Revelation2
1Iỡuq wãq ga mơnuĩh gơnrơh sàc pơjũm sơđah pãq E-phe-sô làiq:
‘Pitao apãt tơjuh voh ia pitỗq pãq dlòc tơngãn hơnuãq Pitrai la Pitao sì yàp nao di khrãh tơjuh voh tơkai apôi đeng mưng mữh, đơp yơu nĩ:2“Kơu thơu dơgrữq vruãq ngãq anàq hũ, vruãq dleh dlàr sigỡuq sì kaya ãt ỡl anàq hũ, Kơu kung thơu làiq anàq ôh tũq halơi ãt ỡl mơnuĩh brưh mơsãc, anàq song lòc dơgrữq mơnuĩh angãn krơi rùp nhũ la mơnuĩh gơnuar pơđar nữn pơnõq nhũ ôh iỡuq la yơu nữn, sì anàq song iãq bôh pơnõq nhũ la mơnuĩh gơnuar pơđar vlữq lor;3anàq kung hũ kaya gơjãp gađữc, sì song ãt ỡl rơbah laơi kơyua mưng angãn Kơu nữn ôh dleh dlàr.4Bôh làiq yơu nữn, Kơu hũ pơnuaĩq gơloh pơkhè anàq, nữn la anàq song tlàq luơi kaya khiãng duman mưng tũq chơmrờp drơi hũ.5Kơyua yơu nữn, iỡuq sơdor wỡq drơi song ơlah kadũn mưng tũq hlơi, iỡuq mơvai tlàq dlàiq sì ngãq dơgrữq vruãq mưng tũq chơmrờp. Dòq mơyah làiq ôh, Kơu ròq trôh sì anàq nữn Kơu ròq suãq prah tơkai apôi đeng anàq hũ tlah mưng anĩh anàq — mơyah làiq anàq ôh mơvai tlàq dlàiq.6Nữn anàq hũ kaya nĩ, nữn la anàq mơvai dơgrữq vruãq ngãq dơgrữq tơpuôl mơnuĩh pơweh sì gah Ni-kô-la hũ, la dơgrữq vruãq Kơu kung mơvai.7Asơi hũ tanĩa, iỡuq hmỡq pơnuaĩq Yàc Vơngãq Sơđah đơp sigỡuq sì dơgrữq sàc pơjũm sơđah. Pơweh sì mơnuĩh halơi pha rlao, Kơu ròq alĩn vrơi ga mơnuĩh nữn hũ gơnuar bõc voh kayơu kaya hadiuq dòq dơlãp Ba-ra-đi Yàc Pô Lơngĩq hũ.”’8Iỡuq wãq ga mơnuĩh gơnrơh sàc pơjũm sơđah pãq Si-miẽc-nơ làiq:
‘Pitao chơmrờp sì luôĩq hadơi, Pitao song ãt mơtai sì song hadiuq wỡq, Pitrai đơp yơu nĩ:9“Kơu thơu kaya dleh dlàr anàq hũ sì kaya rơbah rơbờp dơlãp anàq (nữn pa-vlữq wỡq, anàq ãn mơda gơnãp), gãm sì pơnuaĩq yãq vãq trôh mưng dơgrữq mơnuĩh pa-angãn krơi rùp phuỗt pơnõq nhũ la mơnuĩh Ju-đa nữn pơnõq nhũ ôh iỡuq, nữn la gah tơpuôl kamlai Sa-tan hũ.10Juơi huaĩq hagĩq sì dơgrữq vơnãh pơweh sì avih dơgrữq kaya nữn anàq jẽq ãt ỡl. Iãq dih, kamlai jẽq mãq va tơkìq mơnuĩh dơlãp pơnõq anàq krỡq dơlãp sàc jam pioh ga pơnõq anàq kađòc ãt kaya lòc, sì pơnõq anàq ròq ãt dleh dlàr dơlãp sa plôh harơi. Iỡuq tui tơpãq tãl trôh mơtai, vloh Kơu ròq alĩn vrơi ga anàq chrang màc kaya hadiuq hũ.11Asơi hũ tanĩa, iỡuq hmỡq vẽq pơnuaĩq Yàc Vơngãq Sơđah đơp sì dơgrữq sàc pơjũm sơđah. Mơnuĩh halơi pha rlao ròq ôh tũq halơi kađòc ngãq iãh kơyua mưng kaya mơtai bãc dua.”’12Iỡuq wãq ga mơnuĩh gơnrơh sàc pơjũm sơđah pãq Bet-gãm làiq:
