John10
1“Iỡuq viãq, iỡuq viãq, kơu đơp sì pơnõq ung, asơi ôh tơpa gãt sơvòq bãc tũq tơma dơlãp war avo, nữn vloh đìq tơma mưng jơlàt tơmo, nữn la mơnuĩh tlẽq sơwah.2Nữn mơnuĩh tơmã mưng sơvòq bãc nữn la mơnuĩh dlãc avo.3Mơnuĩh iãq jàc bãc pơh bãc ga nhũ, sì avo hmỡq sãp mơnuĩh dlãc, vloh mơnuĩh dlãc iơu angãn avo drơi nữn dui-va tơpuôl nhũ tơviãq blàc.4Tũq mơnuĩh dlãc song va avih avo drơi tơviãq vloh, nữn nhũ nao hlơu avo, dòq avo nao tui hadơi mơnuĩh dlãc, kơyua tơpuôl avo rơđãp kơnãl hmỡq sãp mơnuĩh dlãc.5Nữn avo viãq ròq ôh nao tui mơnuĩh chrih, pa-vlữq wỡq, avo đuaĩq dỡuq di nhũ, kơyua avo ôh rơđãp hmỡq sãp mơnuĩh chrih.”6Yàc Je-su đơp pơnuaĩq pa-mơyơu nĩ ga pơnõq nhũ, nữn pơnõq nhũ ôh thơu pãc dơgrữq pơnuaĩq Pitrai đơp sì pơnõq nhũ la hagĩq.7Yơu nữn, Yàc Je-su đơp wỡq sì pơnõq nhũ: “Iỡuq viãq, iỡuq viãq, kơu đơp ga pơnõq ung làiq kơu la sơvòq bãc avo hũ.8Avih dơgrữq mơnuĩh halơi trôh halơu kơu la mơnuĩh tlẽq sơwah, nữn avo ôh hmỡq tui tơpuôl nhũ.9Kơu la bãc. Mơyah làiq mơnuĩh halơi nao tơma gơnang mưng kơu, nữn mơnuĩh nữn ròq hũ dõc pơ-tlah, vloh mơnuĩh nữn ròq tơmã, tơviãq sì duah bôh blàc rỡq.10Mơnuĩh tlẽq ôh trôh mơyah làiq ôh iỡuq la pioh tlẽq sơwah, pa-mơtai sì pa-lơhiãq. Kơu trôh pioh avo hũ kaya hadiuq sì hũ kaya hadiuq dơlah dơlai.11Kơu la mơnuĩh dlãc lơmuỡn siàp. Mơnuĩh dlãc lơmuỡn siàp tlàq kaya hadiuq drơi kơyua avo.12Mơnuĩh ngãq ơpah, kơyua ôh iỡuq la mơnuĩh dlãc, nữn avo ôh iỡuq la avo nhũ, yơu nữn nhũ bôh asơu sĩc trôh nữn tlàq luơi avo sì đuaĩq tlah rùp drơi, dòq asơu sĩc kẽq mãq avo sì ngãq ga chơlah chơluỡn,13kơyua nữn nhũ la mơnuĩh ngãq ơpah nữn pơweh sì nhũ, nhũ ôh sơnơng trôh hagĩq mưng avo.14Kơu la mơnuĩh dlãc lơmuỡn siàp, kơu kơnãl thơu avo kơu, sì avo kơu kơnãl thơu kơu,15drưh yơu Ama thơu kơu, sì kơu thơu Ama kơu; sì kơu tlàq kaya hadiuq drơi kơyua mưng avo.16Kơu hũ dơgrữq avo tơmo nữn ôh dòq dơlãp war nĩ. Tơpuôl nhũ kung yơu nữn, chơkhãq chàc kơu va mai wỡq, sì tơpuôl nhũ ròq hmỡq sãp kơu, vloh ròq hũ mĩn sa tơpuôl, sì sa aràc mơnuĩh dlãc.17Kơyua kaya nĩ, Ama anĩt duman kơu, kơyua kơu tlàq kaya hadiuq drơi pioh tồq sa bãc tơra wỡq, kơu pơlih tồq mãq hũ nhũ.18Ôh asơi suãq kaya hadiuq kơu tlah mưng kơu, bôh làiq yơu nữn, kơu ưng tlàq rùp drơi ga nhũ. Kơu hũ gơnuar tlàq kaya hadiuq drơi, sì kơu hũ gơnuar tồq mãq nhũ wỡq sa bãc tơra. Kơu song tồq mãq gơnuar pơđar nĩ mưng Ama kơu.”19Kaya pa-chơlah gỡuq ròq tơviãq di khrãh dơgrữq mơnuĩh Ju-đa kơyua dơgrữq pơnuaĩq nữn.20Tũq nữn, lũ mơnuĩh dơlãp tơpuôl nhũ đơp: “Mơnuĩh nĩ kađòc kamlai ãp sì lơhiãq dlò vloh. Hayơu tơpuôl ung pa-hmỡq nhũ?”21Mơnuĩh tơmo nữn đơp: “Nĩ ôh iỡuq la pơnuaĩq sa aràc mơnuĩh kađòc kamlai ãp. Vloh kamlai hlơi pơlih rgơi pơh mơta mơnuĩh vùp, iỡuq lơĩh?”22Hadơi