Revelation12
1Vloh sa kaya nỡm krơi tơmo prõng hũ kơnãl bôh pãq dlòc lơngĩq: hũ sa aràc mơnuĩh kamơi chồq tơma rùp drơi ia harơi, sì ia vlàt dòq pãq ala tơkai nhũ, gãm sì sa voh chrang pitao sa plôh dua ia pitỗq pãq dlòc akõq nhũ,2sì kơyua ãn dòq mơtiàt, nhũ iơu driãu dơlãp kaya pơđìq đeh, sì ãn pơđìq gơriãq jẽq đeh.3Sì hũ sa kaya nỡm krơi tơmo hũ kơnãl bôh pãq dlòc lơngĩq: Iãq dih, sa drơi anàq grai prõng ia phũrn hũ tơjuh akõq, sa plôh bẽq tơki, gãm sì tơjuh voh chrang pitao pãq dlòc dơgrữq akõq nhũ.4Akô nhũ katũc va sa vơnah tlơu dơgrữq ia pitỗq pãq dlòc lơngĩq vloh prah nhũ trỗt pãq ala hlùq. Vloh anàq grai dòq dữc pãq anãq mơnuĩh kamơi jẽq đeh, pioh tũq mơnuĩh kamơi đeh nữn nhũ ròq bõc luỗt anàq tìt mơnuĩh kamơi nữn.5Nhũ đeh sa aràc anàq lakơi, anàq lakơi tìt nữn la mơnuĩh ròq apãt akõq dơgrữq lơgar mưng gai pasơi. Vloh anàq nhũ hũ jỡc sơđõh mãq sì va tơgùq ga Yàc Pô Lơngĩq sì trôh pãq anĩh sơvan Pitrai,6dòq mơnuĩh kamơi nữn đuaĩq tơma dỡuq pãq blàc choah, anĩh nữn nhũ hũ sa anĩh nữn Yàc Pô Lơngĩq rơchãc lơĩh pãq đỡn, tồq pioh hũ mơnuĩh iãq mững nhũ pãq anĩh nữn dơlãp sa rơvơu dua rơtôh nãm plôh harơi.7Vloh hũ sa kaya mơsôh atòc pãq dlòc lơngĩq. Mi-chen sì dơgrữq mơnuĩh gơnrơh nhũ hũ mơvlah mơsôh sì anàq grai; sì anàq grai sigỡuq sì dơgrữq kamlai nhũ jơdrãq mơsôh wỡq.8Nữn vloh nhũ ôh tãl prãn sòq jơdrãq jỡc, anĩh vrơi ga tơpuôl nhũ kung ôh dòq bôh pãq dlòc lơngĩq tơra.9Yơu nữn la anàq grai prõng kađòc prah trỗt — anàq ala mưng rài sơđãq, hũ angãn la kamlai hẽla Sa-tan, mơnuĩh pa-gơla vãq avih dun kơyua — nhũ kađòc prah trỗt ala voh hlùq, dơgrữq kamlai nhũ kung kađòc prah trỗt sigỡuq sì nhũ.10Vloh hlãq hmỡq sa sãp đơp prõng pãq dlòc lơngĩq, làiq:“Tũq nĩ, kaya dõc pơ-tlah, gơnuar chơnuãq,sì palơi lơgar Yàc Pô Lơngĩq pơnõq drơi song trôh,sigỡuq sì gơnuar Pitao Ãt Pa-vuh Mơnhàq Pitrai hũ,kơyua mơnuĩh yãq vãq adơi sơai pơnõq drơi hũ,la mơnuĩh harơi mơlãp yãq vãq pơnõq nhũ pãq anãq Yàc Pô lơngĩq pơnõq drơi, song kađòc prah trỗt pãq ala hlùq.11Pơnõq nhũ song pha rlao sì nhũ gơnang mưng dơrãh Avo Anàq sì mưng pơnuaĩq ngãq chưng drơi hũ,pơnõq nhũ ôh iãq duman kaya hadiuq drơi tơviãq jỡc ròq rơchãc lơĩh pioh mơtai.12Kơyua mưng nữn, iỡuq uỗt sơh vẽq, ơ dơgrữq tãl lơngĩqsigỡuq sì dơgrữq mơnuĩh halơi dòq hadiuq padưh pãq đỡn!Dleh dlàr ga hlùq tơnãh sì ia tơsìq,kơyua kamlai song trỗt pãq anĩh pơnõq hã,dơlãp tũq ãn hũ kaya ơnõc mơvai,kơyua nhũ thơu nhũ làiq viãq mĩn dòq tơkìq viãq tũq jơ!”13Tũq anàq grai kơnãl thơu làiq nhũ ròq kađòc prah trỗt pãq ala voh hlùq, nữn nhũ tiãuq pagui mơnuĩh kamơi nữn, la mơnuĩh song đeh anàq lakơi dih.14Vloh sa yỡu siãuq chĩp klàc rơyàq prõng hũ vrơi ga mơnuĩh kamơi nữn pioh nhũ por trôh anĩh blàc choah, trôh anĩh nhũ hũ, anĩh nữn nhũ ròq chiẽp ròc pãq đỡn dơlãp sa tũq lơwah, dơgrữq tũq lơwah, sì sa mơtơh lơwah — pleh atah dơđỡuq mơta anàq ala.15Nữn la anàq ala ka-prôh ia tơviãq dơlãp mơvah nhũ ngãq yơu ia kròc tui hadơi mơnuĩh kamơi, tồq pioh nhũ pơlih ngãq ga mơnuĩh kamơi nữn kađòc ia blũc sỡq va.16Voh nữn hlùq dõc suãq mơnuĩh kamơi, hlùq gàq mơvah sì luỗt avih ia kròc nữn anàq grai song ka-prôh tơviãq mưng mơvah nhũ.17Yơu nữn la anàq grai tơgùq ơnõc sì mơnuĩh kamơi vloh nhũ tơgùq tơviãq nao ngãq mơsôh sì dơgrữq vơnah gah anàq tơcho dòq wỡq dơlãp pơjẽh pơtiàt mơnuĩh kamơi nữn, la dơgrữq mơnuĩh rơmiãq jàc pơnuaĩq pơđar-va Yàc Pô Lơngĩq hũ sì hũ pơnuaĩq ngãq chưng Yàc Je-su.18Vloh nhũ dòq dữc pãq dlòc choah gah ia tơsìq.
FAR EAST BROADCASTING COMPANY