Evangelium Lukas6
1Un daut passieed, aum tweeden Sabat nom ieeschten, daut Hee derch de Jeträajd-Flekja jinkj, un siene Jinja plocken Oaren auf, rubbelden dee ut met de Henj un eeten. 3Mo 23:11,15; Luk 13:10-17; 14:1-62Dan säden atelje von de Farisäa to äant: Wuarom doo jie, waut aum Sabat nich erlaupt es to doonen?3Un Jesus auntwuad un säd to äant: Hab jie daut nich jeläst, waut David deed, aus am hungad uk dee, dee met am wieren? 1Sa 21:74Woo hee en Gott sien Hus nenjinkj un de Schaubrood neem un eet, un jeef uk dee, dee met am wieren; dee doch kjeena äten durf, aus mau de Priesta? 3Mo 24:95Un Hee säd to äant: De Menschensän es uk Har äwa däm Sabat.6Un daut passieed aun eenem aundren Sabat, daut Hee en de Synagoge jinkj un lieed; un doa wia een Mensch, däm siene rajchte Haunt vedrieecht wia.7Oba de Schreftjelieede un de Farisäa luaden doaropp, auf Hee aum Sabat heelen wudd, daut see eene Beschuldjunk jäajen Am fungen.8Hee oba moakjt äare Jedanken un säd to däm Mensch, dee de vedrieejde Haunt haud: Sto opp un stal die enne Medd. Un hee stunt opp un stald sikj doahan.9Dan säd Jesus to äant: Ekj froag junt: Es daut erlaupt, aun de Sabaten Goodet to doonen ooda Beeset to doonen, daut Läwen to raden ooda to vedoawen?10Un wäarent Hee äant aula runtom aunkjikjt, säd Hee to däm Mensch: Strakj diene Haunt ut! Un hee deed daut, un siene Haunt wort wada jesunt, soo aus de aundre.11Oba see worden met Wutt jefelt un beräden sikj unjarenaunda, waut see Jesus aundoonen wullen.12Un daut passieed oba en dee Doag, daut Hee rutjinkj opp eenen Boajch, toom bäden, un bleef derch de Nacht em Jebäd to Gott. Mrk 1:3513Un aus daut Dach wort, roopt Hee siene Jinja no sikj un wäld ut äant twalw, woone Hee uk Apostel nand: Mat 10:2-4; Apj 1:1314Simon, dän Hee uk Petrus nand, un sien Brooda Andreas; Jakobus un Johanes; Filippus un Bartolomäus;15Matäus un Tomas; Jakobus, Alfäus sien Sän, un Simon, jenant Zelotes;16Judas, Jakobus sien Sän, un Judas Iskariot, dee uk sien Veroda wort.17Un Hee jinkj met äant rauf un stunt opp eenem jlikjen Plauz un eene Häad von siene Jinja un eene groote Volkjshäad ut gaunz Judäa un von Jerusalem un von aun de Kaunt Mäa, von Tierus un Sidon, dee jekomen wieren, Am to hieren un von äare Krankheiten jeheelt to woaren;18un dee, dee von onreine Jeista jeploacht worden, worden jeheelt.19Un aul daut Volkj socht Am aun to schieren, wiels Krauft jinkj von Am rut, un Hee heeld äant aula.20Un Hee hoof siene Uagen opp äwa siene Jinja un säd: Seelich sent jie Oame; wiels Gott sien Rikj es junt. Jak 2:521Seelich sent jie, dee jie nu hungren; wiels jie sellen saut woaren. Seelich sent jie, dee nu hielen; wiels jie woaren lachen. Opb 7:16-1722Seelich sent jie, wan de Menschen junt haussen, un wan see junt utschluten un schellen, un junen Nomen aus eenen Beesen veschmieten, om däm Menschensän sient-haulwen; Joh 15:18-1923Freit junt aun däm Dach un sprinjt! Wiels kjikjt, jun Loon es groot em Himmel. Wiels jrod soo haben äare Vodasch to de Profeeten jedonen.24Oba wee junt, jie Rikje; jie haben junen Troost aul wajch. Mat 19:23; Jak 5:125Wee junt, dee jie voll sent, wiels jie woaren hungren. Wee junt, dee jie nu lachen, wiels jie woaren truaren un hielen.26Wee junt, wan aule Menschen goot von junt räden; wiels jrod soo deeden äare Vodasch to de faulsche Profeeten.27Oba Ekj saj junt, dee Mie hieren: Leeft june Fiend; doot dee Goodet, dee junt haussen;28säajent dee, dee junt vefluchen; un bät fa dee, dee junt beleidjen. 