2 Timothy4
1Kơu avih hatai pơto pơđar anàq di anãq Yàc Pô Lơngĩq sì Yàc Dõc Pơ-tlah Je-su, Pitao ròq chahrơna mơnuĩh hadiuq gãm sì mơnuĩh mơtai, kơyua mưng kaya pabôh Pitrai hũ sì lơgar Pitrai, làiq:2Iỡuq ràc akhàt Pơnuaĩq Yàc; iỡuq rơchãc lơĩh, bôh làiq pơtuah hẽla ôh pơtuah; hẽla pơto pa-thơu, gơloh pơkhè, pơto pa-sơdor, gãm sì avih dơgrữq kaya ãt-ỡl sì kaya pơto pơđar.3Kơyua ròq tãl trôh tũq harơi nữn anàq mơnuĩh ròq ôh ưng hmỡq pơnuaĩq siàp. Pa-vlữq wỡq, pơnõq nhũ ròq pioh pơtõm ga drơi dơgrữq pôgrũ pơto tui kaya ham ưng krơi drơi hũ, pioh ròq hmỡq vơngĩ tanĩa,4vloh ròq ôh pơweh tanĩa wỡq sì pơnuaĩq tơpãq, sì dòq weh hmỡq dơgrữq vruãq iãh gah lơniãu blàc soh.5Nữn anàq iỡuq mơ-uãh mơdưh dơlãp dơgrữq vruãq. Iỡuq ãt-ỡl dleh dlàr. Iỡuq ngãq vruãq mơnuĩh pơto akhàt Pơnuaĩq Siàp hũ. Iỡuq ngãq wil tãl gơnuar vruãq anàq hũ.6Dòq kơu nữn ãn kađòc tôh hõq tơviãq yơu sa kaya adãt padỡc kaya duh talơvãt vloh, sì tãl tũq jơ tơviãq nao kơu hũ song trôh jẽq vloh.7Kơu song mơvlah mơsôh dơlãp kaya đuaĩq pơlòc prãn siàp lơgeh; kơu song ngãq wil tãl dơlãp kaya đuaĩq pơlòc; kơu song rơmiãq jàc gơjãp voh tui.8Jơ tũq nĩ, chrang mữh tơpãq dãng song pioh lơĩh ga kơu, nữn la chrang mữh sì Yàc, Kơyua pô chahrơna tơpãq rĩng, ròq vrơi alĩn ga kơu dơlãp harơi nữn, sì ôh mĩn pioh ga kơu, nữn dòq vrơi ga avih dơgrữq mơnuĩh anĩt anar kaya pabôh tơviãq Pitrai hũ.9Iỡuq rãn prãn vẽq pioh sơmar trôh pãp kơu,10kơyua Đe-ma song tlàq kơu, kơyua nhũ ham khiãng rài nĩ, sì nhũ song nao trôh Te-sa-lô-ni-ka, Kơ-ret-xen nao Ga-la-ti, Tit nao Đa-ma-ti.11Mĩn dòq Lu-ka dòq sì kơu. Hadơi sì tũq ròq Mak, iỡuq va nhũ nữn nao tui sigỡuq sì anàq kơyua mưng nhũ nữn hũ kuơ ga kơu dơlãp gơnuar vruãq.12Kơu song pơđar Ty-chi-kơ nao trôh pãq E-phe-sô.13Tũq nao, anàq iỡuq va tui vlah ao lơniãu nữn kơu chẽq luơi pãq anĩh Ka-but pãq palơi Trô-ãt, sigỡuq sì hadùp pỗc sơrãq, hlơu viãq la dơgrữq pỗc sơrãq kalìq.14Tơngãn mơnuĩh rgơi tôh priãq A-lec-san-đơ song ngãq iãh kơu lũ viãq. Yàc ròq yơr đồq tơngãn nhũ tui yơu dơgrữq vruãq ngãq nhũ hũ,15la mơnuĩh sì anàq kung iỡuq gơrhia mững, kơyua nhũ ngãq srôh srah jơdrãq sì pơnuaĩq pơto pơnõq drơi hũ.16Dơlãp tũq hũ bãc dõc jơga chơmrờp kơu hũ, ôh hũ asơi trôh dòq dữc sigỡuq sì kơu, nữn avih dơgrữq tãl aràc prah tlàq kơu. Lakơu dlàiq nữn ôh tôh wỡq pãq dlòc pơnõq nhũ.17Nữn Yàc song dòq jẽq kơu sì ngãq ga kơu hũ prãn khãc, pioh nao gãt mưng kơu, vruãq akhàt payơr vrơi pa-thơu Pơnuaĩq siàp hũ ngãq wil tãl, sì avih dơgrữq vual vơla lơniãu kung hũ hmỡq. Yơu nữn kơu kung ròq hũ dõc suãq tlah mưng mơvah rơmõn phũm.18Yàc ròq dõc suãq kơu tlah avih dơgrữq vruãq mơsãc sì ròq pioh kơu ga lơgar Pitrai hũ pãq dlòc lơngĩq. Lakơu gơhluh pơweh sì Pitrai tãl trôh gãm gãm, ôh luôĩq. A-men.19Iỡuq chuãq rơwãc Be-rit-sin sì A-qui-la, sigỡuq sì avih sàc anĩh Ô-ne-si-phô-rơ.20E-rat dòq wỡq pãq Kô-rin-tô, dòq Trô-phim kơyua nhũ ruãq nữn kơu luơi wỡq pãq Mi-le.21Iỡuq rãn prãn trôh hlơu vlàt mơrìt. Ơ-bu-lu, sigỡuq sì Bu-đen, Li-nut, Kơ-lau-đia, sì dơgrữq pơnõq adơi sơai kung tơnĩa chuãq rơwãc anàq.22Lakơu Yàc dòq sigỡuq sì vơngãq hatai anàq. Lakơu kaya anĩt dòq sigỡuq sì pơnõq adơi sơai.
FAR EAST BROADCASTING COMPANY