Matthew16
1Hadơi nữn dơgrữq mơnuĩh Pha-ri-si sì mơnuĩh Sa-đu-se trôh — sì lòc Pitrai — mưng vruãq lakơu Pitrai vrơi ga pơnõq nhũ iãq sa nỡm krơi mưng dlòc lơngĩq.2Nữn Pitrai hẽ wỡq sì pơnõq nhũ: [“Tũq trôh lơngĩq tlãp, pơnõq ung đơp: ‘Mưng lơngĩq mơriãh la lơngĩq khòc siàp.’3Dơlãp tũq sơdah mư-ờp, pơnõq ung đơp: ‘Lơngĩq harơi nĩ la rơvùq tơ-sòq, kơyua lơngĩq mơriãh sì rơ-ãp.’ Pơnõq ung thơu iãq kơnãl kaya pa-sơdua lơngĩq, nữn vloh ôh rgơi thơu khrung nỡm tũq lơwah.”]4“Sa rài iãh mơsãc sì drì drõc duah nỡm krơi, nữn nỡm krơi ròq ôh hũ vrơi ga nhũ, lơniãu nỡm krơi Jô-na hũ.” Vloh Yàc Je-su tlàq luơi pơnõq nhũ nữn nao.5Dơgrữq mơnuĩh mơgrũ trôh pãq gah dih, nữn pơnõq nhũ song wơr va tui bẽn.6Yàc Je-su đơp sì pơnõq nhũ: “Iỡuq gơrhia sì rơmiãq jàc mưng voh tapơi dơgrữq mơnuĩh Pha-ri-si sì mơnuĩh Sa-đu-se hũ.”7Dơgrữq mơnuĩh mơgrũ đơp sì gỡuq làiq: “Nữn la kơyua pơnõq drơi ôh va tui bẽn.”8Nữn tũq Yàc Je-su thơu vruãq nữn, jỡc đơp: “Dơgrữq mơnuĩh hũ sa asĩt voh-tui, kơyua hayơu vloh adơi sơai đơp vơyai sì gỡuq làiq nữn la kơyua mưng drơi ôh va bẽn nao tui?9Iỡuq mĩn adơi sơai gãm ka-ôh thơu pãc hẽla ôh sơdor lơmã voh bẽn vrơi ga lơmã rơvơu mơnuĩh bõc, sì adơi sơai song duỡt pơtõm hũ hadùp vai yơh?10Hẽla tơjuh voh bẽn vrơi ga pàq rơvơu mơnuĩh bõc, vloh adơi sơai song duỡt pơtõm hũ hadùp vai yơh?11Ngãq hayơu nữn adơi sơai vloh ôh thơu pãc jỡc làiq pôgrũ ôh đơp hagĩq sì adơi sơai mưng bẽn? Nữn gơrhia vẽq mưng voh tapơi mơnuĩh Pha-ri-si sì mơnuĩh Sa-đu-se hũ.”12Tũq nữn pơnõq nhũ thơu pãc jỡc làiq Pitrai ôh pơđar pơnõq nhũ gơrhia mưng voh tapơi sì bẽn, nữn la gơrhia kaya pơto pơđar mơnuĩh Pha-ri-si sì mơnuĩh Sa-đu-se hũ.13Tũq nữn, tũq Yàc Je-su nao trôh phũm palơi Se-sa-re Phi-lip, Pitrai tơnĩa dơgrữq mơnuĩh mơgrũ làiq: “Aràc đơp Anàq Mơnuĩh la asơi?”14Mơnuĩh mơgrũ đơp: “Hũ mơnuĩh đơp nữn la Jãng Bãp-tit, mơnuĩh tơmo đơp la E-li, mơnuĩh tơmo wỡq đơp nữn la Je-re-mi hẽla sa aràc dơlãp dơgrữq mơnuĩh gơnuar hwơr.”15Pitrai tơnĩa pơnõq nhũ: “Nữn dòq adơi sơai đơp pôgrũ la asơi?”16Yơu nữn, drơ pơnuaĩq Pitrai, Si-môn Pier drơ: “Pôgrũ la Yàc Dõc Pơ-tlah, Anàq Yàc Pô Lơngĩq hadiuq gãm.”17Yàc Je-su hẽ wỡq sì ung làiq: “Si-môn, anàq Jô-na, lơngai ga sơai, kơyua ôh iỡuq