John17
1Yàc Je-su đơp dơgrữq pơnuaĩq nữn, vloh angơìq tơgùq pãq dlòc lơngĩq, Pitrai đơp: “Talơvãt Ama, tũq jơ song trôh. Lakơu ngãq gơhluh Anàq Ama hũ, pioh Anàq pơlih ngãq gơhluh Ama,2kơyua Ama song vrơi ga Anàq gơnuar pãq dlòc dơgrữq pơjẽh rơlo rùp, pioh dơgrữq mơnuĩh halơi nữn Ama song pơjao ga Anàq, nữn Anàq vrơi ga dơgrữq mơnuĩh nữn kaya hadiuq gãm gãm.3Dòq nĩ la kaya hadiuq gãm gãm, nữn la tồq ga dơgrữq mơnuĩh nữn kơnãl thơu Ama, mĩn sa Yàc Pô Lơngĩq la tơpãq viãq, sì Yàc Dõc Pơ-tlah Je-su, la Pitao Ama song pơđar nao trôh.4Anàq song sơ-uỗt mơyòp Ama pãq dlòc voh hlùq, ngãq wil tãl avih dơgrữq vruãq nữn Ama song pơjao ga Anàq pioh Anàq ngãq.5Ơ Ama, tũq nĩ lakơu Ama ngãq gơhluh Anàq di anãq Ama mưng kaya gơhluh nữn Anàq gãm hũ sigỡuq sì Ama halơu sì tũq dun kơyua chrơng pajỡc.6Anàq song akhàt pa-tơviãq angãn Ama ga dơgrữq mơnuĩh nữn Ama song pơjao ga anàq dơlãp dun kơyua. Pơnõq nhũ pơweh sì Ama, Ama pơjao pơnõq nhũ ga Anàq, sì pơnõq nhũ song rơmiãq pioh pơnuaĩq Ama.7Tũq nĩ, pơnõq nhũ thơu làiq avih dơgrữq kaya Ama vrơi ga Anàq nữn la mưng Ama,8kơyua Anàq song vrơi ga pơnõq nhũ dơgrữq pơnuaĩq sì Ama song vrơi ga Anàq, pơnõq nhũ tồq mãq dơgrữq pơnuaĩq nữn sì viãq thơu làiq Anàq song trôh mưng Ama, sì pơnõq nhũ pãc làiq Ama song pơđar Anàq.9Anàq iơu lakơu ga pơnõq nhũ. Anàq ôh iơu lakơu ga dun kơyua, nữn la vrơi ga dơgrữq mơnuĩh nữn Ama song pơjao ga Anàq, kơyua pơnõq nhũ pơweh sì Ama.10Avih dơgrữq kaya Anàq hũ la kaya Ama; kung yơu kaya Ama la kaya Anàq, sì Anàq hũ gơhluh di khrãh pơnõq nhũ.11Anàq ôh dòq dơlãp dun kơyua tơra, nữn pơnõq nhũ dòq dơlãp dun kơyua, nữn Anàq nao wỡq sì Ama. Talơvãt Ama Sơđah, lakơu iãq jàc pơnõq nhũ dơlãp angãn Ama nữn Ama song vrơi ga Anàq, tồq ga pơnõq nhũ pơlih tơviãq jỡc salơnuãq, yơu Pơnõq Drơi.12Dơlãp tũq Anàq dòq sigỡuq sì pơnõq nhũ. Anàq iãq jàc pơnõq nhũ dơlãp angãn Ama la angãn Ama song vrơi ga Anàq. Anàq iãq jàc pơnõq nhũ yơu nữn ôh sa aràc mơnuĩh halơi dơlãp pơnõq nhũ kađòc lơhiãq thĩt, lơniãu sì sa aràc anàq kaya lơhiãq thĩt hũ, tồq ga pơnuaĩq Sơrãq Sơđah hũ pa-sơmũ.13Nữn tũq nĩ, Anàq nao wỡq pãq Ama, sì anàq đơp dơgrữq pơnuaĩq nĩ dơlãp dun kơyua tồq