Matthew11
1Vruãq tơviãq jỡc tũq Yàc Je-su pơto pơđar ga sa plôh dua aràc mơnuĩh mơgrũ vloh, Pitrai tơviãq tlah mưng anĩh nữn pioh pơto akhàt dơlãp dơgrữq palơi prong pơnõq nhũ hũ.2Tũq nữn, Jãng dòq dơlãp sàc jam hmỡq đơp mưng dơgrữq vruãq ngãq Yàc Dõc Pơ-tlah hũ, nữn ung song hakơi tơnĩa mưng dơgrữq mơnuĩh mơgrũ nhũ tơviãq nao,3trôh tơnĩa Pitrai, làiq: “Pôgrũ hũ iỡuq la Pitao ròq trôh, hẽla pơnõq hlãq iỡuq dòq chàc sa Pitao tơmo tơra?”4Yàc Je-su hẽ sì pơnõq nhũ làiq: “Hadơi sì tơviãq nao iỡuq akhàt wỡq ga Jãng dơgrữq vruãq hagĩq adơi sơai bôh sì hmỡq.5Mơnuĩh vùp jỡc bôh, mơnuĩh kuẽ kuẽt nao jỡc, mơnuĩh aphũng jỡc sơchih, mơnuĩh tơngoh hmỡq jỡc, mơnuĩh mơtai jỡc hadiuq wỡq sì mơnuĩh rơbah siẽuq sì kãn dơmãl hũ hmỡq pơnuaĩq siàp.6Lơngai ga mơnuĩh halơi ôh kađòc sơnẽq sỗq kơyua mưng kơu.”7Tũq nữn, dơgrữq mơnuĩh nữn nao wỡq vloh, Yàc Je-su pơdòq đơp sì tơpuôl vual vơla mưng Jãng: “Adơi sơai nao tơma dơlãp blàc choah iãq hagĩq — kayơu tơràc kađòc angĩn vluh mơgơi yơh?8Nữn, adơi sơai tơma pãq đỡn iãq hagĩq — mơnuĩh chồq ao siàp yơh? Viãq yơu nữn, mơnuĩh chồq ao siàp nữn dòq dơlãp gơlãng pitao.9Vlữq wỡq, adơi sơai tơma pãq đỡn iãq hagĩq — sa aràc mơnuĩh gơnuar hwơr yơh? Iỡuq viãq, kơu đơp gơnĩt sì adơi sơai, nữn rlao sì mơnuĩh gơnuar hwơr wỡq.10Nĩ la mơnuĩh nữn hũ pơnuaĩq wãq:‘Dih, Kơu pơđar mơnuĩh ãt pơđar kơu hũ nao trôh halơu anàq, nhũ ròq wah jơlàt ga anàq.’11Iỡuq viãq, kơu đơp sì adơi sơai, dơlãp dơgrữq mơnuĩh mưng mơnuĩh kamơi đeh tơviãq, ôh asơi hũ bluãq tơgùq prong rlao sì Jãng Bãp-tit, yơu nữn mơnuĩh tìt rlao avih dơlãp lơgar lơngĩq vloh prong rlao sì Jãng.12Nữn mưng harơi Jãng Bãp-tit tãl trôh tũq nĩ, lơgar lơngĩq ãt kaya mãq pakỡuq sì dơgrữq mơnuĩh mãq pakỡuq angui prãn khãc mơvlah mãq lơgar nữn.13Kơyua avih dơgrữq pơnuaĩq mơnuĩh gơnuar hwơr sì kaya voh-va song đơp hlơu tãl trôh rài Jãng;14sì mơyah làiq adơi sơai hũ hatai ưng tồq mãq, nữn ung nữn la E-li, mơnuĩh iỡuq trôh.15Asơi hũ tơnĩa pioh hmỡq, iỡuq hmỡq.16Nữn kơu iỡuq pa-mơyơu pơjẽh pơtiàt nĩ sì kaya hagĩq? Pơnõq nhũ drưh yơu mơnuĩh lơđeh tìt dòq guh pãq anĩh dràq, sì pơnõq nhũ driãu iơu gỡuq,17làiq: ‘Pơnõq kơu ayùq tơliãq, nữn