Ephesians3
1Kơyua kanõh gơtha nữn, hlãq, la Pol, la mơnuĩh kađòc krỡq kơyua mưng Yàc Dõc Pơ-tlah Je-su kơyua mưng pơnõq adơi sơai la vual vơla lơniãu —2kơyua viãq la pơnõq adơi sơai song hmỡq mưng gơnuar vruãq apãt akõq kaya anĩt Yàc Pô Lơngĩq, la kaya pơjao vrơi ga hlãq kơyua mưng pơnõq adơi sơai,3tui yơu kaya pabôh tơviãq ngãq ga hlãq thơu, nữn la kaya dơlãp dơđỡuq yơu hlãq song wãq luơi tơkìq pơnuaĩq pãq dlòc.4Tũq pơpoh trôh pơnuaĩq nữn, pơnõq adơi sơai ròq pơlih thơu jỡc kaya thơu pãc hlãq hũ mưng kaya dơlãp dơđỡuq Yàc Dõc Pơ-tlah hũ,5la kaya ròq ôh hũ ràc tơviãq ga anàq tơcho pơjẽh anàq mơnuĩh dơlãp dơgrữq rài hlơu, dơlãp tũq nĩ, mưng Yàc vơngãq sơđah, pơnuaĩq nữn ròq hũ ràc tơviãq ga dơgrữq mơnuĩh gơnuar pơđar sơđah Pitrai hũ sigỡuq sì dơgrữq mơnuĩh gơnuar hwơr —6nữn la: dơgrữq vual vơla lơniãu la mơnuĩh patui sigỡuq, la dơgrữq vơnah sigỡuq sì rùp phàp, sì la dơgrữq mơnuĩh sigỡuq pa-mơpha pơnuaĩq hẽ grưh dơlãp Yàc Dõc Pơ-tlah Je-su va pa-thơu mưng Pơnuaĩq Siàp,7kơyua mưng Pơnuaĩq Siàp nữn hlãq ròq tơviãq jỡc mơnuĩh halỗt mơnãq gơnang di kaya anĩt vrơi soh Yàc Pô Lơngĩq hũ, la kaya song vrơi ga hlãq tui kaya vruãq ngãq gơnuar chơnuãq Pitrai hũ.8Kaya anĩt nữn ròq hũ vrơi ga hlãq — mơnuĩh tìt rlao avih dơlãp avih dơgrữq mơnuĩh gơnuar pơđar sơđah — pioh akhàt payơr ga dơgrữq vual vơla lơniãu kaya mơda gơnãp hũ ôh karhia jỡc Yàc Dõc Pơ-tlah hũ,9sì pioh ngãq sơđah ga dơgrữq mơnuĩh thơu yơu halơi la vruãq apãt akõq kaya dơlãp dơđỡuq, la kaya ròq hũ padỡuq dơđỡuq nao gãt tơpa dơgrữq rài dơlãp Yàc Pô Lơngĩq, Pitao chrơng pajỡc dơgrữq kaya,10tồq ga tũq jơ nĩ, mưng Sàc Pơjũm Sơđah, kaya jãc rgơi pãq dlòc lơngĩq tơlãc-tamỡn Yàc Pô-lơngĩq hũ pơlih hũ akhàt tơviãq ga dơgrữq pitao apãt akõq sì dơgrữq mơnuĩh hũ gơnuar chơnuãq dòq dơgrữq anĩh pãq dlòc lơngĩq,11tui yơu sa kanõh gãm gãm nữn Pitrai song ngãq wil tãl dơlãp Yàc Dõc Pơ-tlah Je-su, Yàc pơnõq drơi hũ,12nữn dơlãp Pitao nữn, pơnõq drơi hũ hatai chãc khĩn sì nao tui jơlàt athua trôh jẽq Yàc Pô Lơngĩq sì mưng kaya chàc gơnang mưng voh tui dơlãp Pitrai.13Nữn yơh, hlãq lakơu pơnõq adơi sơai juơi dơvlữq hatai kơyua mưng dơgrữq kaya rũc rài hlãq hũ kơyua mưng pơnõq adơi sơai, sì dơgrữq kaya rũc rài nữn la kaya gơhluh pơnõq adơi sơai hũ.14Kơyua mưng kanõh gơtha nữn, hlãq aguãl ta-ồq di anãq Ama,15la Pitao nữn mưng Pitrai, dơgrữq pơjẽh pơtiàt pãq dlòc lơngĩq sì pãq ala hlùq hũ pa-angãn,16pioh lakơu Pitrai, tui yơu kaya mơda gơnãp mưng kaya gơhluh Pitrai hũ, ngãq ga pơnõq adơi sơai hũ prãn khãc gãm sì gơnuar chơnuãq mưng Yàc Vơngãq Sơđah Pitrai hũ dơlãp anàq mơnuĩh gah dơlãp,17pioh Yàc Dõc Pơ-tlah pơlih dòq hadiuq dơlãp hatai pơnõq adơi sơai kơyua mưng voh tui, tũq song hũ tơmuh akhà sì gơjãp gơđữc dơlãp kaya khiãng duman,18tồq ga pơnõq adơi sơai sigỡuq sì avih dơgrữq mơnuĩh gơnuar pơđar sơđah, hũ tãl prãn pioh pãc thơu nĩq yơu halơi la lơnang lơnai, gah ơtah, gah dlòc, sì gah dơlãp,19sì pioh kơnãl thơu kaya tơpa rlao dơgrữq kaya pãc thơu, nữn la kaya khiãng duman Yàc Dõc Pơ-tlah hũ, tồq ga pơnõq adơi sơai hũ vãq sơrè mưng dơgrữq kaya wil tãl Yàc Pô Lơngĩq hũ.20Lakơu pơweh pa Pitao pơlih hũ ngãq tơviãq tơpa rlao dơgrữq kaya nữn pơnõq drơi rãn lakơu hẽla kaya sơnơng, tui gơnuar chơnuãq ãn pơdòq ngãq dơlãp pơnõq drơi,21lakơu Pitrai hũ gơhluh dơlãp Sàc Pơjũm Sơđah sì dơlãp Yàc Dõc Pơ-tlah Je-su gãt tơpa dơgrữq rài tãl trôh dòq gãm gãm ôh luôĩq. A-men.
FAR EAST BROADCASTING COMPANY