2 Corinthians10
1Rùp phuỗt hlãq, Pol — la mơnuĩh bôh làiq lơmuỡn lơduh tũq pa-sơmũ mơta dòq di khrãh pơnõq adơi sơai, nữn vloh chãc khĩn sì adơi sơai dơlãp dòq atah — rãn pơto pơđar adơi sơai, mưng kaya pa-tìt rùp sì lơmeh lơmõn Yàc Dõc Pơ-tlah hũ!2Nữn hlãq lakơu adơi sơai iỡuq ngãq hayơu pioh tũq hlãq bôh mơta, hlãq ôh chàc angui kaya chãc khĩn sì hatai tui gơnĩt nữn hlãq sơnơng la iỡuq ngãq tơviãq chãc khĩn di anãq dơgrữq mơnuĩh iãq pơnõq hlãq ngãq yơu ãn hadiuq tui rơlo rùp.3Kơyua bôh làiq pơnõq hlãq hadiuq dơlãp rơlo rùp, nữn pơnõq hlãq ôh ngãq kalìt tui rơlo rùp.4Kơyua kaya mơsôh poh atòc pơnõq hlãq hũ ôh iỡuq la rơlo rùp, nữn la gơnuar chơnuãq Yàc Pô Lơngĩq pioh yah pa-lơhiãq tơbòc iãq sì pa-jơlưh dơgrữq pơnuaĩq sơnơng vơyai,5sigỡuq sì dơgrữq kaya pa-dlòc rùp tơgùq jơdrãq wỡq sì kaya pãc thơu Yàc Pô Lơngĩq, sì pơnõq hlãq mãq avih dơgrữq dlò sơnơng iỡuq ngãq tui Yàc Dõc Pơ-tlah.6Tũq adơi sơai song pãc tui savĩq wil tãl vloh, nữn pơnõq hlãq kung rơchãc lơĩh ngãq dlàiq dơgrữq vruãq ôh ngãq tui.7Adơi sơai ãn iãq dơgrữq vruãq gah lơniãu. Mơyah làiq asơi pãc gơnĩt làiq rùp phuỗt drơi pơweh pa Yàc Dõc Pơ-tlah, nữn mơnuĩh nữn kung iỡuq iãq pơwih wỡq vruãq nĩ krơi dơlãp hatai, làiq: mơnuĩh nữn pơweh pa Yàc Dõc Pơ-tlah yơu halơi, nữn pơnõq hlãq kung yơu nữn.8Kơyua bôh làiq hlãq hũ yeh rùp pơtãl lũ tơkìq mưng gơnuar chơnuãq drơi hũ, la gơnuar chơnuãq Yàc song vrơi ga pơnõq hlãq pioh vỡq padỡc mĩn ôh iỡuq pioh yah pa-lơhiãq adơi sơai ôh, nữn hlãq kung ôh mơlơu ơlah,9kơyua hlãq ôh ưng ngãq vlơ yơu pơhĩ pơnõq adơi sơai huaĩq mưng sơrãq pơyua drơi hũ.10Iỡuq viãq hũ tơkìq mơnuĩh đơp: “Bôh làiq hũ sơrãq pơyua ung nữn đơp tơrãq sì prãn khãc, nữn tũq bôh mơta nữn nhũ lơduh lơmuỡn, pơnuaĩq đơp ôh kuơ màc hagĩq.”11Dơgrữq mơnuĩh yơu nữn iỡuq thơu pãc làiq pơnuaĩq pơnõq hlãq wãq dơlãp sơrãq pơyua tũq lakồq mơta yơu halơi, nữn pơnõq hlãq kung ròq drưh yơu nữn tũq bôh mơta.12Kơyua, pơnõq hlãq ôh khĩn dãq rĩng hẽla pa-mơyơu drơi sì dơgrữq mơnuĩh pa-dlòc rùp yeh drơi dih. Nữn dơgrữq mơnuĩh nữn — mãq rùp phuỗt drơi sơnua dũq rùp drơi, sì pa-mơyơu drơi sì rùp phuỗt drơi — nữn ôh thơu pãc hagĩq ôh.13Pa-vlữq wỡq, pơnõq hlãq ròq ôh ưng yeh drơi mưng dơgrữq kaya tơpa rlao uãn, nữn mĩn ngãq tui kor chơnĩh nữn Yàc Pô Lơngĩq pơto gơnĩt ga pơnõq hlãq, pơh lơnang trôh pãq anĩh adơi sơai hũ.14Kơyua pơnõq hlãq ôh tũq halơi tơpa uãn kor vruãq drưh yơu pơnõq hlãq ôh ka nao trôh anĩh pơnõq adơi sơai, kơyua rùp phuỗt pơnõq hlãq song va Pơnuaĩq Siàp Yàc Dõc Pơ-tlah hũ trôh tõm anĩh ga pơnõq adơi sơai.15Pơnõq hlãq ôh ngãq rlao uãn kor vruãq ngãq gơnĩt nữn yeh mưng vruãq dleh dlàr mơnuĩh tơmo, nữn pơnõq hlãq chơkhãq khiãng tũq voh-tui pơnõq adơi sơai prong tơgùq, nữn kor chơnĩh ngãq vruãq pơnõq hlãq hũ dơlãp pơnõq adơi sơai ròq hũ pơh lơnang rlao tơra,16pioh pơnõq hlãq pơlih ràc akhàt Pơnuaĩq Siàp dơlãp dơgrữq phũm dòq atah rlao anĩh pơnõq adơi sơai hũ — nữn tồq ôh chàc yeh mưng dơgrữq vruãq song ngãq tơviãq dơlãp dơgrữq phũm pơsai mơnuĩh tơmo hũ.17“Nữn mơnuĩh halơi yeh drơi, nữn iỡuq yeh drơi dơlãp Yàc.”18Kơyua ôh iỡuq mơnuĩh pa-pồq mơyòp krơi drơi nữn mơnuĩh nữn hũ tồq mãq angãn ôh, la mơnuĩh nữn Yàc sơ-uỗt mơyòp.
FAR EAST BROADCASTING COMPANY