Evangelium Markus6
1Un Hee jinkj von doa wajch un kjeem en siene Vodastaut; un siene Jinja foljden Am.2Un aus de Sabat kjeem, funk Hee aun en de Synagoge to lieren; un väle, dee toohieeden, staunden un säden: Von wua kjemt disem soont häa? Un waut es daut fa eene Weisheit, dee Am jejäft es, un daut soone Wundawoakjen derch siene Henj passieren? Joh 7:153Es dit nich de Holt-Oabeida, de Maria äa Sän, un de Brooda aun Jakobus un Joses un Judas un Simon? Un sent nich siene Sestren hia bie ons? Un see oajaden sikj aun Am . Joh 6:424Jesus oba säd to äant: Een Profeet es nich onen Iea, buta en siene Vodastaut un mank sien Frintschoft un en sien Hus.5Un Hee kunn doa kjeen Wundawoakj doonen, buta daut Hee eenje Kranke de Henj oppläd un heeld äant.6Un Hee vewundad sikj äwa äaren Ongloowen; un Hee jinkj en de Darpa runtom un lieed.7Un Hee roopt de Twalw no sikj un funk aun, äant twee un twee rut to schekjen un jeef äant Vollmacht äwa onreine Jeista. Luk 10:18Un Hee befool äant, daut see nuscht met sikj nämen sullen oppen Wajch, aus mau eenen Stock; kjeene Tausch, kjeen Broot, kjeen Jelt en äarem Gort,9oba Sandalen aune Feet un nich twee Hamden aunjetrocken.10Un Hee säd to äant: Wuaemma jie en een Hus nenkomen, blieft doa, bat jie von doa wajchgonen.11Un wäaemma junt nich oppnemt, un junt nich hieren well, wan jie von doa wajchgonen, scheddat junt dän Stoff von unja june Feet auf, fa een Zeichnis to äant. Ekj saj junt woarhauftich: Daut woat Sodom un Gomorra aum Jerechts-Dach leichta gonen aus soone Staut.12Un see jinjen rut un prädijden, daut see Busse doonen sullen;13un see dreewen väle Diewels rut un saulwden väle Kranke met Eelj un heelden äant. Jak 5:14-1514Un de Kjennich Herodes hieed von Am (wiels sien Nomen wia bekaunt jeworden), un hee säd: Johanes de Deepa es vom Doot oppjestonen; un doawäajen wirkjen de Wundawoakjen en Am.15Aundre oba säden: Hee es Elia; un aundre säden: Hee es een Profeet ooda soo aus eena von de Profeeten.16Aus Herodes daut oba hieed, säd hee: Daut es Johanes, dän ekj aufjekopt hab; dee es vom Doot oppjestonen.17Wiels hee, Herodes, haud hanjeschekjt, Johanes faust to nämen un am em Jefenkjnis binjen loten wäajens Herodias äat-haulwen, de Fru von sien Brooda Filippus, wiels hee ar jefriet haud.18Wiels Johanes haud to Herodes jesajcht: Daut es die nich erlaupt, dien Brooda siene Fru to haben. 2Mo 20:14; 3Mo 18:1619Herodias oba hilt daut jäajen am un wull am dootmoaken, un see kunn nich,20wiels Herodes fercht Johanes, wiels hee wist, daut hee een jerajchta un heilja Maun wia, un hee bewoad am, un jehorcht am en väle Dinja un hieed am jieren.21Un aus een jeläajenda Dach kjeem, aus Herodes aun sienem Jeburts-Dach een Owentmol muak fa siene Groote un de bowaschte Offizieren un de Väaschte en Galiläa,22kjeem Herodias äare Dochta nenn un daunzt, un Herodes un dee, dee met am aum Desch sauten, jefoll daut. Dan säd de Kjennich to de Mejal: Froag mie no wautemma du west, un ekj well die daut jäwen.23Un hee schwua ar: No wautemma du mie froagen woascht, well ekj die jäwen, bat de Halft von mien Kjennichrikj. Est 5:3-624See oba jinkj rut un säd to äare Mutta: No waut saul ekj froagen? See oba säd: No däm Kopp von Johanes däm Deepa.25Un fuaz jinkj see schwind nenn ver dän Kjennich, foddad un säd: Ekj well, daut du mie fuaz opp eene Schiew dän Kopp von Johanes däm Deepa jefst.26Un de Kjennich wort sea betriept; oba wäajens dän Eit haulwen un wäajens deejanje, dee met am aum Desch sauten, wull hee ar nich aufwiesen.27Un fuaz schekjt de Kjennich eenen Hanrechta un