Luke5
1Vruãq ròq tơviãq dơlãp tũq nữn tơpuôl vual vơla lũ talỡc jẽh tòp dar Pitrai pioh pa-hmỡq pơnuaĩq Yàc Pô Lơngĩq, sì Pitrai ãn dòq dữc gah dơnao Ge-ne-sa-ret.2Pitrai bôh dua srôh ahòq ãn dòq dơh gah rah dơnao, dòq dơgrữq mơnuĩh dãc sơnhuãl, tũq nữn ròq trỗt mưng ahòq vloh, pơnõq nhũ ãn sơrui sơnhuãl.3Pitrai đìq sa srôh dơlãp dua srôh ahòq, sì ahòq nữn la Si-môn hũ, Pitrai pơđar ung wah ơtah dì gah gơnãq sa asĩt. Hadơi sì tũq nữn dòq guh gơđữc, Pitrai pơto akhàt ga vual vơla pãq dlòc ahòq.4Tũq Pitrai pơto akhàt vloh, Pitrai đơp sì Si-môn: “Iỡuq wah ahòq nao tơmã pãq anĩh ia dơlãp vloh dãc sơnhuãl sơai trỗt pioh mãq hũ lũ akàt.”5Tũq nữn drơ pơnuaĩq, Si-môn đơp: “Ơ pôgrũ, bôh làiq ngãq vruãq luôĩq sa mơlãp, pơnõq hlãq ròq ôh mãq hũ hagĩq, nữn pãc tui pơnuaĩq pô grũ, hlãq ròq nao dãc sơnhuãl.”6Hadơi sì tũq ngãq vruãq nữn, pơnõq nhũ mãq hũ viãq lũ akàt, dòq sơnhuãl pơnõq nhũ jẽq sì tẽq tloh.7Pơnõq nhũ awah tơngãn ga dơgrữq gỡuq mayơu dòq wah ahòq tơmo trôh dõc drơi, dơgrữq mơnuĩh nữn trôh sì katũc akàt tơgùq vãq avih dua srôh ahòq tơviãq jỡc ahòq pơnõq nhũ jẽq krãp.8Bôh làiq, tũq bôh yơu nữn, Si-môn Pier aguãl trỗt pãq ala anĩh tơ-ồq Yàc Je-su, drơ: “Talơvãt Yàc, lakơu tơviãq tlah mưng hlãq, kơyua hlãq la mơnuĩh dlàiq dơnũh.”9Kơyua kaya chrih krơi viãq ròq kơ-rơwàc tlỗp ung sì avih dơgrữq mơnuĩh dòq sigỡuq sì ung kơyua mưng akàt sì pơnõq nhũ ròq dãc sơnhuãl mãq hũ,10kung iỡuq yơu nữn pơweh sì Ja-kơ sì Jãng, la dơgrữq anàq lakơi Se-be-đe, pơnõq nhũ la gỡuq mayơu dãc sơnhuãl Si-môn hũ. Yàc Je-su đơp sì Si-môn: “Juơi huaĩq! Mưng nĩ tãl hadơi sơai la ròq tơviãq jỡc tơngãn dãc sơnhuãl mơnuĩh.”11Hadơi sì tũq va pađuỡt ahòq tơmã gah, sì prah avih dơgrữq kaya, pơnõq nhũ nao tui Pitrai.12Hũ vruãq ròq trôh tũq Pitrai ãn dòq dơlãp sa palơi dih, sì iãq dih, hũ sa aràc mơnuĩh rùp phàp vãq lơka aphũng. Tũq bôh Yàc Je-su, nhũ pơviar rùp trỗt rãn lakơu Pitrai, làiq: “Talơvãt Yàc, mơyah làiq Pitrai ưng, Pitrai pơlih ngãq ga hlãq hũ sơchih.”13Pitrai yơr tơngãn rawỡq tơmã sơai, nữn đơp: “Kơu ưng, iỡuq sơchih vẽq.” Tũq nữn mư, ruãq aphũng ròq tơviãq mưng sơai nữn jỡc khơĩh.14Vloh Pitrai hakơi akhàt ga nhũ juơi đơp ga mơnuĩh halơi thơu, vlữq wỡq: “Iỡuq nao vẽq akhàt pabôh rùp drơi ga mơnuĩh gơnuar pioh kaya duh talơvãt mưng vruãq hũ sơchih nhũ hũ tui yơu Môi-se pơto pơđar, pioh ngãq chưng ga pơnõq nhũ.”15Bôh làiq hmỡq pơnuaĩq tiẽng dơnai mưng Pitrai vloh vãq avih tòp dar rlao tơra, nữn yơh la ngãq ga vual vơla lũ viãq mai trôh pioh hmỡq Pitrai pơto pơđar sì hũ pakhơĩh gơjãp ruãq drơi hũ.16Nữn Pitrai lơđãp pleh tơmã anĩh suà lìt sì pioh iơu lakơu.17Vruãq ròq tơviãq jỡc dơlãp sa harơi dih, dơlãp tũq Pitrai ãn pơto pơđar, nữn hũ dơgrữq mơnuĩh Pha-ri-si sì mơnuĩh gơnuar pơto voh-va dòq guh pãq đỡn, la dơgrữq mơnuĩh song trôh mưng avih dơgrữq palơi dơlãp phũm Ga-li-le sì Ju-đe, kung yơu mưng palơi Je-ru-sa-lem, sì Gơnuar chơnuãq Yàc hũ dòq pãq dlòc Pitrai pasồq pakhơĩh ruãq sakìq.18Iãq dih, hũ sa tơkìq mơnuĩh chakồc sa aràc mơnuĩh lakơi đĩh pãq dlòc chơnang, nữn la mơnuĩh kađòc kao, pơnõq nhũ duah pơnẽq va nhũ nữn tơmã pãq dơlãp pioh chẽq pãq anãq Pitrai.19Tũq nữn ôh duah jỡc hayơu hũ pơnẽq va nhũ nữn tơmã kơyua mưng tơpuôl lũ, nữn pơnõq nhũ va pađìq pãq pơvũc sàc, mưng dlòc gãq sàc pơnõq nhũ yah pơh, vloh padũng trỗt nhũ ãn dòq đĩh pãq chơnang trỗt pãq anãq Yàc Je-su.20Tũq nữn bôh voh-tui pơnõq nhũ, Pitrai đơp: “Ơ sơai, dlàiq dơnũh hã song hũ tơleh.”21Dơgrữq mơnuĩh gơnuar pơto voh-va sì mơnuĩh Pha-ri-si suẽt pơdòq vơyai sigỡuq, làiq: “Mơnuĩh nĩ la asơi vloh đơp pơnuaĩq sơvĩl yơu nữn? Asơi hũ gơnuar tơleh dlàiq lơniãu mĩn sa Yàc Pô Lơngĩq?”22Nữn Yàc Je-su thơu kaya sơnơng buah kar pơnõq nhũ, nữn hẽ làiq, Pitrai đơp sì pơnõq nhũ: “Hayơu pơnõq ung vơyai sigỡuq dơlãp hatai drơi yơu nữn?23Pơnuaĩq halơi la buôt đơp rlao: ‘Dlàiq dơnũh sơai song hũ tơleh’ hẽla đơp ‘Iỡuq tơgùq dữc sì yàp nao?’24Nữn pioh ga pơnõq ung thơu làiq Anàq Mơnuĩh dòq pãq dlòc voh hlùq hũ gơnuar tơleh dlàiq,” — Pitrai đơp sì mơnuĩh kao, — “Kơu pơđar sơai, iỡuq tơgùq dữc, gơlãp chơnang drơi sì nao wỡq sàc sơai hũ.”25Tũq nữn mư, sơai nữn tơgùq dữc pãq anãq pơnõq nhũ, hadơi tũq rơmiãq chơnang sì nhũ ãn dòq đĩh pãq dlòc, vloh nữn sơai nao wỡq sàc nhũ, sơuỗt mơyòp Yàc Pô Lơngĩq.26Kaya mãq ngãq krơi avih dơgrữq mơnuĩh, sì pơnõq nhũ sơuỗt mơyòp Yàc Pô Lơngĩq, dơlãp hatai huaĩq tatơh, sì đơp làiq: “Harơi nĩ pơnõq