Evangelium Johanes10
1Woarhauftich, woarhauftich, Ekj saj junt: Wäa nich derch de Däa en daut Schopshock nenjeit, oba sestwua äwakjript, dee es een Deef un een Reiba.2Wäa oba derch de Däa nenjeit, es de Hoad fa de Schop.3Fa dän moakt de Däarenwajchta op, un de Schop hieren siene Stemm, un Hee roopt siene ieejne Schop biem Nomen un leit dee rut.4Un wan Hee siene Schop aula rutjebrocht haft, jeit Hee ver dee, un de Schop foljen Am no; wiels see kjanen siene Stemm.5Eenem Framden oba foljen see nich no, oba flichten von am, wiels see de Framde äare Stemm nich kjanen.6Dit Jlikjnis säd Jesus to äant; see oba vestunden nich, waut daut wia, daut Hee to äant räd.7Dan säd Jesus wada to äant: Woarhauftich, woarhauftich, Ekj saj junt: Ekj sie de Däa fa de Schop.8Aul dee, dee ver Mie jekomen sent, sent Deew un Reiba; oba de Schop horchten nich no äant.9Ekj sie de Däa; wan wäa derch Mie nenjeit, dee woat jerat woaren un woat nenn un rut gonen un Weid finjen. Joh 14:610De Deef kjemt mau toom stälen, dootmoaken un vedoawen. Ekj sie jekomen, daut see Läwen haben un daut en Äwafluss haben.11Ekj sie de gooda Hoad; de gooda Hoad jeft sien Läwen fa de Schop. Ps 23:1-6; Jes 40:11; Hes 34:11-23; Joh 15:13; Heb 13:2012Oba een Aunjenomna, dee nich Hoad es, däm de Schop nich jehieren, sitt dän Wulf komen un velat de Schop un flicht; un de Wulf jript un vestreit de Schop.13De Aunjenomna flicht, wiels hee een Aunjenomna es un sikj nich om de Schop kjemmat.14Ekj sie de gooda Hoad un kjan de Mienje un sie erkjant von de Mienje, 2Tim 2:1915jrodsoo aus de Voda Mie kjant, kjan Ekj dän Voda. Un Ekj lot mien Läwen fa de Schop.16Ekj hab noch aundre Schop, dee nich von ut dit Hock sent; uk dise mott Ekj häabrinjen, un see woaren miene Stemm hieren, un doa woat eene Häad un een Hoad sennen. Joh 11:52; Apj 10:34-3517Doawäajen leeft mien Voda Mie, wiels Ekj mien Läwen lot, soo daut Ekj daut wada näm.18Kjeena nemt daut von Mie, oba Ekj lot daut ut Mie selfst. Ekj hab Macht, daut to loten un hab Macht, daut wada to nämen. Dit Jeboot hab Ekj von mienem Voda jekjräajen. Joh 5:2619Dan jeef daut wada eene Spoolunk mank de Juden wäajens dise Wieed. Joh 7:43; 9:1620Väle von äant säden: Hee haft eenen Diewel un es errsennich; wuarom horch jie no Am? Mrk 3:21; Joh 7:2021Aundre säden: Dit sent nich Räd von eenem Besätnen. Kaun uk een Diewel de Blinje de Uagen opmoaken?22Doa wia oba daut Tempel Enweiungs-Fast en Jerusalem; un daut wia Winta.23Un Jesus jinkj em Tempel, en Salomo siene Haul. Apj 3:1124Dan omkjrensten de Juden Am un säden to Am: Woo lang helst Du onse Seel em Twiewel? Best Du de Christus, dan saj ons daut frie rut.25Jesus auntwuad äant: Ekj hab junt daut jesajcht, un jie jleewen nich. De Woakjen, dee Ekj em Nomen von mien Voda doo, dise zeijen von Mie. Joh 5:3626Oba jie jleewen nich, wiels jie nich von miene Schop sent, soo aus Ekj junt jesajcht hab. Joh 8:45,4727Miene Schop hieren miene Stemm, un Ekj kjan dee, un dee foljen Mie. Ps 95:728Un Ekj jäw äant eewjet Läwen, un see woaren en Eewichkjeit nich omkomen, un kjeena woat dee ut miene Haunt rieten.29Mien Voda, dee Mie dee jejäft haft, es jrata aus aule, un kjeena kaun dee ut mien Voda siene Haunt rieten.30Ekj un de Voda sent eent.31Dan hoowen de Juden wada Steena opp, om Am to steenjen. Joh 8:5932Jesus auntwuad äant: Väle goode Woakjen hab Ekj junt von mienem Voda jewäsen; fa woont von de Woakjen steenj jie Mie?33De Juden auntwuaden Am un säden: Wäajens een goodet Woakj steenj wie Die nich, oba wäajens diene Lastrunk un wiels Du, dee Du een Mensch best, Die selfst to Gott moakst. Mat 9:3; 26:65; Joh 5:1834Jesus auntwuad äant: Steit nich en jun Jesaz jeschräwen: “Ekj hab jesajcht: Jie sent Jetta”? Ps 82:635Wan Hee jane Jetta nand, no woone Gott sien Wuat kjeem, un de Schreft kaun nich jebroaken woaren, Mat 5:1736saj jie dan von Däm, dän de Voda jeheilicht un en de Welt jeschekjt haft: Du lastascht, wiels Ekj säd: Ekj sie Gott sien Sän? Joh 5:17-2037Wan Ekj de Woakjen von mien Voda nich doo, dan jleeft Mie nich;38wan Ekj dee oba doo, wan jie uk nich Mie jleewen, jleeft de Woakjen, om daut jie erkjanen un jleewen, daut de Voda en Mie es un Ekj en Am.39Dan sochten see wada, Am to jriepen, oba Hee kjeem wajch ut äare Henj Luk 4:30; Joh 8:5940un jinkj wada wajch no jantsied Jordan, no de Städ, wua Johanes ieescht jedeept haud, un bleef doa. Joh 1:2841Un väle kjeemen no Am un säden: Johanes haft kjeen Tieekjen jedonen; oba aules, waut Johanes von disem jesajcht haft, es woa.42Un väle doa, jleewden aun Am.
Lebenswasser