befool, sienen Kopp to brinjen. Dee jinkj han un kopt am auf em Jefenkjnis28un brocht sienen Kopp opp eene Schiew un jeef dän no de Mejal, un de Mejal jeef dän äare Mutta.29Un aus siene Jinja daut hieeden, kjeemen see un hoowen sienen Kjarpa opp un läden dän en een Grauf.30Un de Apostel saumelden sikj bie Jesus un berechten Am aules, waut see jedonen un jelieet hauden. Luk 9:10; 10:1731Un Hee säd to äant: Komt jie selfst oppoat no eene eensome Städ un reift een bät. Wiels daut wieren väle, dee doa kjeemen un jinjen, un see hauden nich mol Tiet toom äten.32Un see fuaren em Schepp no eene eensome Städ oppoat;33un de Volkjshäaden sagen äant wajchfoaren; un väle kjanden Am un randen von aule Städa to Foot toop doahan un kjeemen äant veropp un vesaumelden sikj bie Am.34Un aus Jesus rutstieech, sach Hee eene groote Volkjshäad, un Am jaumad daut äwa äant, wiels see wieren soo aus Schop, dee kjeenen Hoad haben. Un Hee funk aun, äant välet to lieren. Mat 9:3635Un aus daut nu oba aul lot jeworden wia, kjeemen siene Jinja no Am un säden: De Städ es eensom, un de Tiet es aul lot jeworden; Mrk 8:1-936lot äant gonen, daut see hangonen runtom en daut Launt un Darpa un sikj Broot kjeepen, wiel see haben nuscht to äten.37Hee oba auntwuad un säd to äant: Jäft jie äant to äten. Un see säden to Am: Sell wie hangonen un fa twee-hundat Denarius Broot kjeepen un äant to äten jäwen?38Hee oba säd to äant: Wooväl Brood hab jie? Got han un seet no! Un aus see daut wisten, säden see: Fief, un twee Fesch.39Un Hee befool äant, daut see sikj aula sullen dolsaten, en Gruppen, opp daut jreene Graus.40Un see saden sikj en Gruppen dol, bie de hundat un bie de feftich.41Un Hee neem de fief Brood un de twee Fesch, kjikjt nopp nom Himmel, säajend un bruak de Brood un jeef dee siene Jinja, daut see äant dee väaläden; uk de twee Fesch vedeeld Hee mank äant aula. Mrk 7:3442Un see eeten aula un worden saut.43Un see hoowen opp twalw Kjarw voll von Brocken un von de Fesch.44Un dee doa von de Brood jejäten hauden, wieren soo bie fief-dusent Mana.45Un fuaz bedwunk Hee siene Jinja, en daut Schepp to stieen un veropp no de aundre Sied, no Betsaida, to foaren, wäarent Hee daut Volkj entloten wudd.46Un aus Hee äant entloten haud, jinkj Hee opp dän Boajch, toom bäden.47Un aus daut Owent jeworden wia, wia daut Schepp medden oppem Mäa, un Hee wia auleen oppem Launt.48Un Hee sach äant Noot lieden biem Roodlen, wiels de Wint wia äant jäajenaun. Un om de vieede Nachtwoak kjemt Hee no äant un jeit oppem Mäa, un Hee wull bie äant vebiegonen.49Oba aus see Am sagen oppem Mäa gonen, dochten see, Hee wia een Jespanst, un schrieejen opp;50wiels see sagen Am aula un wieren ve-enjst. Oba Hee räd fuaz met äant un säd: Habt Moot, dit sie Ekj, fercht junt nich!51Un Hee stieech bie äant en daut Schepp nenn, un de Wint läd sikj. Un see staunden sea bie sikj selfst äwa aule Moten un vewundaden sikj. Mrk 4:3952Wiels see wieren nich vestendich jeworden derch de Brood; wiels äare Hoaten wieren vehoat. Mrk 8:1753Un aus see äwajefoaren wieren, kjeemen see en daut Launt Genezaret un launden doa.54Un aus see utem Schepp stieejen, erkjanden see Am fuaz55un randen en de gaunze Omjäajent rom un fungen aun, de Kranke opp Baden doahan to droagen, wua see hieeden, daut Hee wia.56Un wuaemma Hee en de Darpa un Städa ooda opp daut Launt kjeem, läden see de Kranke opp de Moakjt-Plaza un prachaden Am, daut see mau bloos dän Soom aun siene Kjleeda aunschieren kunnen; un sooväl aus Am aunschieeden, worden jeheelt. Mrk 5:27-28; Apj 5:15; 19:11-12
Lebenswasser