Evangelium Markus11
1Un aus see noda no Jerusalem kjeemen, jäajen Betfage un Betanien aun dän Oliewen-Boajch, schekjt Hee twee von siene Jinja2un säd to äant: Got en daut Darp, daut ver junt licht; un fuaz, wan jie doa nenkomen, woa jie een Falm aunjebungen finjen, wua noch kjeen Mensch bowen jesäten haft; leest daut loos un brinjt daut häa!3Un wan irjentwäa to junt sajcht: Wuarom doo jie daut? Dan sajcht: De Har brukt daut; dan woat hee daut fuaz häaschekjen.4Un see jinjen han un fungen daut Falm aunjebungen, ver de Däa, buten wua de Wajch sikj deelt, un leesden daut loos.5Un atelje von dee, dee doa stunden, säden to äant: Waut doo jie, daut jie daut Falm loosleesen?6See oba säden äant, waut Jesus äant befolen haud, un dee leeten äant daut.7Un see brochten daut Falm no Jesus un läden äare Kjleeda doanopp, un Hee sad sikj doabowen dol.8Un väle spreeden äare Kjleeda opp dän Wajch, aundre hakten Asta von de Beem un spreeden dee opp dän Wajch.9Un dee doa veropp jinjen un dee doa nofoljden, schrieejen un säden: Hosiana! Jesäajent es dee, dee em Nomen vom Harn kjemt! Ps 118:25-2610Jesäajent es daut Rikj von onsem Voda David, waut kjemt em Nomen vom Harn! Hosiana em Hechsten!11Un Jesus jinkj en Jerusalem nenn un en dän Tempel, un aus Hee sikj runtom aules bekjikjt haud, jinkj Hee, aus de Stund aul lot wia, met de Twalw rut no Betanien.12Un aum näakjsten Dach, aus see von Betanien jegonen wieren, hungad Am.13Un Hee sach von wietauf eenen Fiejenboom, dee Bläda haud; doa jinkj Hee han, to seenen, auf Hee waut aun däm funk. Un aus Hee no däm kjeem, funk Hee sest nuscht aus Bläda; wiels daut wia nich de Fiejen äare Tiet.14Un Jesus auntwuad un säd to däm: Niemols mea saul wäa von die Frucht äten! Un siene Jinja hieeden daut.15Un see kjeemen no Jerusalem. Un Jesus jinkj en dän Tempel un funk aun, dee rut to driewen, dee em Tempel vekoften un koften; un schmeet de Jeltwakjsla äare Deschen om un de Duwenhendla äare Benkjen16un leet daut nich, daut irjentwäa een Jefäss derch dän Tempel druach.17Un Hee lieed un säd to äant: Steit nich jeschräwen: “Mien Hus saul een Bädhus fa aule Velkja jenant woaren”? Oba jie haben eene Reibaheel doarut jemoakt. Jes 56:7; Jer 7:1118Un de Schreftjelieede un Huagepriesta hieeden daut, un dee sochten, woo see Am ombrinjen kunnen; see ferchten sikj oba fa Am, wiels aul daut Volkj staund äwa siene Lia.19Un aus daut Owent wort, jinkj Hee ut de Staut rut.20Un aus see zemorjes vebie kjeemen, sagen see dän Fiejenboom, von en de Wartlen vedrieecht.21Un Petrus docht doa aun un säd to Am: Rabbi, kjikj, de Fiejenboom, dän Du veflucht hast, es vedrieecht.22Un Jesus auntwuad un säd to äant: Habt Gloowen aun Gott!23Ekj saj junt woarhauftich: Wäaemma to disem Boajch sajen wudd: Häw die opp un schmiet die en daut Mäa, un twiewelt nich en sien Hoat, oba jleeft, daut, waut hee sajcht, passieren woat, dan woat am daut woaren, wautemma hee sajcht. Mat 17:20; Mrk 9:2324Doawäajen saj Ekj junt: Aules, wua jie em Jebäd no froagen, jleeft, daut jie daut kjrieen, un daut woat junt woaren. Mat 7:7; Joh 14:13; 1Joh 5:14-1525Un wan jie stonen un bäden, vejäft, wan jie waut jäajen irjentwäm haben, daut uk jun Voda em Himmel junt june Fäla vejeft. Mat 5:23-24; 6:14-1526Oba wan jie nich vejäwen, woat jun Voda em Himmel, junt june Fäla uk nich vejäwen.27Un see komen wada no Jerusalem. Un aus Hee em Tempel romjeit, komen de Huagepriesta, un de Schreftjelieede un Eltestasch no Am28un sajen to Am: Derch waut fa Vollmacht deist Du dit? Un wäa haft Die dise Vollmacht jejäft, daut Du soont deist?29Jesus oba auntwuad un säd to äant: Ekj well junt uk een Wuat froagen; auntwuat Mie, dan well Ekj junt sajen, ut waut fa Vollmacht Ekj soont doo.30De Doop von Johanes, wia dee vom Himmel ooda von Menschen? Auntwuat Mie!31Un see äwaläden bie sikj selfst un säden: Wan wie sajen: Vom Himmel, dan woat Hee sajen: Wuarom jleewd jie am dan nich?32Oba wan wie sajen: Von Menschen; -see ferchten daut Volkj, wiels aula hilden Johanes fa eenen werkjlichen Profeet.33Un see auntwuaden un säden to Jesus: Wie weeten nich. Jesus auntwuad un säd to äant: Dan saj Ekj junt uk nich, ut waut fa Vollmacht Ekj soont doo.
Lebenswasser