Mark1
1Mưng pơdòq chơmrờp Pơnuaĩq Siàp Yàc Dõc Pơ-tlah Je-su hũ, Anàq Yàc Pô Lơngĩq.2Yơu song wãq dơlãp sơrãq gơnuar hwơr E-sai:“Nĩ, Kơu ròq pơđar mơnuĩh ãt pơđar Kơu trôh hlơu Anàq,nhũ ròq wah jơlàt ga Anàq.3Hũ sãp mơnuĩh iơu driãu prong dơlãp blàc choah:‘Wah vẽq jơlàt ga Yàc;ngãq tơpãq dơgrữq jơlàt bàq ga Pitrai.’”4Jãng song trôh, ngãq bãp-tem pãq anĩh blàc choah sì akhàt pa-tơviãq adãt bãp-tem mưng kaya mơvai tlàq dlàiq pioh hũ tơleh dlàiq.5Avih phũm Ju-đe sì avih vual vơla dơlãp Je-ru-sa-lem nao trôh pãq ung. Pơnõq nhũ hũ ung ngãq bãp-tem pãq kròc Jô-đãnh, sì akhàt dlàiq dơnũh drơi.6Jãng chồq ao vlơu lac-đa, sì akãq talơi kalìq tòp dar kơ-iãng, ung bõc katòc sì ia chalơko kaĩh.7Ung akhàt pa-tơviãq làiq: “Pitao ròq trôh hadơi hlãq hũ gơnuar rlao sì hlãq, hlãq ôh đang mang kồq trỗt sì tơleh talơi kalìq juãq Pitrai hũ.8Hlãq ngãq bãp-tem ga adơi sơai mưng ia, nữn Pitrai ròq ngãq bãp-tem ga adơi sơai mưng Yàc Vơngãq Sơđah.”9Dơlãp dơgrữq harơi nữn, Yàc Je-su mưng Na-sa-ret pơweh sì phũm Ga-li-le trôh, sì hũ Jãng ngãq bãp-tem pãq kròc Jô-đãnh.10Sì tũq nữn mư, Yàc Je-su tơgùq mưng ia, Pitrai bôh dơgrữq tãl lơngĩq pơh tơviãq, sì Yàc Vơngãq Sơđah trỗt đãp pãq dlòc Pitrai yơu chĩp katrơu.11Vloh nữn hũ pơnuaĩq mưng dlòc lơngĩq đơp: “Anàq la Anàq khiãng duman Kơu hũ. Kơu viãq siàp hatai mưng Anàq.”12Hadơi nữn mư, Yàc Vơngãq Sơđah pachôh pasũl Pitrai nao trôh pãq blàc choah.13Pitrai dòq dơlãp blàc choah pàq plôh harơi, ãt kamlai Satan ơniãi. Pitrai dòq sigỡuq sì anàq asỡq kaĩh, sì dơgrữq mơnuĩh gơnrơh duh vruãq Pitrai.14Hadơi sì tũq Jãng kađòc mãq, Yàc Je-su trôh pãq lơgar Ga-li-le akhàt vrơi pa-thơu Pơnuaĩq Siàp Yàc Pô Lơngĩq hũ.15Đơp làiq: “Tũq jơ song tãl, sì lơgar Yàc Pô Lơngĩq hũ song trôh jẽq. Iỡuq mơvai tlàq dlàiq sì tồq mãq Pơnuaĩq Siàp.”16Tũq nao sì gah tơsìq Ga-li-le, Pitrai bôh Si-môn sì adơi nhũ la Anh-re ãn dàc sơnhuãl pãq tơsìq, kơyua pơnõq nhũ la mơnuĩh ngãq akàt.17Yàc Je-su đơp sì pơnõq nhũ: “Iỡuq, nao tui vẽq pôgrũ, sì pôgrũ ròq ngãq ga adơi sơai tơviãq jỡc mơnuĩh dàc sơnhuãl mơnuĩh.”18Tũq nữn mư, pơnõq nhũ tlàq sơnhuãl sì nao tui Pitrai.19Tũq Yàc Je-su nao atah sa dũq tơra, Pitrai bôh Ja-kơ, anàq lakơi Se-be-đe, sì adơi nhũ la Jãng; pơnõq nhũ ãn dòq dơlãp ahòq srồt sơnhuãl.20Pitrai iơu mư pơnõq nhũ sì pơnõq nhũ tlàq luơi ama drơi la Se-be-đe dòq wỡq dơlãp ahòq sigỡuq sì dơgrữq mơnuĩh ngãq ơpah, vloh pơnõq nhũ nao tui Pitrai.21Hadơi nữn, pơnõq nhũ trôh pãq Ka-be-na-um, dơlãp harơi Sa-bat, tũq nữn mư, Yàc Je-su nao tơma dơlãp sàc pơtõm sì pơto akhàt.22Pơnõq nhũ mãq ngãq krơi mưng pơnuaĩq pơto Pitrai hũ, kơyua Pitrai pơto pơđar pơnõq nhũ yơu sa aràc mơnuĩh hũ gơnuar ôh iỡuq yơu dơgrữq mơnuĩh gơnuar pơto voh-va.23Tũq nữn mư, dơlãp sàc pơtõm hũ sa aràc mơnuĩh kađòc kamlai ãp, nhũ priãu prong,24làiq: “Ơ Je-su mơnuĩh Na-sa-ret, pơnõq hlãq hũ kaya hagĩq sì Pitrai