‘Pitao hũ bẽq đao dua mơta hluỡq đơp yơu nĩ:13“Kơu thơu anĩh anàq hadiuq, pãq đỡn la anĩh sơvan Sa-tan hũ, nữn anàq song apãt mãq gơjãp angãn Kơu, sì ôh kơmlah tlàq voh tui dơlãp Kơu, vloh dơlãp dơgrữq harơi An-ti-ba hũ, mơnuĩh ngãq chưng Kơu hũ, mơnuĩh halỗt mơnãq tui tơpãq Kơu hũ, la mơnuĩh kađòc pa-mơtai dơlãp di anãq pơnõq anàq, anĩh nữn Sa-tan dòq.14Bôh làiq yơu nữn, Kơu hũ hadùp pơnuaĩq pioh gơloh pơkhè anàq, nữn la pãq đỡn, anàq hũ mơnuĩh mãq kaya pơto pơđar Ba-la-am, la mơnuĩh song pơto Ba-lac chẽq voh patơu ngãq ga sơnẽq tơkai di anãq anàq tơcho Is-ra-el pioh bõc kaya kakôh ga rùp rãp sì sỗq dlàiq arĩh athãm.15Tui pơnẽq yơu nữn, anàq kung hũ tơkìq mơnuĩh tồq mãq dơgrữq pơnuaĩq pơto pơđar pơweh sì gah Ni-kô-la hũ.16Yơu nữn, anàq iỡuq mơvai tlàq dlàiq vẽq! Dòq mơyah làiq ôh mơvai tlàq dlàiq, Kơu ròq trôh mư sì anàq nữn ròq mơsôh mơvlah sì pơnõq nhũ mưng bẽq đao chơbuai mơvah Kơu hũ.17Asơi hũ tanĩa, iỡuq hmỡq vẽq pơnuaĩq Yàc Vơngãq Sơđah đơp sì dơgrữq sàc pơjũm sơđah. Pơweh sì mơnuĩh halơi pha rlao, Kơu ròq alĩn vrơi ga mơnuĩh nữn kaya mơnã padỡuq dơđỡuq, sì Kơu ròq alĩn vrơi ga mơnuĩh nữn sa asar patơu kòq nữn pãq dlòc asar patơu nữn, sa angãn vơhrơu song hũ wãq, la angãn nữn ôh asơi thơu lơniãu mơnuĩh tồq mãq hũ nhũ.”’18Iỡuq wãq ga mơnuĩh gơnrơh sàc pơjũm sơđah pãq Thi-a-ti-rơ làiq:
‘Anàq Yàc Pô Lơngĩq, Pitao hũ mơta yơu dơlah apôi sì tơkai yơu kơsuan sơdah, đơp yơu nĩ:19“Kơu thơu dơgrữq vruãq ngãq anàq hũ, kaya khiãng duman anàq hũ, voh tui, kaya duh vruãq, sigỡuq sì hũ hatai ãt ỡl gơjãp gơnĩt anàq hũ, sì dơgrữq vruãq ngãq anàq hadơi nĩ dòq tơpa rlao dơgrữq vruãq anàq ngãq tũq halơu thrơi.20Nữn Kơu hũ kaya nĩ gơrloh pơkhè anàq, nữn la anàq ãn ãt ỡl ga Je-sa-ben, mơnuĩh pa-angãn krơi nhũ la mơnuĩh kamơi gơnuar hwơr, sì mưng kaya pơto pơđar gãm kaya pơgàt dơgrữq mơnuĩh halỗt mơnãq Kơu hũ sỗq dlàiq arĩh athãm sì bõc kaya kakôh rùp rãp.21Kơu song vrơi ga nhũ tũq jơ pioh nhũ mơvai tlàq dlàiq, nữn nhũ ôh ưng mãq hatai mơvai tlàq dlàiq mưng kaya arĩh athãm nhũ hũ.22Iỡuq iãq nĩ! Kơu ròq prah nhũ đĩh dòq sa anĩh, sì dơgrữq mơnuĩh sỗq dlàiq drì drõc sigỡuq sì nhũ tơmã dơlãp kaya ãt rũc rài prõng, mơyah làiq pơnõq nhũ ôh mơvai tlàq dlàiq mưng