nữn, harơi Adãt Padỡc Pioh Sàc talơvãt hũ pơh tơviãq pãq Je-ru-sa-lem. Tũq nữn la vlàt mơrìt,23sì Yàc Je-su ãn nao tòp dar dơlãp sàc talơvãt pãq anĩh làt Sa-lô-môn.24Patui nữn, dơgrữq mơnuĩh Ju-đa dòq wĩt dar Pitrai, sì pơnõq nhũ đơp sì Pitrai: “Pôgrũ ngãq ga hatai pơnõq hlãq sơnơng dỡq dỡng tãl trôh tũq halơi? Mơyah làiq pôgrũ la Yàc Dõc Pơ-tlah, iỡuq đơp savĩq lanơng lơnai vrơi ga pơnõq hlãq thơu.”25Yàc Je-su hẽ sì pơnõq nhũ: “Kơu song đơp sì pơnõq ung nữn pơnõq ung ôh pãc. Dơgrữq vruãq nữn kơu ngãq tơviãq dơlãp angãn Ama kơu, tơpuôl nhũ ngãq chưng mưng kơu.26Bôh làiq yơu nữn, pơnõq ung ôh pãc kơyua pơnõq ung ôh pơweh sì avo kơu hũ.27Avo kơu hmỡq sãp kơu, nữn kơu kơnãl thơu tơpuôl nhũ, sì tơpuôl nhũ tui kơu.28Kơu kung vrơi ga pơnõq nhũ kaya hadiuq dòq gãm gãm, sì tơpuôl nhũ viãq ròq ôh tũq halơi kađòc lơhiãq thĩt miẽt, sì ròq ôh mơnuĩh halơi tlẽq sơwah jỡc avih dơgrữq avo halơi dơlãp tơpuôl nhũ tlah mưng tơngãn kơu.29Ama Kơu, Pitao song vrơi tơpuôl nhũ ga kơu, la prong màc rlao avih dơgrữq kaya, sì ôh asơi pơlih tlẽq sơwah tơpuôl nhũ tlah mưng tơngãn Ama.30Kơu sì Ama la sa.”31Dơgrữq mơnuĩh Ju-đa vloh duỡt patơu pioh pơlih prah Pitrai.32Yàc Je-su đơp sì pơnõq nhũ: “Kơu song ràc pa-tơviãq ga pơnõq ung lũ vruãq siàp mưng Ama. Pơnõq ung prah patơu kơu kơyua mưng vruãq halơi dơlãp dơgrữq vruãq nữn?”33Dơgrữq mơnuĩh Ju-đa drơ sì Pitrai: “Pơnõq hlãq ôh prah patơu ung kơyua mưng vruãq siàp ôh, nữn kơyua ung sỗq dlàiq đơp sơvĩl, sì kơyua ung, la anàq mơnuĩh, nữn pa-angãn krơi drơi la Yàc Pô Lơngĩq.”34Yàc Je-su đơp sì pơnõq nhũ: “Dơlãp voh-va pơnõq ung hũ, ôh iỡuq hũ pơnuaĩq wãq làiq: ‘Kơu đơp: “Pơnõq anàq la yàc”’ iỡuq yơh?35Mơyah làiq Pitrai iơu pơnõq nhũ, sì dơgrữq mơnuĩh nữn pơnuaĩq Yàc Pô Lơngĩq hũ trôh, la yàc (sì Sơrãq Sơđah ôh tũq halơi tlàq luơi jỡc),36nữn hayơu pơnõq ung đơp sì Pitao nữn Yàc Pô Lơngĩq song pioh chẽq krơi sơđah sì pơđar tơma dơlãp dun kơyua làiq: ‘Ung đơp sơvĩl,’ kơyua kơu đơp: ‘Kơu la Anàq Yàc Pô Lơngĩq’?37Mơyah làiq kơu ôh ãn dòq ngãq dơgrữq vruãq Ama kơu, nữn juơi pãc-tui kơu.38Nữn mơyah làiq kơu ãn ngãq, bôh làiq pơnõq ung ôh pãc-tui kơu, nữn iỡuq pãc-tui dơgrữq vruãq nữn, pioh pơnõq ung pơlih thơu sì pãc làiq Ama dòq dơlãp kơu, sì kơu dòq dơlãp Ama.”39Kơyua yơu nữn, pơnõq nhũ vloh duah pơnẽq mãq Pitrai, nữn Pitrai pleh tlah mưng tơngãn pơnõq nhũ.40Sa bãc tơra wỡq, Pitrai nao pãq gah dih kròc Jô-đãnh, trôh pãq anĩh nữn hlơu thrơi Jãng ngãq adãt bãp-tem vloh Pitrai dòq pãq đỡn.41Lũ mơnuĩh trôh sì Pitrai nữn pơnõq nhũ đơp làiq: “Bôh làiq Jãng vloh ôh ngãq kaya krơi tơmo halơi, nữn dơgrữq kaya nữn Jãng song đơp mưng mơnuĩh nĩ la iỡuq viãq.”42Sì pãq đỡn, lũ mơnuĩh hũ hatai chàc gơnang di Pitrai.
FAR EAST BROADCASTING COMPANY