Evangelium Johanes2
1Un aum dredden Dach wia eene Kjast en Kana von Galiläa; un Jesus siene Mutta wia doa.2Un uk Jesus un siene Jinja wieren to de Kjast enjelot.3Un aus daut aun Wien fäld, sajcht Jesus siene Mutta to Am: See haben nich Wien.4Jesus sajcht to ar: Fru, waut hab Ekj met die to doonen? Miene Stund es noch nich jekomen.5Siene Mutta sajcht to de Deena: Doot aules, waut Hee junt sajcht.6Un doa wieren sas steenane Wotakrucken, no de Juden äare Reinjungs-Wies, un en jieda eene kunnen twee ooda dree Faut voll nenn. Mrk 7:3-47Jesus sajcht to äant: Felt de Wotakrucken voll Wota. Un see felden dee bat bowen voll.8Un Hee sajcht to äant: Schapt nu un brinjt daut däm Kjäakjenmeista. Un see brochten am daut.9Aus de Kjäakjenmeista daut Wota jeschmakjt haud, daut nu Wien jeworden wia, un nich wist, wua dee häakjeem (oba de Deena, dee daut Wota jeschapt hauden, wisten daut), roopt de Kjäakjenmeista dän Briegaum10un sajcht to am: Aulemaun sat toom Aunfank dän gooden Wien väa, un wan see ieescht bedrunken jeworden sent, dan dän Jerinjeren. Oba du hast dän Basten bat nu behoolen.11Disen Aunfank von Wundatieekjens deed Jesus en Kana von Galiläa un openboad siene Harlichkjeit; un siene Jinja jleewden aun Am. Joh 1:1412No dit jinkj Hee rauf no Kapernaum, Hee un siene Mutta un siene Breeda un siene Jinja; un see bleewen doa nich väl Doag. Mat 13:55; Joh 7:313Un de Juden äa Passa wia dichtbie, un Jesus jinkj nopp no Jerusalem. Mat 20:18; Mrk 11:1; Luk 19:28; Joh 5:1; 7:1014Un Hee funk en däm Tempel, dee doa Ossen un Schop un Duwen vekoften un de Jeltwakjsla doa setten.15Un Hee muak eene Pitsch von Benja un juach äant aula ut däm Tempel rut un de Schop un de Ossen un veschedd de Jeltwakjsla äa Jelt un stelpt de Deschen om.16Un Hee säd to dee, waut Duwen vekoften: Nämt dise Dinja hia wajch; moakt nich mien Voda sien Hus to een Moakjt-Hus.17Un dan dochten siene Jinja doaraun, daut jeschräwen steit: “De Iewa om dien Hus freet Mie opp.” Ps 69:918Dan auntwuaden de Juden un säden to Am: Waut fa een Tieekjen wiest Du ons, daut Du dit doafst doonen? Mat 21:2319Jesus auntwuad un säd to äant: Venicht disen Tempel, un en dree Doag woa Ekj dän opprechten. Mat 26:61; 27:4020Dan säden de Juden: En sas-un-vieetich Joa es dis Tempel jebut worden, un Du west dän en dree Doag opprechten?21Oba Hee räd von däm Tempel von sien Kjarpa. 1Kor 6:1922Doawäajen, aus Hee vom Doot oppjestonen wia, dochten siene Jinja doaraun, daut Hee äant dit jesajcht haud, un see jleewden de Schreft un daut Wuat, daut Jesus jesajcht haud. Hos 6:223Un aus Hee en Jerusalem wia opp daut Passa, aun däm Fastdach, jleewden väle aun sienem Nomen, aus see de Wundatieekjens sagen, dee Hee deed.24Oba Jesus selfst vetrud sikj äant nich aun, wiels Hee kjand äant aula25un haud daut nich needich, daut irjentwäa Zeichnis jeef von eenem Mensch, wiels Hee wist, waut em Mensch bennen wia. Mrk 2:8
Lebenswasser