmùq mơvai sì mơvai jơdrãq sì gỡuq.4Nữn dơlãp tũq kaya lơmuỡn siàp sì hatai khiãng duman Yàc Pô Lơngĩq hũ, Yàc Dõc pơnõq drơi, hũ ràc akhàt tơviãq,5nữn Pitrai dõc pơ-tlah pơnõq drơi, ôh iỡuq kơyua mưng dơgrữq vruãq ngãq mưng kaya tơpãq dãng nữn pơnõq drơi ngãq tơviãq, nữn kơyua mưng hatai anĩt duman Pitrai hũ, mưng vruãq rao sơchih kaya đeh wỡq vơhrơu hũ sì pa-sơdua vơhrơu kơyua mưng Yàc Vơngãq Sơđah,6la Pitao nữn Yàc Pô Lơngĩq song tôh tơviãq savĩq dơlah dơlai pãq dlòc pơnõq drơi mưng Yàc Dõc pơnõq drơi la Yàc Dõc Pơ-tlah Je-su,7pioh hadơi sì tũq hũ angãn tơpãq dãng gơnang mưng kaya anĩt Pitrai, pơnõq drơi tơviãq jỡc dơgrữq mơnuĩh kung hũ tồq mãq tui yơu kaya chơkhãq chàc gơnĩt viãq mưng kaya hadiuq gãm gãm.8Pơnuaĩq yàc nĩ la đang mang chàc gơnang, sì kơu ưng anàq đơp gơnĩt dơlãp dơgrữq pơnuaĩq nữn, pioh hayơu ga dơgrữq mơnuĩh halơi song pãc-tui Yàc Pô Lơngĩq ròq gơrhia iãq mững pioh rùp dơlãp vruãq ngãq siàp. Nữn vruãq nữn la dơgrữq vruãq siàp sì hũ kuơ ga avih dơgrữq tãl aràc.9Nữn iỡuq pleh dơgrữq vruãq pơrjai gơla pơtòq, dơgrữq pơnuaĩq mưng kar, kaya gơrlah gỡuq sì mơvlah kơchah mưng voh-va kơyua pơnõq nhũ la dơgrữq kaya ôh kuơ sì ôh ngãq hagĩq jỡc.10Iỡuq pa-trơh tơviãq mơnuĩh halơi nao tui jơlàt ngãq pa-chơlah hadơi sì tũq sa bãc hẽla dua bãc đơp gơrhia,11kơyua thơu làiq sa aràc mơnuĩh yơu nữn song kađòc tlàq luơi jơlàt tơpãq dãng sì miẽt sỗq dlài, la mơnuĩh pa-mơtai krơi rùp drơi.12Tũq kơu pơđar A-te-ma hẽla Ty-chi-kơ trôh anĩh anàq, nữn iỡuq sơmar nao trôh pãp kơu pãq Ni-kô-bô-li, kơyua kơu song ngãq gơnĩt dòq tơpa vlàt mơrìt pãq đỡn.13Iỡuq pơđar mơnuĩh gơrlah pơnuaĩq Se-sa sì A-bô-lô nao jơlàt rơchãc lơĩh dơgrữq kaya, pioh pơnõq nhũ ôh siỡuq kaya hagĩq.14Dơgrữq adơi sơai pãc-tui yàc pơnõq drơi hũ kung iỡuq mơgrũ pioh rùp drơi dơlãp dơgrữq vruãq ngãq siàp pioh dõc ga dơgrữq kaya iỡuq chàc, pioh yơu nữn juơi hadiuq nữn ôh hũ voh chơtai.15Avih dơgrữq mơnuĩh dòq sigỡuq sì kơu tơnĩa rơwãc anàq. Iỡuq pơyua pơnuaĩq tơnĩa rơwãc ga dơgrữq mơnuĩh anĩt anar pơnõq drơi dơlãp voh tui. Lakơu kaya anĩt dòq sì avih dơgrữq pơnõq adơi sơai.
FAR EAST BROADCASTING COMPANY