Evangelium Johanes18
1Aus Jesus dit jesajcht haud, jinkj Hee met siene Jinja rut äwa dän Kidron Stroom. Doa wia een Goaden, en dän Hee met siene Jinja nenjinkj.2Oba uk Judas, dee Am veroot, wist de Städ; wiels Jesus vesaumeld sikj doa foaken met siene Jinja. Luk 21:373Aus nu Judas de Baund un Deena von de Huagepriesta un Farisäa jekjräajen haud, kjeem hee doahan met Latoarns un Fiastakja un Jewäaren.4Jesus oba, dee aules wist, waut äwa Am komen wudd, jinkj rut un säd to äant: Wäm sieekj jie?5See auntwuaden Am: Jesus, dän Nazarena. Jesus sajcht to äant: Ekj sie et! Un uk Judas, dee Am veroot, stunt bie äant.6Aus Hee to äant säd: Ekj sie et, trocken see trigj un follen no de Ieed.7Dan fruach Hee äant wada: Wäm sieekj jie? See oba säden: Jesus, dän Nazarena.8Jesus auntwuad: Ekj hab junt daut jesajcht, daut Ekj daut sie. Sieekj jie nu Mie, dan lot dise gonen;9om daut daut Wuat erfelt wort, daut Hee jesajcht haud: Ekj hab kjeenen veloaren von dee, dee Du Mie jejäft hast. Joh 17:1210Simon Petrus, dee een Schwieet haud, trock daut rut un schluach däm Huagenpriesta sien Kjnajcht un hakt am daut rajchte Ua auf. Däm Kjnajcht sien Nomen oba wia Malchus.11Dan säd Jesus to Petrus: Stäakj dien Schwieet en de Scheed. Saul Ekj daut Kuffel nich drinkjen, waut Mie de Voda jejäft haft? Luk 3:1-2; Joh 11:49-5012De Baund un de bowaschta Offizia un de Juden äare Deena neemen Jesus un bungen Am13un leiden Am han, daut ieeschte no Hanas, wiels daut wia Kaifas sien Schwieevoda, dee daut Joa Huagapriesta wia.14Daut wia de Kaifas, dee de Juden Rot jejäft haud, daut et bäta wia , daut een Mensch fa daut Volkj stoawen sull. Luk 3:1-2; Joh 11:49-5015Oba Simon Petrus foljd Jesus no un de aundra Jinja. Dis Jinja oba wia däm Huagenpriesta bekaunt un jinkj met Jesus nenn en däm Huagenpriesta sien Hoff.16Oba Petrus stunt buten ver de Däa. Dan jinkj de aundra Jinja, dee däm Huagenpriesta bekaunt wia, rut un räd met de Däawajchtarin un brocht Petrus nenn.17Dan sajcht de Mejal, de Däawajchtarin, to Petrus: Best du nich uk eena von dis Mensch siene Jinja? Petrus sajcht: Ekj sie daut nich.18Oba doa stunden de Kjnajchts un Deena un hauden een Kolenfia jemoakt, wiels daut wia kolt, un woamden sikj; Petrus oba stunt uk bie äant un woamd sikj.19De Huagapriesta oba fruach Jesus no siene Jinja un no siene Lia.20Jesus auntwuad am: Ekj hab effentlich to de Welt jerät; Ekj hab aule Tiet en de Synagoge un en däm Tempel jelieet, wua de Juden emma toopkjeemen, un Ekj hab nuscht em Vestoaknen jerät. Joh 7:14,2621Waut frajchst du Mie? Froag dee, dee Mie jehieet haben, waut Ekj to äant jerät hab; kjikj, dee weeten, waut Ekj jesajcht hab.22Aus Hee daut oba säd, jeef eena von de Deena, dee doabie stunt, Jesus eenen Heiw oppe Bak un säd: Soo auntwuatst Du däm Huagenpriesta?23Jesus auntwuad am: Hab Ekj iebel jerät, dan jäw Zeichnis von daut Iebel; hab Ekj oba rajcht jerät, wuarom schleist du Mie?24Dan schekjt Hanas Am jebungen no däm Huagenpriesta Kaifas.25Simon Petrus oba stunt un woamd sikj. Dan säden see to am: Best du nich uk eena von siene Jinja? Hee veluach daut un säd: Ekj sie nich.26Dan sajcht eena von däm Huagenpriesta siene Kjnajchts, een Frintschoft aun dän, däm Petrus daut Ua aufjehakt haud: Sach ekj die nich bie Am em Goaden?27Dan veluach Petrus daut wada; un fuaz kjreid de Hon.28Dan leiden see Jesus von Kaifas nom Rechthus; oba daut wia tiedich, un see jinjen nich en daut Rechthus nenn, daut see nich onrein worden, oba daut Passa äten kunnen.29Dan jinkj Pilatus rut no äant un säd: Waut fa eene Kloag brinj jie jäajen disen Mensch?30See auntwuaden un säden to am: Wan disa nich een Vebräakja wia, dan haud wie Am nich die äwajäft.31Dan säd Pilatus to äant: Nämt jie Am un recht Am no jun Jesaz. Dan säden de Juden to am: Daut es ons nich erlaupt, irjentwäm doot to moaken. Joh 19:6-732Om daut Jesus sien Wuat erfelt wort, waut Hee säd, aus Hee aundied, waut fa Doot Hee stoawen wudd. Mat 20:19; Joh 12:32-3333Dan jinkj Pilatus wada en daut Rechthus nenn un roopt Jesus un säd to Am: Best Du de Juden äa Kjennich?34Jesus auntwuad am: Rätst du dit von die selfst, ooda haben aundre die daut jesajcht von Mie?35Pilatus auntwuad: Sie ekj dan een Jud? Diene Nazion un de Huagepriesta haben Die mie äwajäft. Waut hast Du jedonen?36Jesus auntwuad: Mien Rikj es nich von dise Welt; wan mien Rikj von dise Welt wia, dan hauden miene Deena jekjamft, soo daut Ekj de Juden nich äwajäft wia; oba nu es mien Rikj nich von hia.37Dan säd Pilatus to Am: Du best dan oba een Kjennich? Jesus auntwuad: Du sajchst daut, Ekj sie een Kjennich. Ekj sie doatoo jebuaren un doatoo en de Welt jekomen, daut Ekj fa de Woarheit zeij; een jiedra, dee ut de Woarheit es, horcht no miene Stemm. 1Tim 6:1338Pilatus sajcht to Am: Waut es Woarheit? Un aus hee dit jesajcht haud, jinkj hee wada rut no de Juden un sajcht to äant: Ekj finj kjeene Schult aun Am.39Oba jie haben eene Jewanheit, daut ekj junt aum Passa eenen loosjäw; well jie nu, daut ekj junt de Juden äa Kjennich loosjäw?40See schrieejen aula wada un säden: Nich disen, oba Barabbas! Barabbas oba wia een Reiba.
Lebenswasser