De Openboarunk von Johanes15
1Un ekj sach een aundret Wundatieekjen em Himmel, groot un wundaboa: Säwen Enjel hauden de säwen latste Ploagen; wiels doarenn es Gott siene Wutt erfelt. Opb 16:12Un ekj sach, soo aus een glausnet Mäa met Fia jemischt; un de Jewenna äwa daut Tia un äwa daut Bilt un äwa sien Moltieekjen un äwa daut Numma von sien Nomen, stunden opp daut glausne Mäa, dee hauden Hoapen von Gott. Opb 4:63Un see sinjen daut Leet von Moses, Gott sien Kjnajcht, un daut Leet von daut Laum un säden: Groot un wundaboa sent diene Woakjen, Har, Gott, Aulmajchtja! Jerajcht un woarhauftich sent diene Wäaj, Du, de Heilje äa Kjennich! 2Mo 15:1,11; 5Mo 32:4; Ps 145:17; Jer 10:6-74Wäa saul nich Die ferchten, Har, un dienen Nomen veharlichen? Wiels Du auleen best heilich; wiels aule Velkja woaren komen un ver Die aunbäden; wiels Diene Uadeelen sent openboa. Ps 86:9; Jer 16:19-215Un no dise Dinja sach ekj, un kjikj, de Tempel, de Woninj von daut Zeichnis em Himmel, wort opjemoakt. Opb 11:196Un de säwen Enjel, woone de säwen Ploagen hauden, kjeemen ut däm Tempel, aunjetrocken en reinet un jlenzendet Lienzeich un om de Brosten jeschnalt met goldne Gorts.7Un eent von de vea Tieren jeef de säwen Enjel säwen goldne Kommen, voll von Gott siene Wutt, woona von Eewichkjeit to Eewichkjeit läft. Opb 4:6-8; 14:108Un de Tempel wort met däm Ruak jefelt von Gott siene Harlichkjeit un met siene Macht; un kjeena kunn en dän Tempel nengonen, bat de säwen Ploagen von de säwen Enjel verecht wieren. 2Mo 40:34; 1Kje 8:10-11; Jes 6:4; Hes 44:4
Lebenswasser