De Openboarunk von Johanes3
1Un aun dän Enjel von de Jemeent en Sardes schriew: Dit sajcht dee, waut doa de säwen Jeista von Gott haft un de säwen Stierns: Ekj kjan diene Woakjen, daut du dän Nomen hast, daut du läfst, un best doot. Opb 1:42Sie waka un stoakj daut äwaje, daut bat aum Stoawen es; wiels Ekj hab diene Woakjen nich vollkomen jefungen ver Gott. Luk 22:323Erinna die dan, woo du jekjräajen un jehieet hast, un hool daut faust, un doo Busse. Wan du nu nich woaken woascht, woa Ekj opp die komen soo aus een Deef, un du woascht nich weeten, en woone Stund Ekj opp die komen woa. 1Tess 5:34Du hast oba weinje Nomes en Sardes, dee äare Kjleeda nich besudelt haben; un dee woaren met Mie en witte Kjleeda gonen, wiels see sent wirdich. Jud 1:235Wäa äwawint, saul jekjleet woaren met witte Kjleeda, un Ekj woa sienen Nomen nich von daut Läwens-Buak utlaschen, oba Ekj woa sienen Nomen ver mienem Voda bekjanen un ver siene Enjel. Mat 10:32; Luk 10:20; Opb 7:136Wäa een Ua haft, lot am hieren, waut de Jeist to de Jemeenten sajcht!7Aun dän Enjel von de Jemeent en Filadelfia schriew: Dit sajcht de Heilja, de Woarhauftja, woona David sien Schlätel haft, dee doa opmoakt, un kjeena moakt too, un toomoakt, un kjeena moakt op: Jes 22:228Ekj kjan diene Woakjen. Kjikj, Ekj hab ver die eene opne Däa hanjestalt un kjeena kaun dee toomoaken; wiels du hast weinich Krauft un hast mien Wuat bewoat un hast mienen Nomen nich veloagen.9Kjikj, Ekj moak dee, von däm Soton siene Synagoge, woone sajen, see sent Juden un sent nich, oba lieejen; kjikj, Ekj woa äant moaken komen un ver diene Feet aunbäden un erkjanen, daut Ekj die jeleeft hab. Jes 49:23; 60:14; Opb 2:910Wiels du daut Wuat von miene Jedult bewoat hast, woa Ekj uk die bewoaren von de Vesieekjungs-Stund, woone äwa de gaunze Welt komen woat, om dee to proowen, waut opp Ieeden wonen. Mat 6:13; Opb 14:1211Kjikj, Ekj kom schwind; hool faust, waut du hast, daut kjeena diene Kroon nemt! Opb 2:1012Wäa äwawint, woa Ekj to eenem Stenda moaken en däm Tempel von mien Gott, un dee saul kjeenmol mea rutgonen; un Ekj woa opp am dän Nomen von mien Gott schriewen un dän Nomen von de Staut von mien Gott, daut niee Jerusalem, waut doa von mienem Gott ut däm Himmel raufkjemt, un mienen nieen Nomen. Opb 14:1; 22:4; 21:213Wäa een Ua haft, lot am hieren, waut de Jeist to de Jemeenten sajcht!14Un aun dän Enjel von de Jemeent en Laodizea schriew: Dit sajcht de Amen, dee true un woarhauftje Zeij, de Aunfank von Gott siene Schepfunk: 2Kor 1:10; Kol 1:15; 2:1; 4:13; Opb 1:515Ekj kjan diene Woakjen, daut du nich kolt uk nich heet best. Ach, daut du kolt ooda heet wieescht!16Soo dan, wäajen du leiwoam best un nich kolt uk nich heet, woa Ekj die ut mien Mul utspieen.17Wiels du sajchst: Ekj sie rikj un hab en Jieta toojenomen un hab kjeen Bederfnis un weetst nich, daut du älendich un jaumalich un oam un blint un noaktich best. 1Kor 3:18; 4:818Ekj rod die too, Golt, em Fia jereinicht, von Mie to kjeepen, daut du muchst rikj sennen; un witte Kjleeda, daut du muchst aunjetrocken sennen un de Schaund von diene Noaktichkjeit nich openboa woat; un saulw diene Uagen met Uagensaulw, daut du seenen muchst.19Sooväle aus Ekj leew, dee strof un belia Ekj. Sie nu iewrich, un doo Busse! Spr 3:12; 1Kor 11:32; Heb 12:620Kjikj, Ekj sto aun de Däa un putta aun; wan irjentwäa miene Stemm hieet un de Däa opmoakt, bie däm woa Ekj nengonen un Owentkost met am hoolen un hee met Mie. Joh 14:2321Wäa äwawint, woa Ekj daut jäwen, met Mie to setten opp mienem Troon, soo aus uk Ekj äwakjeem un Mie met mienem Voda opp sienen Troon dolsad. Mat 19:2822Wäa een Ua haft, lot am hieren, waut de Jeist to de Jemeenten sajcht!
Lebenswasser