Galatians1
1Pol, sa aràc mơnuĩh gơnuar pơđar — ôh trôh mưng pơjẽh anàq mơnuĩh, kung ôh trôh mưng sa aràc mơnuĩh halơi, nữn mưng Yàc Dõc Pơ-tlah Je-su sì mưng Yàc Pô Lơngĩq, la ama, Pitao song ngãq ga Pitrai hadiuq wỡq mưng anĩh mơtai —2sigỡuq sì avih tãl aràc adơi sơai dòq sì hlãq, pơyua dơgrữq Sàc Pơjũm sơđah pãq Ga-la-ti:3Lakơu kaya anĩt trôh pãq dlòc pơnõq adơi sơai sigỡuq sì kaya dadu lơngai mưng Yàc Pô Lơngĩq la Ama, sì Yàc pơnõq drơi, la Yàc Dõc Pơ-tlah Je-su,4Pitao song tlàq rùp drơi kơyua mưng dlàiq dơnũh pơnõq drơi, pioh Pitrai hũ gơnuar dõc suãq pơnõq drơi tlah mưng rài iãh mơsãc tũq nĩ, tui hatai ưng Yàc Pô Lơngĩq hũ, Ama pơnõq drơi.5Lakơu kaya gơhluh pơweh sì Pitrai tãl trôh dòq gãm gãm ôh thơu luôĩq. A-men.6Hlãq mãq ngãq krơi tũq pơnõq adơi sơai viãq sơmar gơlàiq weh tlàq Pitao song iơu duỡt drơi mưng kaya anĩt Yàc Dõc Pơ-tlah hũ pioh tui sa pơnuaĩq siàp tơmo,7nữn pơnuaĩq siàp nữn ôh hũ tũq halơi krơi tơmo ôh, mĩn la kơyua mưng dơgrữq mơnuĩh dih la dơgrữq mơnuĩh ngãq nhũn sabôn ga pơnõq adơi sơai sì ưng pa-sơdua Pơnuaĩq siàp Yàc Dõc Pơ-tlah hũ.8Nữn bôh làiq mĩn pơnõq hlãq, hẽla sa aràc mơnuĩh gơnrơh mưng dlòc lơngĩq, akhàt vrơi pa-thơu ga pơnõq adơi sơai sa pơnuaĩq siàp tơmo krơi sì Pơnuaĩq siàp nữn pơnõq hlãq song akhàt vrơi pa-thơu ga pơnõq adơi sơai, nữn mơnuĩh nữn iỡuq kađòc sơtãp ơluah.9Yơu pơnõq hlãq song đơp mưng hlơu dih, sì tũq nĩ hlãq đơp sa bãc tơra: “Mơyah làiq asơi nữn akhàt vrơi pa-thơu ga pơnõq adơi sơai sa pơnuaĩq siàp krơi sì Pơnuaĩq Siàp nữn pơnõq adơi sơai song tồq mãq, nữn mơnuĩh nữn iỡuq kađòc sơtãp ơluah.”10Kơyua tũq nĩ, hlãq ãn ngãq tồq siàp hatai anàq mơnuĩh hẽ la Yàc Pô Lơngĩq? Hẽla Iỡuq mĩn hlãq ãn duah pơnẽq ngãq siàp hatai anàq mơnuĩh? Mơyah làiq hlãq miẽt ãn ngãq siàp hatai anàq mơnuĩh, nữn viãq hlãq ôh iỡuq la halỗt mơnãq Yàc Dõc Pơ-tlah hũ.11Ơ adơi sơai, hlãq lakơu ràc tơviãq ga pơnõq adơi sơai thơu mưng Pơnuaĩq Siàp hlãq song akhàt tơviãq, làiq Pơnuaĩq Siàp nữn ôh iỡuq la gơnang mưng sa aràc mơnuĩh halơi.12Kơyua hlãq song ôh tồq mãq Pơnuaĩq Siàp nữn mưng sa aràc mơnuĩh halơi, hlãq kung ôh hũ pơto mưng Pơnuaĩq Siàp, yơu nữn la kơyua mưng kaya pabôh pa-tơviãq Yàc Dõc Pơ-tlah Je-su hũ.13Kơyua pơnõq adơi sơai song hmỡq mưng kaya hadiuq rài halơu hlãq hũ dơlãp jơlàt duh talơvãt Ju-đa, nữn la hlãq song mãq pakỡuq ngãq gơprah gơprĩc Sàc Pơjũm sơđah Yàc Pô Lơngĩq hũ rlao viãq, sì miẽt duah pơnẽq ngãq pa-lơhiãq tơpuôl gah nữn.14Sì hlãq anũh tơgùq dơlãp jơlàt duh talơvãt Ju-đa tơpa lũ rlao avih mơnuĩh sa thũt sigỡuq sì di khrãh vual vơla hlãq, tũq tơviãq jỡc jơmriẽt jơmrãiq sì tluỡiq gơhuar rlao pơweh sì dơgrữq ơdãt ơdia ung kõq drơi hũ.15Nữn tũq Yàc Pô Lơngĩq, Pitao song chẽq krơi hlãq mưng tũq hlãq dòq dơlãp tũc ami, sì song iơu duỡt hlãq mưng kaya anĩt Pitrai, siàp hatai16akhàt tơviãq Anàq Pitrai dơlãp hlãq, pioh ga hlãq pơlih pơto akhàt mưng Anàq nữn di khrãh dơgrữq vual vơla lơgar lơniãu, nữn tũq nữn mư hlãq ôh vơyai sì rơlo gãm sì dơrãh,17hlãq kung ôh tơgùq nao trôh Je-ru-sa-lem pioh pãp dơgrữq mơnuĩh gơnuar pơđar hlơu hlãq. Pa-vlữq wỡq, hlãq song nao trôh pãq A-ra-bi, vloh gơlàiq mai wỡq pãq Đa-mas.18Patui nữn, tlơu thũt hadơi, hlãq tơgùq nao trôh Je-ru-sa-lem pioh ngãq ban mayơu sì Se-pha sì dòq wỡq sigỡuq sì ung nữn sa plôh lơmã harơi.19Nữn hlãq song ôh pãp sa aràc mơnuĩh halơi tơmo dơlãp dơgrữq mơnuĩh gơnuar pơđar, lơniãu Ja-kơ, adơi lakơi Yàc hũ.20Nữn dơgrữq kaya hlãq wãq ga pơnõq adơi sơai, iỡuq iãq vẽq nĩ, di anãq Yàc Pô Lơngĩq, hlãq ôh đơp lor.21Hadơi nữn, hlãq nao trôh dơgrữq phũm Si-ri sì Si-li-si.22Tũq nữn, hlãq ka-ôh hũ dơgrữq Sàc Pơjũm Sơđah dơlãp Yàc Dõc Pơ-tlah pãq Ju-đe thơu bòq mơta.23Nữn dơgrữq mơnuĩh tui Yàc mĩn hmỡq làiq: “Mơnuĩh hlơu dih mãq pakỡuq pơnõq drơi tũq nĩ ãn akhàt vrơi pa-thơu voh-tui sì mơnuĩh nữn song duah pơnẽq pa-lơhiãq,”24yơu nữn pơnõq nhũ sơ-uỗt mơyòp Yàc Pô Lơngĩq kơyua mưng hlãq.
FAR EAST BROADCASTING COMPANY