Evangelium Johanes7
1No dit waundad Jesus en Galiläa; wäajens Hee wull nich en Judäa waundren, wiels de Juden sochten, Am doot to moaken. Joh 4:432Daut wia oba dichtbie de Juden äa Loofbooden-Fast . 3Mo 23:34-363Dan säden siene Breeda to Am: Moak Die opp von hia un go no Judäa, soo daut uk diene Jinja de Woakjen seenen, dee Du deist. Mat 12:46; Joh 2:12; Apj 1:144Wiels kjeena deit waut em Jeheemen un sieekjt selfst effentlich bekaunt to sennen. Wan Du dise Dinja deist, dan openboa Die to de Welt.5Wiels uk siene Breeda jleewden nich aun Am.6Dan säd Jesus to äant: Miene Tiet es noch nich jekomen, oba june Tiet es emma reed. Joh 2:47De Welt kaun junt nich haussen; Mie oba haust see, wiels Ekj zeij von ar, daut äare Woakjen bees sent. Joh 15:188Got jie nopp no dit Fast; Ekj go noch nich nopp no dit Fast, wiels miene Tiet es noch nich erfelt.9Aus Hee dit to äant jesajcht haud, bleef Hee en Galiläa.10Oba aus siene Breeda noppjegonen wieren, jinkj uk Hee nopp toom Fast, nich openboa, oba soo aus em Jeheemen. Joh 2:1311Dan sochten de Juden Am opp daut Fast un säden: Wua es Hee?12Un doa wia väl Jemurr em Volkj äwa Am. Atelje säden: Hee es goot; aundre oba säden: Nä, oba Hee veleit daut Volkj.13Oba kjeena räd frie von Am ut Forcht fa de Juden. Joh 9:22; 12:42; 19:3814Aus daut oba aul medden em Fast wia, jinkj Jesus nopp en dän Tempel un lieed.15Un de Juden vewundaden sikj un säden: Woo kjant disa de Schreften, Hee haft doch nich jelieet? Mat 13:5616Jesus auntwuad äant un säd: Miene Lia es nich miene, oba däm siene, dee Mie jeschekjt haft.17Wan wäa sienen Wellen doonen well, dee woat enwoaren, auf dise Lia von Gott es, ooda auf Ekj ut Mie selfst räd.18Wäa von sikj selfst rät, dee sieekjt siene ieejne Iea; wäa oba däm siene Iea sieekjt, dee Am jeschekjt haft, dee es woarhauftich, un kjeene Ojjerajchtichkjeit es en Am. Joh 5:41,4419Haft nich Moses junt daut Jesaz jejäft? Un kjeena von junt deit daut Jesaz. Wuarom sieekj jie Mie doot to moaken? Joh 5:16,18; Ree 2:17-2420Daut Volkj auntwuad un säd: Du hast eenen Diewel! wäa sieekjt Die doot to moaken? Joh 10:2021Jesus auntwuad un säd to äant: Een Woakj hab Ekj jedonen, un jie aula vewundren junt. Joh 5:1622Doawäajen jeef Moses junt de Beschniedunk (nich daut dee von Moses es, oba von de Vodasch), un aum Sabat beschnied jie eenen Mensch. 1Mo 17:10-12; 3Mo 12:323Wan nu een Mensch aum Sabat de Beschniedunk kjricht, om daut Moses sien Jesaz nich jebroaken woat, oaja jie junt dan äwa Mie, wäajens Ekj dän gaunzen Mensch aum Sabat jesunt jemoakt hab?24Recht nich nom Uagenschien, oba recht met een rajchtet Jerecht.25Dan säden atelje von Jerusalem: Es daut nich dee, dän see sieekjen doot to moaken?26Un kjikj, Hee rät effentlich, un see sajen Am nuscht. Haben dan de Väaschte werkjlich aunerkjant, daut disa werkjlich de Christus es?27Disen oba weet wie, wua Hee häa es; wan oba de Christus