De Breef aun de Hebräa12
1Wiels wie nu eene soone groote Wolkj von Zeijen rom ons haben, lot ons aule Laust un de Sind auflajen, waut ons soo leicht runtom aunfaulen un lot ons dän väajestalden Reess ranen met Jedult, 1Kor 9:242hankjikjen no Jesus, dän Aunfenja un Vollbrinja vom Gloowen; woona daut Kjriez uthilt, de Schaund ve-acht, wäajens de ver Am jestalde Freid un haft sikj doljesat aun de rajchte Haunt von Gott sien Troon. Flp 2:8,10; Heb 5:8-93Betracht dän, waut soon Wadaspräakjen von Sinda jäajen sikj selfst duld, daut jie nich muchten meed woaren un en june Seelen vezoagen. Mat 26:67; Luk 2:344Jie haben noch nich wadastonen bat oppem Bloot en de Kjamfen jäajen de Sind.5Un jie haben de Ermonunk aul vejäten, woone to junt rät aus to Kjinja: “Mien Sän, ve-acht nich de Belierunk vom Harn, un vezoag nich, wan du von Am jestroft woascht; Spr 3:11-126wiels wäm de Har leeft, dän belieet Hee un priejelt jiedren Sän, dän Hee oppnemt.” Opb 3:19; Spr 3:127Wan jie de Belierunk vedroagen, haundelt Gott met junt soo aus met Säns; wiels woon Sän es daut, dän de Voda nich belieet?8Oba wan jie onen Belierunk sent, wuaraun aula Deelnäma jeworden sent, dan sent jie Buta-Eheliche un nich Säns.9Un soo wie haben Vodasch no ons Fleesch no jehaut aus Beliera, un wie respakjten dee; sull wie nich väl leewa däm Voda von de Jeista unjadon sennen un läwen?10Wiels jane haben fa weinje Doag ons belieet no äa Denkjen; Hee oba fa onsen Nutzen, daut wie muchten Deelnäma sennen aun siene Heilichkjeit.11Aule Belierunk oba, jrod wan dee passieet, schient sikj nich ne Freid to sennen, oba Truarichkjeit; oba nohäa jeft see eene frädliche Jerajchtichkjeits-Frucht fa dee, waut doaderch je-eeft sent. 2Kor 4:17-1812Doawäajen häft de Henj opp, waut rauf-henjen un de schwake Kjneeen; Jes 35:313un moakt jlikje Stäaj fa june Feet, daut nich de Loma vom Wajch raufdreit, oba leewa jesunt Woat. Spr 4:26-2714Joacht däm Fräd no met aulem un de Heiljunk, onen woone kjeena dän Harn seenen woat; Ree 12:18; 2Tim 2:2215seet doano, daut kjeena kort-kjemt aun Gott siene Jnod; daut kjeene Wartel von Bettanis oppjeit un junt stieet un doaderch väle ve-onreinicht woaren; 5Mo 29:1716daut kjeena een Huara ooda Gottloosa es soo aus Esau, dee fa eene Moltiet sien Ieescht-Jeburtsrajcht vekoft. 1Mo 25:33-34; 26:34; 28:817Wiels jie weeten, woo uk nohäa, aus hee wudd haben dän Säajen jeorwen, veschmäten wort (wiels hee funk kjeenen Rum fa de Busse), wan hee dän uk iernstlich met Tronen socht. 1Mo 27:30-4018Wiels jie sent nich no däm Boajch jekomen, waut aun to schieren jinkj un dee met Fia brend, uk nich nom Dunkel un Diestanis un Jewitta, 2Mo 19:12,16,18; 5Mo 4:1119uk nich nom Trompeeten-Schaul un no de Stemm von Wieed, bie woone de Hierende bedden, daut daut Wuat äant nich mea sull jesajcht woaren; 2Mo 20:1920(wiels see kunnen daut nich vedroagen, waut doa befolen wort: “Un wan een Tia dän Boajch aunschieet, saul daut jesteenicht woaren ooda met däm Spiess derchjeschoten.” 2Mo 19:12-1321Un soo schrakjlich wia de Aunsecht, daut Moses säd: “Ekj sie veschrocken un zetta”). 5Mo 9:1922Oba jie sent jekomen nom Boajch Zion un no de Staut von däm läwendjen Gott, daut himlische Jerusalem, un no tieen-dusende Enjel, Gal 4:26; Efs 2:6; Flp 3:20; Opb 21:2; 5:1123no de auljemeene Vesaumlunk un Jemeent von de Ieeschtjebuarne, dee em Himmel enjeschräwen sent, un no Gott, däm Rechta äwa aule, un no de Jeista von de vollkomen-jewordne Jerajchte, Luk 10:2024un no Jesus, däm Vemedla vom nieen Bunt, un no daut Bloot von daut Bespretzen, daut doa Bätret rät aus Abel sient. 1Mo 4:10; Heb 9:1525Seet doano, daut jie dän nich aufwiesen, dee doa rät. Wiels wan dee nich wajchkjeemen, waut dän aufweesen, dee opp de Ieed räd, väl weinja wie, wan wie ons wajchdreien von däm, waut vom Himmel rät, Heb 2:2; 10:28-2926wäms Stemm donn de Ieed scheddad, oba nu haft Hee vesproaken un sajcht: “Noch eenmol woa Ekj nich bloos de Ieed schedren, oba uk dän Himmel.” Hag 2:6,727Oba dit “Noch eenmol” bewiest, de jescheddade Dinja wajchdoonen, aus Jemoaktet, daut dee muchten bliewen, waut nich veschedren.28Doawäajen, wiels wie een onbewäajchlichet Rikj kjrieen, mucht wie Jnod haben, wuaderch wie muchten Gott to Jefaulen deenen, met Huachachtunk un Ieaforcht;29wiels ons Gott es een vetäarendet Fia. 5Mo 4:24; Heb 10:31
Lebenswasser