drơi song bôh dơgrữq vruãq krơi tơmo viãq.”27Hadơi dơgrữq vruãq nữn, Pitrai tơviãq tlah mưng anĩh nữn sì iãq mững gơnĩt di mơta sa ràc mơnuĩh mãq jia angãn la Le-vi ãn dòq guh pãq anĩh tlam sơkãq jia, vloh nữn Pitrai đơp sì ung: “Iỡuq nao tui kơu!”28Yơu nữn hadơi sì tũq tơgùq dữc, tlàq luơi wỡq avih dơgrữq kaya, nữn ung nao tui Pitrai.29Le-vi pồq sa war kaya bõc adãt prõc ga Pitrai, pãq sàc nhũ, sì hũ sa tơpuôl lũ mơnuĩh mãq jia sigỡuq sì dơgrữq mơnuĩh tơmo ãn dòq guh pãq ban sigỡuq sì pơnõq nhũ.30Dòq dơgrữq mơnuĩh Pha-ri-si sì mơnuĩh gơnuar pơto voh-va pơnõq nhũ hũ boah kar sì dơgrữq mơnuĩh mơgrũ Pitrai hũ, làiq: “Kơyua hagĩq sì pơnõq ung vloh bõc mơnhũm sigỡuq sì tơpuôl mơnuĩh mãq jia sì mơnuĩh dlàiq dơnũh?”31Nữn drơ làiq, Yàc Je-su đơp sì pơnõq nhũ: “Mơnuĩh prãn khãc ôh iỡuq hũ chàc mơnuĩh gơnuar jrao, sì mơnuĩh ruãq sakìq nữn iỡuq chàc.32Kơu trôh ôh iỡuq pioh iơu mơnuĩh tơpãq dãng, sì la duah mơnuĩh hũ dlàiq trôh sì pioh kaya mơvai tlàq dlàiq.”33Nữn vloh, pơnõq nhũ đơp sì Pitrai: “Dơgrữq mơnuĩh mơgrũ Jãng hũ lơđãp ãt bõc sì pioh padỡc dơgrữq pơnuaĩq iơu lakơu, mơnuĩh mơgrũ mơnuĩh Pha-ri-si kung yơu nữn. Dòq mơnuĩh dơgrữq pơnõq ung miẽt bõc sì mơnhũm.”34Pitrai hẽ sigỡuq sì pơnõq nhũ: “Pơnõq ung pơlih ôh iỡuq hũ gơnuar mãq mơnuĩh thuãi mai bõc adãt pơhuãq ãt bõc dơlãp tũq mơtơu lakơi ãn dòq sì pơnõq nhũ, iỡuq lơĩh?35Nữn viãq yơu nữn ròq tãl trôh harơi dơlãp tũq mơtơu lakơi hũ va nao tlah mưng pơnõq nhũ. Tũq nữn, tơmã dơgrữq harơi nữn, pơnõq nhũ ròq ãt bõc.”36Vloh Pitrai kung akhàt vrơi ga pơnõq nhũ sa pơnuaĩq pa-mơyơu yơu nĩ làiq: “Ôh hũ asơi vãl pơkãp tleh ao tlãq pơcha hẽt tơviãq mưng vlah ao vơhrơu. Nữn mơyah làiq ngãq yơu nữn, sì ròq ngãq tẽq tơyah ao vơhrơu, sì tleh pơcha sì mãq mưng ao vơhrơu kung ròq ôh salơnuãq sì pơcha tlãq.37Sì ôh asơi pioh alãc vơhrơu dơlãp kadoh kalìq tlãq. Nữn mơyah làiq ngãq yơu nữn, nữn alãc vơhrơu ròq ngãq pơchãh kadoh kalìq, alãc ròq hõq tơviãq blàc, kadoh kung ròq kađòc pơchãh.38Pa-vlữq wỡq, iỡuq pioh alãc vơhrơu tơmã dơlãp kadoh kalìq vơhrơu.39Hadơi sì mơnhũm alãc tlãq, vloh ôh hũ asơi ưng alãc vơhrơu, kơyua mơnuĩh nữn đơp làiq: ‘Alãc tlãq la vơngĩ rlao.’”
FAR EAST BROADCASTING COMPANY