dơgrữq kaya vruãq ngãq nhũ hũ.23Kơu ròq poh dơgrữq anàq tơcho nhũ mưng kaya pa-mơtai, vloh avih dơgrữq sàc pơjũm sơđah ròq thơu làiq Kơu la Pitao iãq pơwih tũc hatai sơnơng, sì Kơu ròq vrơi ga dơgrữq tãl aràc dơlãp pơnõq anàq tui yơu dơgrữq vruãq ngãq pơnõq anàq hũ.24Nữn Kơu đơp sì pơnõq anàq, la sồq katih dòq wỡq dơlãp dơgrữq mơnuĩh pãq Thi-a-ti-rơ, mơyah làiq asơi ôh rơmiãq pioh kaya pơto pơđar, nữn la dơgrữq mơnuĩh ôh thơu dơgrữq vruãq dơlãp dađỡuq Sa-tan hũ, yơu hũ tơkìq mơnuĩh iơu angãn ala mơta, đơp làiq: ‘Kơu ôh pơđua gui anong tơrãq halơi tơmo pãq dlòc pơnõq anàq.25Bôh làiq yơu nữn, iỡuq apãt mãq gơjãp dơgrữq kaya hagĩq drơi hũ tãl trôh tũq halơi Kơu trôh.’26Pơweh sì mơnuĩh pha rlao sì miẽt rơmiãq pioh dơgrữq vruãq ngãq Kơu hũ tãl trôh luôĩq hadơi, nữn Kơu ròq alĩn vrơi ga mơnuĩh nữn gơnuar chơnuãq pãq dlòc dơgrữq ia lơgar.27‘Mơnuĩh nữn ròq apãt akõq pơnõq nhũ mưng sa bẽq gai mơjrà pasơi,ngãq yơu dơgrữq kadoh hlùq tliãq kađòc jãt pơchãh,’28kung yơu Kơu song tồq mãq hũ gơnuar chơnuãq mưng Ama Kơu, nữn Kơu ròq vrơi ga mơnuĩh nữn ia pitỗq jrang mư-ờp.29Asơi hũ tanĩa, iỡuq hmỡq vẽq pơnuaĩq Yàc Vơngãq Sơđah đơp sì dơgrữq sàc pơjũm sơđah.”’
‘Pitao apãt tơjuh voh ia pitỗq pãq dlòc tơngãn hơnuãq Pitrai la Pitao sì yàp nao di khrãh tơjuh voh tơkai apôi đeng mưng mữh, đơp yơu nĩ:2“Kơu thơu dơgrữq vruãq ngãq anàq hũ, vruãq dleh dlàr sigỡuq sì kaya ãt ỡl anàq hũ, Kơu kung thơu làiq anàq ôh tũq halơi ãt ỡl mơnuĩh brưh mơsãc, anàq song lòc dơgrữq mơnuĩh angãn krơi rùp nhũ la mơnuĩh gơnuar pơđar nữn pơnõq nhũ ôh iỡuq la yơu nữn, sì anàq song iãq bôh pơnõq nhũ la mơnuĩh gơnuar pơđar vlữq lor;3anàq kung hũ kaya gơjãp gađữc, sì song ãt ỡl rơbah laơi kơyua mưng angãn Kơu nữn ôh dleh dlàr.4Bôh làiq yơu nữn, Kơu hũ pơnuaĩq gơloh pơkhè anàq, nữn la anàq song tlàq luơi kaya khiãng duman mưng tũq chơmrờp drơi hũ.5Kơyua yơu nữn, iỡuq sơdor wỡq drơi song ơlah kadũn mưng tũq hlơi, iỡuq mơvai tlàq dlàiq sì ngãq dơgrữq vruãq mưng tũq chơmrờp. Dòq mơyah làiq ôh, Kơu ròq trôh sì anàq nữn Kơu ròq suãq prah tơkai apôi đeng anàq hũ tlah mưng anĩh anàq — mơyah làiq anàq ôh mơvai tlàq dlàiq.6Nữn anàq hũ kaya nĩ, nữn la anàq mơvai dơgrữq vruãq ngãq dơgrữq tơpuôl mơnuĩh pơweh sì gah Ni-kô-la hũ, la dơgrữq vruãq Kơu kung mơvai.7Asơi hũ tanĩa, iỡuq hmỡq pơnuaĩq Yàc Vơngãq Sơđah đơp sigỡuq sì dơgrữq sàc pơjũm sơđah. Pơweh sì mơnuĩh halơi pha rlao, Kơu ròq alĩn vrơi ga mơnuĩh nữn hũ gơnuar bõc voh kayơu kaya hadiuq dòq dơlãp Ba-ra-đi Yàc Pô Lơngĩq hũ.”’8Iỡuq wãq ga mơnuĩh gơnrơh sàc pơjũm sơđah pãq Si-miẽc-nơ làiq:
‘Pitao chơmrờp sì luôĩq hadơi, Pitao song ãt mơtai sì song hadiuq wỡq, Pitrai đơp yơu nĩ:9“Kơu thơu kaya dleh dlàr anàq hũ sì kaya rơbah rơbờp dơlãp anàq (nữn pa-vlữq wỡq, anàq ãn mơda gơnãp), gãm sì pơnuaĩq yãq vãq trôh mưng dơgrữq mơnuĩh pa-angãn krơi rùp phuỗt pơnõq nhũ la mơnuĩh Ju-đa nữn pơnõq nhũ ôh iỡuq, nữn la gah tơpuôl kamlai Sa-tan hũ.10Juơi huaĩq hagĩq sì dơgrữq vơnãh pơweh sì avih dơgrữq kaya nữn anàq jẽq ãt ỡl. Iãq dih, kamlai jẽq mãq va tơkìq mơnuĩh dơlãp pơnõq anàq krỡq dơlãp sàc jam pioh ga pơnõq anàq kađòc ãt kaya lòc, sì pơnõq anàq ròq ãt dleh dlàr dơlãp sa plôh harơi. Iỡuq tui tơpãq tãl trôh mơtai, vloh Kơu ròq alĩn vrơi ga anàq chrang màc kaya hadiuq hũ.11Asơi hũ tanĩa, iỡuq hmỡq vẽq pơnuaĩq Yàc Vơngãq Sơđah đơp sì dơgrữq sàc pơjũm sơđah. Mơnuĩh halơi pha rlao ròq ôh tũq halơi kađòc ngãq iãh kơyua mưng kaya mơtai bãc dua.”’12Iỡuq wãq ga mơnuĩh gơnrơh sàc pơjũm sơđah pãq Bet-gãm làiq:
‘Pitao hũ bẽq đao dua mơta hluỡq đơp yơu nĩ:13“Kơu thơu anĩh anàq hadiuq, pãq đỡn la anĩh sơvan Sa-tan hũ, nữn anàq song apãt mãq gơjãp angãn Kơu, sì ôh kơmlah tlàq voh tui dơlãp Kơu, vloh dơlãp dơgrữq harơi An-ti-ba hũ, mơnuĩh ngãq chưng Kơu hũ, mơnuĩh halỗt mơnãq tui tơpãq Kơu hũ, la mơnuĩh kađòc pa-mơtai dơlãp di anãq pơnõq anàq, anĩh nữn Sa-tan dòq.14Bôh làiq yơu nữn, Kơu hũ hadùp pơnuaĩq pioh gơloh pơkhè anàq, nữn la pãq đỡn, anàq hũ mơnuĩh mãq kaya pơto pơđar Ba-la-am, la mơnuĩh song pơto Ba-lac chẽq voh patơu ngãq ga sơnẽq tơkai di anãq anàq tơcho Is-ra-el pioh bõc kaya kakôh ga rùp rãp sì sỗq dlàiq arĩh athãm.15Tui pơnẽq yơu nữn, anàq kung hũ tơkìq mơnuĩh tồq mãq dơgrữq pơnuaĩq pơto pơđar pơweh sì gah Ni-kô-la hũ.16Yơu nữn, anàq iỡuq mơvai tlàq dlàiq vẽq! Dòq mơyah làiq ôh mơvai tlàq dlàiq, Kơu ròq trôh mư sì anàq nữn ròq mơsôh mơvlah sì pơnõq nhũ mưng bẽq đao chơbuai mơvah Kơu hũ.17Asơi hũ tanĩa, iỡuq hmỡq vẽq pơnuaĩq Yàc Vơngãq Sơđah đơp sì dơgrữq sàc pơjũm sơđah. Pơweh sì mơnuĩh halơi pha rlao, Kơu ròq alĩn vrơi ga mơnuĩh nữn kaya mơnã padỡuq dơđỡuq, sì Kơu ròq alĩn vrơi ga mơnuĩh nữn sa asar patơu kòq nữn pãq dlòc asar patơu nữn, sa angãn vơhrơu song hũ wãq, la angãn nữn ôh asơi thơu lơniãu mơnuĩh tồq mãq hũ nhũ.”’18Iỡuq wãq ga mơnuĩh gơnrơh sàc pơjũm sơđah pãq Thi-a-ti-rơ làiq:
‘Anàq Yàc Pô Lơngĩq, Pitao hũ mơta yơu dơlah apôi sì tơkai yơu kơsuan sơdah, đơp yơu nĩ:19“Kơu thơu dơgrữq vruãq ngãq anàq hũ, kaya khiãng duman anàq hũ, voh tui, kaya duh vruãq, sigỡuq sì hũ hatai ãt ỡl gơjãp gơnĩt anàq hũ, sì dơgrữq vruãq ngãq anàq hadơi nĩ dòq tơpa rlao dơgrữq vruãq anàq ngãq tũq halơu thrơi.20Nữn Kơu hũ kaya nĩ gơrloh pơkhè anàq, nữn la anàq ãn ãt ỡl ga Je-sa-ben, mơnuĩh pa-angãn krơi nhũ la mơnuĩh kamơi gơnuar hwơr, sì mưng kaya pơto pơđar gãm kaya pơgàt dơgrữq mơnuĩh halỗt mơnãq Kơu hũ sỗq dlàiq arĩh athãm sì bõc kaya kakôh rùp rãp.21Kơu song vrơi ga nhũ tũq jơ pioh nhũ mơvai tlàq dlàiq, nữn nhũ ôh ưng mãq hatai mơvai tlàq dlàiq mưng kaya arĩh athãm nhũ hũ.22Iỡuq iãq nĩ! Kơu ròq prah nhũ đĩh dòq sa anĩh, sì dơgrữq mơnuĩh sỗq dlàiq drì drõc sigỡuq sì nhũ tơmã dơlãp kaya ãt rũc rài prõng, mơyah làiq pơnõq nhũ ôh mơvai tlàq dlàiq mưng dơgrữq kaya vruãq ngãq nhũ hũ.23Kơu ròq poh dơgrữq anàq tơcho nhũ mưng kaya pa-mơtai, vloh avih dơgrữq sàc pơjũm sơđah ròq thơu làiq Kơu la Pitao iãq pơwih tũc hatai sơnơng, sì Kơu ròq vrơi ga dơgrữq tãl aràc dơlãp pơnõq anàq tui yơu dơgrữq vruãq ngãq pơnõq anàq hũ.24Nữn Kơu đơp sì pơnõq anàq, la sồq katih dòq wỡq dơlãp dơgrữq mơnuĩh pãq Thi-a-ti-rơ, mơyah làiq asơi ôh rơmiãq pioh kaya pơto pơđar, nữn la dơgrữq mơnuĩh ôh thơu dơgrữq vruãq dơlãp dađỡuq Sa-tan hũ, yơu hũ tơkìq mơnuĩh iơu angãn ala mơta, đơp làiq: ‘Kơu ôh pơđua gui anong tơrãq halơi tơmo pãq dlòc pơnõq anàq.25Bôh làiq yơu nữn, iỡuq apãt mãq gơjãp dơgrữq kaya hagĩq drơi hũ tãl trôh tũq halơi Kơu trôh.’26Pơweh sì mơnuĩh pha rlao sì miẽt rơmiãq pioh dơgrữq vruãq ngãq Kơu hũ tãl trôh luôĩq hadơi, nữn Kơu ròq alĩn vrơi ga mơnuĩh nữn gơnuar chơnuãq pãq dlòc dơgrữq ia lơgar.27‘Mơnuĩh nữn ròq apãt akõq pơnõq nhũ mưng sa bẽq gai mơjrà pasơi,ngãq yơu dơgrữq kadoh hlùq tliãq kađòc jãt pơchãh,’28kung yơu Kơu song tồq mãq hũ gơnuar chơnuãq mưng Ama Kơu, nữn Kơu ròq vrơi ga mơnuĩh nữn ia pitỗq jrang mư-ờp.29Asơi hũ tanĩa, iỡuq hmỡq vẽq pơnuaĩq Yàc Vơngãq Sơđah đơp sì dơgrữq sàc pơjũm sơđah.”’
FAR EAST BROADCASTING COMPANY