Evangelium Lukas4
1Jesus oba, voll vom Heiljen Jeist, kjeem vom Jordan trigj un wort vom Jeist en de Wiltnis jefieet2un wort vieetich Doag vom Diewel vesocht. Un Hee eet nuscht en dise Doag; un aus dee to Enj wieren, hungad Am.3Un de Diewel säd to Am: Wan Du Gott sien Sän best, dan saj to disem Steen, daut dee to Broot woat.4Un Jesus auntwuad am un säd: “Daut steit jeschräwen: De Mensch läft nich auleen von Broot, oba von jieda Wuat von Gott.” 5Mo 8:35Un de Diewel leid Am opp eenen huagen Boajch nopp un wees Am aul de Kjennichrikjs opp de Welt en eenem Uagenblekj,6un de Diewel säd to Am: Ekj well Die aul dise Macht un äare Harlichkjeit jäwen; wiels dee es mie äwajäft, un ekj jäw dee, no wämemma ekj well.7Wan Du mie nu aunbäden west, saul dit aules dient sennen.8Un Jesus auntwuad un säd to am: Go hinja Mie, Soton! Wiels daut steit jeschräwen: “Du saust dän Harn, dienen Gott, aunbäden un Am auleen deenen.” 5Mo 6:139Un hee fieed Am no Jerusalem un stald Am opp de Tempel-Spetz un säd to Am: Wan Du Gott sien Sän best, dan schmiet Die von hia rauf;10wiels daut steit jeschräwen: “Hee woat siene Enjel äwa Die befälen, daut see Die bewoaren, Ps 91:11-1211un see woaren Die opp de Henj droagen, daut Du dienen Foot nich aun eenen Steen steeten woascht.”12Un Jesus auntwuad un säd to am: Daut es jesajcht: “Du saust dän Harn, dienen Gott, nich vesieekjen.” 5Mo 6:1613Un aus de Diewel aule Vesieekjungen verecht haud, veleet hee Am eene Tietlank. Heb 4:1514Un Jesus kjeem en de Krauft vom Jeist trigj no Galiläa; un een Jeräd äwa Am jinkj rut derch de gaunze Omjäajent.15Un Hee lieed en äare Synagogen un wort von aulemaun jeloft.16Un Hee kjeem no Nazaret, wua Hee oppjewossen wia, un jinkj no siene Jewanheit aum Sabatdach en de Synagoge nenn un stunt opp, om to läsen.17Un doa wort Am daut Buak vom Profeet Jesaja jejäft; un aus Hee daut Buak opmuak , funk Hee de Städ, wua jeschräwen steit: Jes 61:1-218“De Jeist vom Harn es opp Mie, wiels Hee Mie jesaulft haft, de Oame de goode Bootschoft to vekjindjen; Hee haft Mie jeschekjt, dee, met een vebroaknet Hoat, to heelen, de Jefangne daut Friewoaren to vekjindjen, un de Blinje, daut see wada seenent woaren, de Veschloagne en Frieheit to saten, Jes 42:719un daut aunjenäme Joa vom Harn to vekjindjen.” 3Mo 25:1020Un aus Hee daut Buak toopjerolt haud, jeef Hee däm Deena daut trigj un sad sikj dol. Un de Uagen von aulem en de Synagoge wieren opp Am jerecht.21Un Hee funk aun to äant to sajen: Vondoag es dise Schreft erfelt ver june Uaren.22Un see jeewen aula Zeichnis von Am un wieren vewundat äwa siene jnädje Wieed, dee ut sien Mul jinjen, un säden: Es disa nich Josef sien Sän? Luk 3:2323Un Hee säd to äant: Jie woaren Mie bestemt noch dit Sprechwuat sajen: Dokta, heel Die selfst! Wiels wautemma wie jehieet haben, daut en Kapernaum passieet es, daut doo uk hia en diene Vodastaut.24Hee säd oba: Ekj saj junt woarhauftich: Kjeen Profeet es aunjenäm en siene Vodastaut. Joh 4:4425Oba Ekj saj junt en Woarheit: Doa wieren väl Wätfrues en de Doag von Elia en Israel, aus de Himmel dree Joa un sas Moonat veschloten wia, aus eene groote Hungaschnoot oppkjeem äwa daut gaunze Launt, 1Kje 17:1,9-2426un Elia wort no sest kjeene von äant jeschekjt, aus mau no eene Fru, de Wätfru en Sarepta en Sidon.27Un väle Leprakranke wieren en Israel en de Tiet von Elisa, däm Profeet; oba kjeena von äant wort jereinicht, buta Naaman, de Siera. 2Kje 5:1-1428Un see worden aula met Wutt jefelt, dee en de Synagoge wieren, aus see daut hieeden.29Un see stunden opp un staden Am ut de Staut rut un leiden Am bat opp de Kaunt von däm Boajch, opp däm äare Staut jebut wia, om Am doa rauf to schmieten.30Oba Hee jinkj medden derch äant un veleet doa.31Un Hee kjeem rauf no Kapernaum, eene Staut en Galiläa, un lieed äant aun de Sabaten. Mat 4:13; Joh 2:1232Un see staunden äwa siene Lia; wiels siene Räd wia met Vollmacht. Mat 7:28-29; Joh 7:4633Un en de Synagoge wia een Mensch, dee eenen Jeist von een orreina Dämon haud, un hee schrieech met lude Stemm34un säd: Lot toch! Waut hab wie met Die to doonen, Jesus von Nazaret? Best Du jekomen, ons to vedoawen? Ekj weet, wäa Du best: Gott sien Heilja. Ps 16:1035Un Jesus bedreiwd am un säd: Sie stomm un foa ut am rut! Dan schmeet de Dämon am medden mank äant un fua ut am rut un deed am kjeenen Schoden.36Un Forcht kjeem äwa äant aula, un see räden unjarenaunda un säden: Waut es daut fa een Wuat? Wiels met Vollmacht un Krauft jebitt Hee de onreine Jeista, un dee foaren rut.37Un daut Jeräd von Am jinkj no aul de Städen en de Omjäajent.38Un Hee muak sikj opp ut de Synagoge un kjeem en daut Hus von Simon. Simon siene Schwieemutta wia met een stoakjet Feeba befollen, un see bedden Am fa ar.39Un Hee kjeem no ar un bedreiwd daut Feeba, un daut veleet ar; see oba stunt fuaz opp un bedeend äant.40Aus de Sonn unjajinkj, brochten aul dee, dee doa Kranke hauden met veschiedne Krankheiten, dee no Am; un Hee läd eenen jiedren von äant de Henj opp un heeld äant.41Doa fuaren uk Dämonen rut von väle, wäarent see schrieejen un säden: Du best de Christus, Gott sien Sän! Un Hee bedreiwd äant un leet äant nich räden, wiels dee wisten, daut Hee de Christus wia. Mat 8:29; Mrk 3:11-1242Aus daut oba Dach jeworden wia, jinkj Hee rut no eene eensome Städ; un de Volkjshäaden sochten no Am, un see kjeemen bat Am un wullen Am opphoolen, daut Hee nich von äant wajchgonen sull.43Oba Hee säd to äant: Ekj mott uk de aundre Städa de goode Bootschoft von Gott sien Rikj vekjindjen, wiels doatoo sie Ekj jeschekjt.44Un Hee prädijd en de Synagogen von Galiläa. Mat 4:23-25
Lebenswasser