1Kor 4:1229Däm, dee die opp de Bak schleit, beed de aundre uk doa, un wäa dien Mauntel nemt, däm wäa uk nich daut Hamd.30Jeff eenem jiedren, dee die frajcht; un von däm, dee daut Dienje nemt, fodda daut nich trigj.31Un krakjt soo, waut jie wellen, daut junt de Menschen doonen sellen, jrod soo doot jie äant uk. Mat 7:1232Un wan jie dee leewen, dee junt leewen, waut fa een Dank es daut fa junt? Wiels uk de Sinda leewen dee, waut äant leewen.33Un wan jie dee Goodet doonen, waut junt Goodet doonen, waut fa een Dank es daut fa junt? Wiels uk de Sinda doonen dautselwje.34Un wan jie dee lieen, von woone jie hopen to kjrieen, waut fa een Dank es daut fa junt? Wiels uk de Sinda lieen Sinda, om dautselwje wada to kjrieen. 5Mo 15:7-835Oba leeft june Fiend, doot Goodet un liet, onen daut jie waut doafäa hopen; dan woat jun Loon groot sennen, un jie woaren Kjinja vom Hechsten sennen; wiels Hee es goot to de Ondankboare un Beese.36Doawäajens siet boarmherzich, jrod soo aus jun Voda boarmherzich es.37Un recht nich, dan woa jie uk nich jerecht; vedaumt nich, dan woa jie uk nich vedaumt; vejäft, un junt woat vejäft. Mat 6:1438Jäft, un junt woat jejäft woaren; eene goode, dol-jedrekjte, toop-jescheddade un äwa-volle Mot woat junt en de Schoot jejäft woaren; wiels met deeselwje Mot, met dee jie mäten, woat junt wada jemäten woaren. Mrk 4:2439Un Hee säd een Jlikjnis to äant: Kaun een Blinja eenen Blinjen leiden? Woaren see nich beid en daut Loch nenfaulen? Mat 15:1440Een Jinja es nich äwa sienen Liera; wäa oba vollkomen jeworden es, woat soo sennen aus sien Liera. Mat 10:24-25; Joh 15:2041Waut sitst du dän Spletta, dee en dien Brooda sien Uag es, oba dän Baulkjen en dien ieejnet Uag moakjst du nich?42Ooda woo kaust du to dienem Brooda sajen: Brooda, lot mie dän Spletta ut dien Uag trakjen, wäarent du selfst nich dän Baulkjen en dien Uag sitst? Du Heichla, trakj ieescht dän Baulkjen ut dien Uag, un dan woascht du kloa seenen, om dän Spletta rut to trakjen, dee en dien Brooda sien Uag es.43Wiels doa es kjeen gooda Boom, dee schlajchte Frucht drajcht, uk kjeen schlajchta Boom, dee goode Frucht drajcht.44Wiels jieda Boom woat aun siene ieejne Frucht erkjant. Wiels von de Dornen saumelt eena nich Fiejen, uk saumelt eena nich Wiendruwen von een Spekja-Bosch.45De gooda Mensch brinjt ut däm gooden Schauz von sien Hoat Goodet verendach, un de beesa Mensch brinjt ut däm beesen Schauz von sien Hoat Beeset verendach. Wiels wuavon daut Hoat voll es, doavon rät daut Mul.46Wuarom nan jie Mie Har, Har, un doonen nich, waut Ekj saj? Mal 1:6; Mat 7:2147Een jiedra, dee no Mie kjemt un hieet miene Räd un deit dee, Ekj well junt wiesen, met wäm hee to vejlikjen es.48Hee es een Mensch jlikj, dee een Hus bud un growd deep un läd dän Grunt opp dän Steengrunt. Aus nu eene Äwaschwamunk kjeem, stad de Stroom aun daut Hus un kunn daut nich bewäajen, wiels daut stunt opp däm Steengrunt.49Wäa oba hieet un nich deit, dee es met een Mensch to vejlikjen, dee een Hus oppe Ieed bud onen Grunt; un de Stroom stad doajäajen un daut bruak fuaz toop, un de Venichtunk von daut Hus wia groot.
Lebenswasser