ga pơnõq nhũ hũ kaya uỗt sơh Anàq hũ nữn hũ wil tãl dơlãp pơnõq nhũ.14Anàq song vrơi pơnuaĩq Ama ga pơnõq nhũ, sì dun kơyua song mơvai lơmùq pơnõq nhũ kơyua pơnõq nhũ ôh pơweh pãq dun kơyua, kung yơu Anàq ôh pơweh pãq dun kơyua.15Anàq ôh lakơu tồq Ama va pơnõq nhũ tơviãq tlah mưng dun kơyua, nữn la lakơu Ama iãq jàc pơnõq nhũ tlah mưng mơnuĩh mơsãc.16Pơnõq nhũ ôh pơweh sì dun kơyua, kung yơu Anàq ôh pơweh sì dun kơyua.17Lakơu Ama ngãq sơchih pơnõq nhũ mưng pơnuaĩq tơpãq; pơnuaĩq Ama la pơnuaĩq tơpãq.18Ama song pơđar Anàq trôh dơlãp dun kơyua yơu halơi, nữn Anàq kung pơđar pơnõq nhũ trôh dơlãp dun kơyua yơu nữn.19Kơyua mưng pơnõq nhũ Anàq song ngãq jỡc sơđah krơi rùp drơi, pioh rùp phuỗt pơnõq nhũ kung hũ ngãq jỡc sơđah krơi dơlãp pơnuaĩq tơpãq.20Nữn Anàq ôh mĩn iơu lakơu ga dơgrữq mơnuĩh nĩ, nữn dòq iơu lakơu ga dơgrữq mơnuĩh pãc-tui Anàq gơnang mưng pơnuaĩq pơnõq nhũ hũ wỡq,21pioh ga avih dơgrữq tãl aràc pơnõq nhũ jỡc salơnuãq sigỡuq, yơu Ama dòq dơlãp Anàq sì Anàq dòq dơlãp Ama, pioh ga pơnõq nhũ kung dòq dơlãp Pơnõq Drơi, pioh ga dun kơyua pãc làiq Ama song pơđar Anàq nao trôh.22Kaya gơhluh nữn Ama song vrơi ga Anàq, nữn Anàq kung song vrơi ga pơnõq nhũ, pioh ga pơnõq nhũ pơlih salơnuãq sigỡuq, kung yơu Pơnõq Drơi salơnuãq sigỡuq mĩn;23Anàq dòq dơlãp pơnõq nhũ, sì Ama dòq dơlãp Anàq tồq pioh ga pơnõq nhũ hũ wil tãl dơlãp kaya salơnuãq sigỡuq, tồq ga dun kơyua thơu làiq Ama song pơđar Anàq trôh, sì Ama song khiãng duman pơnõq nhũ yơu Ama song khiãng duman Anàq.24Ơ Ama, dơgrữq mơnuĩh halơi nữn Ama song pơjao ga Anàq, Anàq ưng làiq Anàq dòq pãq halơi nữn pơnõq nhũ kung dòq pãq đỡn sì Anàq pioh pơnõq nhũ iãq bôh kaya gơhluh Anàq hũ, la kaya gơhluh Ama song vrơi ga Anàq, kơyua Ama song khiãng duman Anàq hlơu sì tũq ka-ôh chrơng pajỡc dun kơyua.25Ơ Ama Tơpãq Dãng, bôh làiq dun kơyua ôh thơu Ama, nữn Anàq thơu Ama; sì dơgrữq mơnuĩh nĩ thơu làiq Ama song pơđar Anàq trôh.26Anàq song akhàt pa-tơviãq angãn Ama ga pơnõq nhũ, sì Anàq ròq dòq akhàt pa-tơviãq wỡq, pioh ga kaya khiãng duman nữn Ama song khiãng duman Anàq ròq dòq dơlãp pơnõq nhũ, nữn Anàq kung dòq dơlãp pơnõq nhũ.”
FAR EAST BROADCASTING COMPANY