pơnõq hã ôh tãm-ya. Pơnõq kơu ka-ồq ka-ãn, nữn pơnõq hã ôh sia chõq.’18Kơyua Jãng trôh, ãt bõc ãt mơnhũm, nữn pơnõq nhũ đơp: ‘Ung nữn kađòc kamlai ãp.’19Anàq Mơnuĩh trôh, bõc, sì mơnhũm, pơnõq nhũ đơp wỡq: ‘Iãq ung nữn dih, la mơnuĩh haràq bõc, mơvũq mơvẽl, ban mơyơu sigỡuq sì dơgrữq mơnuĩh mãq jia sì dơgrữq mơnuĩh dlàiq dơnũh!’ Nữn kaya jãc rgơi hũ dõc jơga mưng dơgrữq anàq tơcho nhũ hũ.”20Vloh Yàc Je-su pơdòq gơloh pơkhè dơgrữq palơi prong sì song iãq bôh lũ viãq dơgrữq vruãq gơnuar chơnuãq Pitrai song ngãq, kơyua pơnõq nhũ ôh ưng mơvai tlàq dlàiq.21“Dleh dlàr ga hã, Kô-ra-sin! Dleh dlàr ga hã, Bet-sai-đa! Kơyua mơyah làiq dơgrữq vruãq gơnuar chơnuãq song ngãq pãq khrãh pơnõq hã hũ ngãq dơlãp Ti-rơ sì Si-đôn, nữn anàq mơnuĩh song mơvai tlàq dlàiq mưng suơi vloh dơlãp vruãq chồq ao vlơu katãl sì havơu pãq dlòc akõq.22Yơu nữn, Kơu đơp ga pơnõq hã thơu, dơlãp harơi chahrơna Ti-rơ sì Si-đôn ròq hũ kaya chahrơna sa-iỡl rlao pơnõq hã.23Dòq hã, Ka-be-na-um, hã ròq ôh hũ yỡc pa-tơgùq trôh tãl lơngĩq yơh? Hã ròq kađòc va tơma lơgar tơnãh ala. Kơyua mơyah làiq dơgrữq vruãq gơnuar chơnuãq song ngãq pãq khrãh hã hũ ngãq dơlãp Sô-đôm, nữn palơi nữn gãm dòq wỡq tãl ga tãl trôh harơi nĩ.24Bôh làiq yơu nữn, Kơu đơp sì hã thơu, dơlãp harơi chahrơna, dơgrữq kaya ròq ãt sa-iỡl ga palơi Sô-đôm rlao pơweh sì pơnõq hã.”25Tũq nữn, Yàc Je-su đơp làiq: “Talơvãt Ama, la Yàc lơngĩq sì tơnãh hũ, anàq sơuỗt mơyòp Ama, kơyua Ama song padỡuq dơgrữq kaya nĩ tlah mưng mơnuĩh jãc rgơi sì mơnuĩh thơu pãc, nữn sì akhàt tơviãq ga dơgrữq anàq tìt.26Viãq yơu nữn, ơ Ama, kơyua kaya nữn siàp hatai Ama.27Dơgrữq vruãq song hũ Ama kơu pơjao ga kơu; ôh asơi thơu Anàq lơniãu sì Ama, sì ôh asơi thơu Ama lơniãu Anàq sigỡuq sì dơgrữq mơnuĩh halơi sì mơyah làiq Anàq ưng duỡt ruãh pioh akhàt pa-tơviãq.28Avih dơgrữq asơi dleh dlàr sì anong tơrãq, iỡuq trôh pãq kơu, kơu ròq vrơi ga adơi sơai padơi dleh.29Iỡuq gơlãp yỡu kơu hũ sì mơgrũ tui kơu, kơyua kơu hũ hatai lơmuỡn siàp sì vơviar rùp, vloh adơi sơai ròq duah hũ kaya padơi dleh ga vơngãq yua drơi.30Kơyua yỡu kơu la buôt sì kaya anong kơu la sa-iỡl.”
FAR EAST BROADCASTING COMPANY