De Openboarunk von Johanes6
1Un ekj sach, aus daut Laum eent von de Säajels opmuak; un ekj hieed eent von de vea Tieren, soo aus met eene Donna-Stemm sajen: Komm un see!2Un ekj sach, un kjikj, een wittet Pieet; un dee doabowen saut, haud eenen Boagen; un am wort eene Kroon jejäft, un hee jinkj loos, siejent un toom siejen. Sach 6:1-83Un aus et daut tweede Säajel opmuak, hieed ekj daut tweede Tia sajen: Komm un see!4Un doa jinkj een aundret Pieet rut, een fiaroodet; un to däm, waut doabowen saut, wort jejäft, dän Fräd von de Ieed to nämen un daut dee sikj unjarenaunda sullen dootmoaken, un am wort een grootet Schwieet jejäft.5Un aus et daut dredde Säajel opmuak, hieed ekj daut dredde Tia sajen: Komm un see! Un ekj sach, un kjikj, een schwoatet Pieet; un dee doabowen saut, haud eene Wichtschol en siene Haunt.6Un ekj hieed eene Stemm von mank de vea Tieren sajen: Eene Mot Weit fa eenen Denarius un dree Mot Joascht fa eenen Denarius, un doo de Eelj un dän Wien kjeenen Schoden.7Un aus et daut vieede Säajel opmuak, hieed ekj de Stemm von daut vieede Tia sajen: Komm un see!8Un ekj sach, un kjikj, een blausset Pieet, un dee, waut doabowen saut, sien Nomen wia Doot, un met am foljd de Hal. Un am wort de Macht jejäft äwa een vieedel von de Ieed, doot to moaken met daut Schwieet un met däm Hunga un met däm Doot un derch de wille Tieren von de Ieed. Hes 14:219Un aus et daut fefte Säajel opmuak, sach ekj unja däm Aultoa de Seelen von dee, woone jeschlacht wieren om Gott sien Wuat un om daut Zeichnis haulwen, waut see hauden.10Un dee roopten ut met lude Stemm un säden: Bat wanea, Oo Har, Heilja un Trua, woascht Du nich rechten un ons Bloot rajchnen aun dee, waut opp Ieeden wonen? Ps 79:10; Sach 1:1211Un eenem jiedren worden witte Kjleeda jejäft; un doa wort äant jesajcht, daut see noch eene kjliene Tiet ruen sullen, bat uk äare Metkjnajchts un äare Breeda sullen erfelt woaren, dee noch sullen dootjemoakt woaren, jrodsoo aus see.12Un ekj sach, aus et daut saste Säajel opmuak; un kjikj, doa wia een grootet Ieedbäben; un de Sonn wort schwoat, soo aus een Sak von Hoa, un de Mon wort soo aus Bloot; Jes 24:21-23; Joel 2:31; Mat 24:2913un de Stierns vom Himmel follen no de Ieed, soo aus een Fiejenboom siene onriepe Fiejen schmitt, wan dee jescheddat woat von eenem stoakjen Wint.14Un de Himmel veleet, soo aus eene Schreftroll oppjerolt, un jieda Boajch un Insel worden vesat von ut äare Städen. Jes 34:415Un de Kjennichs von de Ieed un de Groote un de Rikje un de bowaschte Offizieren un de Majchtje un jieda Sklow un jieda Fria vestuaken sikj selfst en de Heelen un mank de Steena von de Boaj; Jes 2:10,1916un dee säden to de Boaj un to de Steena: Fault opp ons un vestäakjt ons von daut Aunjesecht von däm , dee doa opp däm Troon sett, un von daut Laum sien Oaja; Luk 23:3017wiels de groota Dach von sien Oaja es jekomen, un wäa kaun bestonen? Amos 5:18; Mal 3:2; Ree 2:5
Lebenswasser