2 Thessalonians1
1Pol, sì Sin-vanh, siỡuq sì Ti-mô-the, pơyua ga sàc Pơjũm Sơđah Te-sa-lô-ni-ka dơlãp Yàc Pô Lơngĩq, la Ama sì Yàc pơnõq drơi, la Yàc Dõc Pơ-tlah Je-su.2Lakơu kaya anĩt sì kaya dadu lơngai mưng anĩh Yàc Pô Lơngĩq, la Ama, sì Yàc pơnõq drơi, la Yàc Dõc Pơ-tlah Je-su, dòq pãq dlòc pơnõq adơi sơai.3Pa-thơu pơnõq adơi sơai, pơnõq hlãq iỡuq miẽt gãm ỡn ngai Yàc Pô Lơngĩq mưng pơnõq adơi sơai, yơu nữn la iỡuq viãq, kơyua voh tui pơnõq adơi sơai brõq harơi brõq prõng tơgùq, sì kaya khiãng duman dơgrữq tãl aràc dơlãp avih dơgrữq pơnõq adơi sơai pơweh sì gỡuq miẽt pơtãl tơgùq;4kơyua nữn, rùp phuỗt pơnõq hlãq đơp mưng pơnõq adơi sơai savĩq pa-prõc rùp dơlãp di khrãh dơgrữq Sàc pơjũm Yàc Pô Lơngĩq hũ mưng kaya kơjãp hatai pơnõq adơi sơai hũ sì voh tui di khrãh dơgrữq kaya mãq pakỡuq pơnõq adơi sơai hũ, sigỡuq sì dơgrữq kaya rũc rài nữn pơnõq adơi sơai ãn ãt-ỡl,5nữn la chưng tang mưng kaya chahrơna tơpãq rĩng Yàc Pô Lơngĩq hũ pioh ga pơnõq adơi sơai tồq ràc tơviãq la đang mang tồq mãq palơi lơgar Yàc Pô Lơngĩq hũ, palơi lơgar nữn kơyua mưng nữn pơnõq adơi sơai kung ãn ãt dleh dlàr;6kơyua viãq la tơpãq rĩng tũq Yàc Pô Lơngĩq yơr đồq tơngãn kaya rũc rài pãq dlòc dơgrữq mơnuĩh ngãq kaya rũc rài ga pơnõq adơi sơai,7sì vrơi ga pơnõq adơi sơai, la dơgrữq mơnuĩh ãt rũc rài, kaya padơi dleh sigỡuq sì pơnõq hlãq tũq kaya pabôh trôh Yàc Je-su hũ pabôh tơviãq mưng dlòc lơngĩq sigỡuq sì dơgrữq mơnuĩh gơnrơh prãn khãc Pitrai hũ,8dơlãp dơlah apôi hũl, va kaya ngãq dlàiq trôh ga dơgrữq mơnuĩh ôh iãq thơu Yàc Pô Lơngĩq sì ga dơgrữq mơnuĩh ôh tồq mãq Pơnuaĩq Siàp Yàc pơnõq drơi hũ, la Yàc Je-su,9nữn la dơgrữq mơnuĩh ròq ơnòng mãq kaya ngãq dlàiq — la kaya pa-lơhiãq gãm gãm, dòq atah mưng kaya pabôh mơta Yàc sì tlah mưng kaya gơhluh gơnuar chơnuãq Pitrai hũ,10tũq Pitrai trôh pioh hũ sơ-uỗt mơyòp kơyua mưng dơgrữq mơnuĩh gơnuar pơđar sơđah Pitrai hũ sì hũ mãq ngãq krơi di khrãh dơgrữq mơnuĩh song hũ hatai pãc-tui, kơyua mưng pơnuaĩq ngãq chưng pơnõq hlãq hũ trôh sì pơnõq adơi sơai dơlãp harơi nữn song pãc-tui.11Kơyua yơu nữn, pơnõq hlãq kung gãm miẽt iơu lakơu ga pơnõq adơi sơai pioh Yàc Pô Lơngĩq pơnõq drơi ròq ràc tơviãq pơnõq adơi sơai la đang mang sì kaya iơu jàq, pioh Pitrai angui mưng gơnuar chơnuãq ngãq jỡc dơgrữq kaya chơkhãq khiãng mưng kaya siàp sì dơgrữq vruãq ngãq voh tui hũ,12tồq pioh ga angãn Yàc pơnõq drơi hũ, la Yàc Je-su, hũ sơ-uỗt mơyòp kơyua mưng pơnõq adơi sơai sì pơnõq adơi sơai hũ gơhluh dơlãp Pitrai, tui yơu kaya anĩt Yàc Pô Lơngĩq sì Yàc pơnõq drơi, la Yàc Dõc Pơ-tlah Je-su.
FAR EAST BROADCASTING COMPANY