mưng rơlo sì dơrãh akhàt tơviãq kaya nĩ ga sơai thơu, nữn la Ama pôgrũ hũ dòq pãq dlòc lơngĩq.18Pôgrũ kung đơp ga sơai thơu làiq, sơai la Pier sì pãq dlòc patơu tali nĩ, pôgrũ ròq vỡq padỡc sàc Pơjũm Sơđah pôgrũ hũ, dơgrữq bãc lơgar tơnãh ala hũ ròq ôh jơdrãq pha rlao sì sàc Pơjũm Sơđah jỡc.19Pôgrũ ròq pơjao ga sơai anàq tlir lơgar lơngĩq hũ, Kaya halơi sơai akãq pãq hlùq nữn ròq kađòc akãq pãq dlòc lơngĩq, sì kaya halơi sơai pơh pãq hlùq nữn ròq hũ pơh pãq dlòc lơngĩq.”20Nữn Yàc Je-su pakỡuq dơgrữq mơnuĩh mơgrũ ôh vrơi pơnõq nhũ đơp sì asơi làiq Pitrai la Yàc Dõc Pơ-tlah.21Mưng tũq lơwah nữn, Yàc Dõc Pơ-tlah Je-su pơdòq đơp ga dơgrữq mơnuĩh mơgrũ thơu làiq Pitrai iỡuq chàc nao trôh pãq Je-ru-sa-lem, sì ãt lũ kaya dleh dlàr mưng tơngãn dơgrữq mơnuĩh pô tơha, mơnuĩh gơnuar pioh kaya duh talơvãt prong sì mơnuĩh gơnuar pơto voh-va, vloh Pitrai iỡuq ãt pa-mơtai trôh harơi bãc tlơu iỡuq hadiuq wỡq.22Hadơi nữn Pier va Pitrai tơviãq, sì gơloh pơkhè Pitrai, làiq: “Ơ Yàc, Yàc Pô-lơngĩq mãq hatai lơmuỡn siàp sì pôgrũ. Vruãq nữn ròq ôh tũq halơi tơviãq trôh ga pôgrũ.”23Nữn Yàc Je-su pơweh mơta nữn đơp sì Pier: “Ơ, kamlai Satan, iỡuq kadũn pãq gah hadơi Kơu! Hã la voh patơu ngãq sơnẽq tơkai ga Kơu, kơyua hã ôh sơnơng trôh vruãq Yàc Pô Lơngĩq hũ, nữn mĩn sơnơng trôh vruãq anàq mơnuĩh soh.”24Vloh Yàc Je-su đơp sì dơgrữq mơnuĩh mơgrũ Pitrai hũ: “Mơyah làiq asơi ưng nao tui hadơi pôgrũ, nữn mơnuĩh nữn iỡuq kơmlah tlàq rùp phuỗt drơi, sigỡuq sì gơlãp kayơu pỡc drơi hũ sì nao tui pôgrũ.25Kơyua asơi ưng dõc kaya hadiuq drơi nữn ròq lơhiãq nhũ, dòq asơi lơhiãq kaya hadiuq drơi kơyua mưng pôgrũ nữn ròq duah bôh wỡq nhũ.26Kơyua hũ kuơ hagĩq ga sa aràc mơnuĩh mơyah làiq hũ avih dun kơyua, nữn vloh lơhiãq kaya hadiuq drơi? Hẽla mơnuĩh nữn pơlih hũ mãq hagĩq pioh pa-sơdua jỡc kaya hadiuq drơi?27Kơyua Anàq Mơnuĩh ròq trôh dơlãp kaya gơhluh Ama Pitrai hũ sigỡuq sì dơgrữq mơnuĩh gơnrơh Pitrai. Tũq nữn, Pitrai ròq vơyar ga dơgrữq tãl aràc tui yơu vruãq pơnõq nhũ ngãq.28Pôgrũ đơp viãq sì adơi sơai, hũ dơgrữq mơnuĩh dơlãp pơnõq adơi sơai ãn dòq dỡc pãq nĩ gơnĩt viãq ròq ôh pãp kaya mơtai tãl trôh tũq bôh Anàq Mơnuĩh trôh dơlãp lơgar Pitrai.”
FAR EAST BROADCASTING COMPANY