lơĩh? Iỡuq mĩn Pitrai trôh pioh pa-lơhiãq pơnõq hlãq yơh? Hlãq thơu Pitrai la asơi — Pitao Sơđah Yàc Pô Lơngĩq hũ!”25Nữn Yàc Je-su gơloh pơkhè kamlai ràc, làiq: “Iỡuq dòq suà vẽq sì tơviãq tlah mưng mơnuĩh nĩ!”26Vloh, kamlai mơsãc pa-lơvuh nhũ trỗt, driãu sa sãp prong vloh tơviãq tlah mưng nhũ.27Dơgrữq mơnuĩh halơi kung mãq ngãq krơi, nữn jỡc tơnĩa gỡuq làiq: “Vruãq gĩq nĩ? La kaya pơto vơhrơu sigỡuq sì gơnuar? Ung nữn kung mãq gơnuar pơđar dơgrữq kamlai sì pơnõq nhũ hũ pãc ung nữn.”28Nữn la pơnuaĩq akhàt mưng Pitrai tũq nữn mư pơnuaĩq đơp nữn nao vãq avih anĩh dơlãp dơgrữq phũm Ga-li-le.29Hadơi sì tũq tơviãq mưng sàc pơtõm, pơnõq nhũ tơma sàc Si-môn sì An-dre, sigỡuq sì Ja-kơ sì Jãng.30Tũq nữn, ami sơdiuq Si-môn hũ dòq đĩh pãq chơnang kơyua ruãq ajur, nữn mư pơnõq nhũ akhàt sì Yàc Je-su mưng mòq.31Yơu nữn, Pitrai trôh, apãt tơngãn sì wơh mòq tơgùq dỡc. Vloh ruãq ajur mòq khơĩh mư, sì mòq pơdòq duh vruãq ga pơnõq nhũ.32Trôh tũq tlãp, hadơi sì tũq ia harơi tơma chỡq, aràc va trôh ga Pitrai dơgrữq mơnuĩh ruãq sơkìq sì mơnuĩh kađòc kamlai ãp.33Vãq avih palơi prong ròq pơtõm gỡuq pãq anãq bãc.34Yơu nữn, Pitrai pasồq pakhơĩh lũ mơnuĩh kađòc pơđìq pơđua sì tãl dơgrữq kaya ruãq, sì pơtiãuq lũ kamlai, nữn Pitrai ôh vrơi gơnuar dơgrữq kamlai đơp kơyua pơnõq nhũ thơu Pitrai.35Nữn Pitrai mơdưh tơgùq mưng prỗq, nao tơviãq blàc tũq lơngĩq gãm dòq kơnãm, trôh pãq anĩh suà lìt, sì iơu lakơu pãq đỡn.36Hadơi nữn, Si-môn sì dơgrữq mơnuĩh dòq sigỡuq sì Pitrai nao duah Pitrai.37Tũq pơnõq nhũ duah pãp Pitrai vloh, pơnõq nhũ pa-thơu sì Pitrai: “Dơgrữq mơnuĩh ãn duah pôgrũ.”38Nữn Pitrai pơđar pơnõq nhũ: “Pơnõq drơi nao vẽq pãq anĩh tơmo, tơma dơgrữq palơi tòp dar, pioh pôgrũ kung pơto akhàt pãq đỡn wỡq. Kơyua pôgrũ trôh mưng vruãq nĩ.”39Yơu nữn, Pitrai nao vãq avih lơgar Ga-li-le, pơto akhàt dơlãp dơgrữq sàc pơtõm sì pơtiãuq kamlai.40Tũq nữn, sa aràc mơnuĩh ruãq aphũng trôh sì Pitrai, aguãl ta-ồq trỗt, lakơu Pitrai, làiq: “Mơyah làiq pôgrũ ưng, pôgrũ pơlih ngãq ga hlãq hũ sơchih.”41Hũ hatai lơhẽ lơhuãi, Yàc Je-su mãq tơngãn rơwỡq pãq nhũ, đơp sì nhũ: “Kơu ưng. Iỡuq sơchih vẽq.”42Nữn mư ruãq aphũng lơhiãq thĩt tlah mưng nhũ sì nhũ jỡc hũ sơchih.43Nữn Yàc Je-su ngãq gơmrữq đơp hakơi nhũ vloh vrơi ga nhũ nao mư.44Pitrai đơp sì sơai nữn: “Gơrhia vẽq, juơi đơp hagĩq sì dơgrữq mơnuĩh halơi, iỡuq nao, pa-tơviãq mơta drơi sì mơnuĩh gơnuar pioh kaya duh talơvãt sì padỡc kaya talơvãt mưng vruãq jỡc sơchih ruãq aphũng nhũ hũ yơu Môi-se song pơto pơđar, pioh ngãq chưng ga pơnõq nhũ.”45Bôh làiq nhũ tơviãq nao, pơdòq nhũ nữn akhàt payơr ga lũ mơnuĩh vruãq nĩ vãq avih dơgrữq anĩh, tơviãq jỡc Yàc Je-su pơlih ôh hũ tơma sa palơi halơi sì ôh pa-tơviãq rùp jỡc tơra, nữn Pitrai dòq gah lơniãu pãq dơgrữq anĩh suà lìt, sì vual vơla mưng dơgrữq anĩh atah miẽt nao trôh pãq Pitrai.
FAR EAST BROADCASTING COMPANY