kjemt, woat kjeena weeten, wua Hee häa es. Heb 7:328Dan roopt Jesus, wäarent Hee em Tempel lieed un säd: Jo, jie kjanen Mie un weeten, wua Ekj häa sie; un Ekj sie nich von Mie selfst jekomen, oba dee es woarhauftich, dee Mie jeschekjt haft, dän jie nich kjanen.29Oba Ekj kjan Am, wiels Ekj sie von Am, un Hee haft Mie jeschekjt. Mat 11:2730Dan sochten see Am to jriepen; oba kjeena läd de Haunt aun Am, wiels siene Stund wia noch nich jekomen. Luk 22:53; Joh 8:2031Oba väle vom Volkj jleewden aun Am un säden: Wan de Christus kjemt, woat Hee mea Wundatieekjens doonen, aus disa jedonen haft?32De Farisäa hieeden, daut daut Volkj soont von Am murmeld; doawäajen schekjten de Farisäa un de Huagepriesta Deena, om Am to jriepen.33Dan säd Jesus to äant: Noch eene kjliene Tiet sie Ekj bie junt, un dan go Ekj han no däm, dee Mie jeschekjt haft. Joh 13:3334Jie woaren Mie sieekjen un nich finjen, un wua Ekj sie, kjenn jie nich hankomen. Joh 8:2135Dan räden de Juden unjarenaunda: Wua well disa hangonen, daut wie Am nich finjen sellen? Well Hee no de Vestreide mank de Griechen gonen un de Griechen lieren?36Waut es daut fa een Wuat, daut Hee sajcht: Jie woaren Mie sieekjen un nich finjen; un wua Ekj sie, doa kjenn jie nich hankomen?37Aum latsten, dän grooten Dach vom Fast, stunt Jesus un roopt un säd: Wan irjentwäm darscht, dee komm no Mie un drinkj.38Wäa aun Mie jleeft, soo aus de Schreft sajcht, ut däm sien Ennalichet woaren läwendje Wotastreem schälen. Jes 12:3; 58:11; Ps 78:15-1639Dit säd Hee oba von däm Jeist, dän dee kjrieen sullen, dee aun Am jleewen; wiels de Heilja Jeist wia noch nich doa, wiels Jesus wia noch nich veharlicht. Joh 16:740Väle nu utem Volkj, dee dise Räd hieeden, säden: Dit es woarhauftich de Profeet.41Aundre säden: Dit es de Christus. Oba aundre säden: Saul de Christus ut Galiläa komen? Joh 1:4642Sajcht de Schreft nich, daut de Christus ut David sien Somen komen woat un ut daut Darp von Betlehem, wua David wia? Mich 5:1; Mat 2:5-6; 22:4243Aulsoo jeef daut eene Spoolunk mank daut Volkj wäajens sient-haulwen. Joh 9:1644Atelje oba von äant wullen Am jriepen, oba kjeena läd de Haunt aun Am.45Dan kjeemen de Deena no de Huagepriesta un Farisäa; un dise säden to äant: Wuarom hab jie Am nich jebrocht?46De Deena auntwuaden: Niemols haft een Mensch jerät, soo aus dis Mensch. Mat 7:28-2947Dan auntwuaden äant de Farisäa: Sent jie uk vefieet?48Jleeft uk irjent eena von de Väaschte ooda von de Farisäa aun Am?49Oba dit Volkj, daut daut Jesaz nich kjant, es veflucht!50Dan sajcht Nikodemus to äant: (dee bie de Nacht no Am jekomen wia, dee eena von äant wia) Joh 3:1-251Recht ons Jesaz uk eenen Mensch, ea eena von am selfst jehieet haft un erkjant, waut hee deit? 5Mo 1:1652See auntwuaden un säden to am: Best du uk von Galiläa? Forsch un see; wiels ut Galiläa steit kjeen Profeet opp.53Un een jiedra jinkj no sien Hus.
Lebenswasser