Evangelium Johanes15
1Ekj sie de woarhauftje Wienstud, un mien Voda es de Wiengoadna. Ps 80:9-12; Jes 5:1-7; Jer 2:212Jieda Rank aun Mie, dee nich Frucht brinjt, nemt Hee wajch; un jieda eene, dee Frucht brinjt, reinicht Hee, daut dee mea Frucht brinjt.3Jie sent aul rein derch daut Wuat, daut Ekj to junt jerät hab. Joh 13:10; 1Pe 1:234Blieft en Mie un Ekj en junt. Jrod soo aus de Rank nich von sikj selfst Frucht brinjen kaun, buta dee blift aun de Wienstud, jrod soo uk jie nich, buta jie bliewen en Mie.5Ekj sie de Wienstud, jie sent de Ranken; wäa en Mie blift un Ekj en am, dee brinjt väle Frucht; wiels jetrant von Mie kjenn jie nuscht doonen. 2Kor 3:5-66Wan wäa nich en Mie blift, dee woat wajchjeschmäten soo aus de Rank un vedrieecht; un dee woaren jesaumelt un en daut Fia jeschmäten un woaren brennen.7Wan jie en Mie bliewen un miene Wieed en junt bliewen, dan woa jie bedden, waut jie wellen, un daut woat junt woaren. Mrk 11:248Doarenn woat mien Voda veharlicht, daut jie väl Frucht brinjen; soo woa jie miene Jinja woaren. Mat 5:169Jrod soo aus de Voda Mie leeft, soo leew Ekj junt; blieft en miene Leew.10Wan jie miene Jebooten hoolen, woa jie en miene Leew bliewen, jrod soo aus Ekj mien Voda siene Jebooten jehoolen hab un en siene Leew bliew.11Dit hab Ekj to junt jerät, om daut miene Freid en junt blift un june Freid vollopp woat. Joh 17:1312Dit es mien Jeboot, daut jie junt unjarenaunda leewen, jrod soo aus Ekj junt jeleeft hab. Joh 13:3413Kjeena haft jratre Leew aus dise, daut hee sien Läwen fa siene Frind hanjeft. Joh 10:11; 1Joh 3:1614Jie sent miene Frind, wan jie doonen, wautemma Ekj junt jebeed. Mat 12:50; Joh 8:3115Ekj nan junt nich mea Kjnajchts, wiels de Kjnajcht weet nich, waut sien Har deit; junt oba hab Ekj Frind jenant, wiels Ekj junt aules hab weeten loten, waut Ekj von mienem Voda jehieet hab.16Jie haben Mie nich jewält, oba Ekj hab junt jewält un bestemt, daut jie hangonen un Frucht brinjen un june Frucht bliewen saul, soo daut, wan jie dän Voda om waut bedden en mienem Nomen, Hee junt daut jäwen wudd.17Dit jebeed Ekj junt, daut jie eena dän aundren leewen.18Wan de Welt junt haust, dan weet, daut see Mie ver junt jehaust haft. Joh 7:719Wia jie von de Welt, wudd de Welt daut Äaje leewen; wiels jie oba nich von de Welt sent, oba Ekj junt von de Welt rutjewält hab, doawäajen haust junt de Welt. Joh 17:14; 1Joh 4:4-520Denkjt aun daut Wuat, daut Ekj to junt jesajcht hab: “De Kjnajcht es nich jrata aus sien Har.” Wan see Mie vefolcht haben, woaren see junt uk vefoljen; haben see mien Wuat jehoolen, dan woaren see junt uk hoolen. Mat 10:24-25; Joh 13:1621Oba daut aules woaren see junt doonen, om mien Nomens haulwen, wiels see kjanen Dän nich, dee Mie jeschekjt haft. Joh 16:322Wan Ekj nich jekomen wia un to äant jerät haud, dan hauden see kjeene Sind; nu oba haben see kjeen Väajäwen fa äare Sind. Joh 9:4123Wäa Mie haust, dee haust uk mienen Voda. Luk 10:1624Wan Ekj nich de Woakjen mank äant jedonen haud, dee kjeen aundra jedonen haft, dan hauden see kjeene Sind; nu haben see dee oba jeseenen un haussen doch soogoot Mie, aus uk mienen Voda.25Oba daut daut Wuat wudd erfelt woaren, daut em Jesaz jeschräwen steit: “See haussen Mie onen Uasoak.” Ps 69:4; Ps 35:1926Wan oba de Treesta jekomen es, dän Ekj junt vom Voda schekjen woa, de Jeist von de Woarheit, dee vom Voda rutjeit, dee woat von Mie zeijen. Luk 24:49; Joh 14:16,2627Un uk jie woaren zeijen, wiels jie von Aunfank aun bie Mie jewast sent. Apj 1:8,21-22; 5:32
Lebenswasser