Paulus sien Breef aun de Galata3
1Oo jie onvestendje Galata, wäa haft junt bezeibat, daut jie de Woarheit nich jehorchen, ver wäms Uagen Jesus Christus, soo aus mank junt jekjriezicht, väajemolt wia?2Dit auleen well ekj von junt lieren: Hab jie dän Jeist derch de Jesaz-Woakjen jekjräajen ooda derch de Prädicht vom Gloowen?3Sent jie soo onvestendich? Em Jeist hab jie aunjefongen, un nu well jie em Fleesch foadich moaken?4Hab jie soo väl emsonst jeläden? Wan et werkjlich emsonst es!5Dee junt dän Jeist hanrieekjt un wirkjt Wunda mank junt, deit dee daut derch de Jesaz-Woakjen ooda derch de Prädicht vom Gloowen?6Jrod soo aus Abraham Gott jleewd, un daut wort am to Jerajchtichkjeit aunjeräakjent. 1Mo 15:6; Ree 4:37Aulsoo erkjant nu, daut dee, waut ut däm Gloowen sent, dise sent Abraham siene Kjinja.8Un de Schreft, verut-seenent, daut Gott de Heiden derch dän Gloowen rajchtfoadjen wudd, haft Abraham dit Evangelium em verut vekjindicht: “En die sellen aul de Nazionen jesäajent woaren.” 1Mo 12:139Aulsoo woaren dee, waut ut däm Gloowen sent, met däm jleewenden Abraham jesäajent. Ree 4:1610Wiels aul dee, waut von de Jesaz-Woakjen sent, dee sent unja däm Fluch; wiels daut steit jeschräwen: “Veflucht es een jiedra, dee doa nich blift en aules, waut em Jesaz-Buak jeschräwen steit, daut to doonen!” 5Mo 27:2611Daut oba derchet Jesaz kjeena ver Gott jerajchtfoadicht woat, es kloa; wiels “de Jerajchta woat derch dän Gloowen läwen.” Hab 2:4; Ree 1:17; Heb 10:3812Daut Jesaz oba es nich vom Gloowen; em Jäajendeel: “De Mensch, wäa dise deit, woat doaderch läwen”. 3Mo 18:513Christus haft ons loosjekoft von däm Fluch vom Jesaz, wäarent Hee fa ons een Fluch wort, wiels daut steit jeschräwen: “Veflucht es een jiedra, dee aum Holt henjt”, 5Mo 21:23; 2Kor 5:2114soo daut de Säajen von Abraham no de Heiden komen wudd en Christus Jesus, soo daut wie de Vespräakjunk vom Jeist derch dän Gloowen kjrieejen.15Breeda, ekj räd no menschelje Wies: Soogoa een Mensch sien Bunt, wan dee bestädicht es, woat von kjeenem tosied jesat ooda doa waut biejedonen.16Nu oba sent de Vespräakjungen Abraham un sienem Nokomen toojesajcht. Hee sajcht nich: “un de Nokomen”, aus von väle, oba aus von eenem: “un to dienem Nokomen”, dee Christus es. 1Mo 22:1817Dit oba saj ekj: Dän Bunt, dee verhäa bestädicht wia von Gott opp Christus, woat derch daut vea-hundat-un-dartich Joa lota oppjestone Jesaz nich oppjehowen, om de Vespräakjunk onjeltich to moaken. 2Mo 12:4018Wiels wan daut Oafgoot derch daut Jesaz kjeem, dan kjeem daut nich derch de Vespräakjunk, oba Gott haft Abraham daut derch de Vespräakjunk jeschonken. Ree 4:1319Wuarom dan daut Jesaz? Daut wort doa biejesat wäajens de Äwaträdungen, bat de Nokomen kjeem, däm de Vespräakjunk jemoakt wort, un wort derch Enjel äwarieekjt en de Haunt von een Vemedla. 5Mo 5:5; Apj 7:38,53; Ree 5:20; Heb 2:220Een Vemedla oba es nich eenem sien Vemedla, oba Gott es eena.21Es daut Jesaz dan nu jäajen Gott siene Vespräakjungen? Sea lang nich! Wiels wan een Jesaz jejäft wia, daut läwendich moaken kunn, dan kjeem de Jerajchtichkjeit werkjlich utem Jesaz. Ree 8:2-422Oba de Schreft haft aules unja de Sind beschloten, daut de Vespräakjunk derch dän Gloowen von Jesus Christus wudd deejanje jejäft woaren, dee doa jleewen. Ree 3:9-20; Ree 11:3223Oba ea de Gloowen kjeem, word wie unja daut Jesaz bewoat un veschloten opp dän Gloowen han, dee doa sull jeopenboat woaren. Gal 4:324Aulsoo es daut Jesaz ons Belierungs-Meista jewast, bat opp Christus, soo daut wie wudden derch dän Gloowen jerajchtfoadicht woaren.25Oba nodäm de Gloowen jekomen es, sent wie nich mea unja däm Belierungs-Meista; Ree 10:426wiels jie sent nu aula Gott siene Kjinja derch dän Gloowen aun Christus Jesus. Joh 1:12; Ree 8:1727Wiels soo väle aus von junt en Christus jedeept sent, haben Christus aunjetrocken. Ree 6:3; Ree 13:1428Doa es kjeen Jud noch Griech, doa es kjeen Sklow noch Fria, doa es kjeen Maun noch Fru; wiels jie sent aula eent en Christus Jesus. Ree 10:12; 1Kor 12:1329Wan jie oba Christus aunjehieren, dan sent jie Abraham sien Nokomen un no de Vespräakjunk Oawen.
Lebenswasser