Evangelium Johanes20
1Aum ieeschten Dach von de Wäakj, aus daut noch diesta wia, kjemt Maria Magdalena nom Grauf un sitt dän Steen vom Grauf wajchjenomen.2Dan rant see un kjemt no Simon Petrus un no däm aundren Jinja, dän Jesus leewd, un sajcht to äant: See haben dän Harn ut daut Grauf wajchjenomen, un wie weeten nich, wua see Am hanjelajcht haben. Joh 13:233Dan jinkj Petrus rut un de aundra Jinja, un see kjeemen nom Grauf.4Dee beid oba randen toop, un de aundra Jinja rand veropp, bosja aus Petrus, un kjeem daut ieeschte nom Grauf.5Un hee bekjt sikj nenn un sitt daut Lienzeich doa ligjen, hee jinkj oba nich nenn.6Dan kjemt Simon Petrus am hinjaraun un jinkj en daut Grauf nenn un sitt daut Lienzeich doa ligjen7un daut Schweetduak, daut om sienen Kopp wia, nich biem Lienzeich ligjen, oba biesied toopjewekjelt opp eene Städ oppoat. Joh 11:448Dan jinkj uk de aundra Jinja nenn, dee daut ieeschte nom Grauf kjeem un sach un jleewd.9Wiels see vestunden de Schreft noch nich, daut Hee vom Doot oppstonen must. Luk 24:25-27; Apj 2:24-32; 1Kor 15:410Dan jinjen de Jinja wada no Hus.11Oba Maria stunt buten biem Grauf un hield. Aus see nu hield, bekjt see sikj en daut Grauf nenn12un sitt twee Enjel en witte Kjleeda setten, eenen biem Koppenenj un eenen biem Feetenenj, wua Jesus sien Kjarpa jeläajen haud.13Un dee sajen to ar: Fru, wuarom hielst du? See sajcht to äant: Wiels see haben mienen Harn wajchjenomen, un ekj weet nich, wua see Am hanjelajcht haben.14Aus see dit jesajcht haud, dreit see sikj trigj un sitt Jesus doa stonen un wist nich, daut et Jesus wia.15Jesus sajcht to ar: Fru, wuarom hielst du? Wäm sieekjst du? See meend, daut wia de Goadna, un sajcht to Am: Har, hast Du Am wajchjedroacht, dan saj mie, wua Du Am hanjelajcht hast, un ekj woa Am holen.16Jesus sajcht to ar: Maria! Dan dreid see sikj om un säd to Am: Rabbuni! Daut meent: Liera.17Jesus sajcht to ar: Fot Mie nich aun, wiels Ekj sie noch nich noppjefoaren no mienem Voda. Oba go no miene Breeda un saj to äant: Ekj foa nopp no mienem Voda un junem Voda un no mienem Gott un junem Gott. Heb 2:11-1218Maria Magdalena kjeem un säd de Jinja, daut see dän Harn jeseenen, un daut Hee dit to ar jesajcht haud.19Aun dämselwjen ieeschten Dach enne Wäakj, aus daut Owent wia un de Däaren, wua de Jinja vesaumelt wieren, veschloten wieren ut Forcht fa de Juden, kjeem Jesus un stunt enne Medd un sajcht to äant: Fräd met junt!20Un aus Hee dit jesajcht haud, wees Hee äant siene Henj un siene Sied. Dan worden de Jinja froo, aus see dän Harn sagen.21Dan säd Jesus wada to äant: Fräd met junt! Jrod soo, aus de Voda Mie jeschekjt haft, soo schekj Ekj junt. Joh 17:1822Un aus Hee daut jesajcht haud, pust Hee äant aun un sajcht: Nämt dän Heiljen Jeist aun!23Wämemma jie de Sinden vejäwen, däm sent dee vejäft; un wämemma jie dee behoolen, sent dee behoolen. Mat 18:1824Tomas oba, eena von de Twalw, jenant Didymus, wia nich bie äant, aus Jesus kjeem.25Dan säden de aundre Jinja to am: Wie haben dän Harn jeseenen. Oba hee säd to äant: Wan ekj nich en siene Henj de Näajelmolen see un laj mienen Finja en de Näajelmolen un laj miene Haunt en siene Sied, dan woa ekj nich jleewen. Joh 19:3426Un no acht Doag wieren siene Jinja wada bennen un Tomas bie äant. Dan kjeem Jesus, aus de Däaren veschloten wieren, un stunt enne Medd un säd: Fräd met junt!27Dan sajcht Hee to Tomas: Rieekj dienen Finja häa un see miene Henj, un rieekj diene Haunt häa un laj dee en miene Sied, un sie nich onjleewent, oba jleewent!28Tomas auntwuad un säd to Am: Mien Har un mien Gott! Joh 1:129Jesus sajcht to am: Wiels du Mie jeseenen hast, Tomas, hast du jejleeft; jlekjseelich sent dee, dee nich seenen un doch jleewen! 1Pe 1:8; Heb 11:130Jesus deed noch väl aundre Tieekjens ver siene Jinja, dee nich en dit Buak jeschräwen sent. Joh 21:24-2531Dise oba sent jeschräwen, om daut jie jleewen, daut Jesus de Christus es, Gott sien Sän, un daut jie derch Jleewen en sienem Nomen Läwen haben. 1Joh 5:13
Lebenswasser