Paulus sien Breef aun de Galata1
1Paulus, een Apostel (nich von Menschen, uk nich derch Mensch, oba derch Jesus Christus un Gott, dän Voda, dee Am opperwakjt haft von de Doodes;)2un aule Breeda, dee bie mie sent, no de Jemeenten en Galatien: Gal 1:123Jnod met junt un Fräd von Gott, däm Voda, un onsem Harn Jesus Christus,4dee sikj selfst fa onse Sinden jejäft haft, daut Hee ons rad von dise vondoagsche beese Welt, no Gott un ons Voda sien Wellen, Gal 2:20; 1Tim 2:6; Tit 2:14; 1Joh 5:195däm de Iea traft, von Eewichkjeit to Eewichkjeit. Amen.6Mie wundat daut, daut jie junt soo schwind wajchdreien loten von däm, dee junt en Christus siene Jnod beroopen haft, no een aundret Evangelium,7wäarent doa kjeen aundret es, oba doa sent atelje, dee junt vewerren un wellen Christus sien Evangelium vedreien. Apj 15:1,248Oba, wan uk wie, ooda een Enjel vom Himmel, junt een aundret Evangelium vekjindjen wudd, aus waut wie junt jeprädicht haben, lot däm veflucht sennen!9Soo aus wie verhäa jesajcht haben, soo saj ekj noch eenmol: Wan junt irjentwäa een aundret Evangelium vekjindicht, aus waut jie jekjräajen haben, lot däm veflucht sennen! 1Tim 6:310Proow ekj nu Menschen to beräden, ooda Gott? Ooda sieekj ekj Menschen to jefaulen? Wan ekj noch Menschen jefaulen deed, dan wia ekj nich Christus sien Kjnajcht. 1Tess 2:4-611Ekj lot junt oba weeten, Breeda, daut daut Evangelium, waut von mie vekjindicht es, nich menschlich es .12Wiels ekj hab daut von kjeenem Mensch jekjräajen uk nich jelieet, oba derch de Openboarunk von Jesus Christus. Apj 9:1-1513Wiels jie haben jehieet von mienem Waundel verhäa em Judentum, daut ekj Äwamoten Gott siene Jemeent vefoljd un venicht,14un neem too em Judentum, äwa väle von dee, waut mienesjlikjen wieren en mien Volkj, un iewad äwa Moten fa de Vodasch äare Ordnungen. Apj 23:6; 26:515Oba aus Gott daut jefoll, dee mie von miene Mutta äa Lief aun oppoat-jesat haud un mie derch Siene Jnod beroopt, Jer 1:5; Ree 1:116sienen Sän en mie to openboaren, daut ekj Am derch daut Evangelium mank de Heiden vekjindjen sull, dan jinkj ekj nich fuaz doaräwa beroden met Fleesch un Bloot17un jinkj uk nich nopp no Jerusalem no dee, dee ver mie Apostel wieren, oba jinkj no Arabien un kjeem wada trigj no Damaskus.18Dan, no dree Joa, jinkj ekj nopp no Jerusalem, om Petrus to seenen un bleef doa feftieen Doag bie am. Joh 1:42; Apj 9:26-2719Oba ekj sach kjeene aundre Apostel, buta Jakobus, däm Harn sien Brooda. Mat 13:5520Waut ekj junt oba schriew, Kjikjt, ver Gott, ekj lieej nich!21Nodäm kjeem ekj en de Jäajenden von Sierien un Zilizien. Apj 9:3022Ekj wia oba de Jemeenten von Judäa von Aunjesecht onbekaunt, dee en Christus sent.23See hauden bloos jehieet: Dee, dee ons ieescht vefoljd, evangelisieet nu dän Gloowen, dän hee ieescht venicht.24Un see lowden Gott en mie.
Lebenswasser