Paulus sien Breef aun de Efeesa5
1Siet jie aulsoo Gott siene Nofolja, aus jeleewde Kjinja, Luk 6:362un waundelt en de Leew, soo aus uk Christus ons jeleeft un sikj selfst fa ons hanjejäft haft, aus een Opfa un Schlachtopfa fa Gott, fa een scheenrikjendet Jeroch. Gal 2:203Oba Huararie un aule Onreinichkjeit ooda Habsucht, lot nich eenmol mank junt jenant woaren, soo aus sikj de Heilje daut jeziemt; Kol 3:54uk nich schenteljet un noarischet Jeräd ooda Domheiten, woone junt nich jeziemen, oba väl mea Danksajen. Efs 4:295Wiels dit sell jie weeten, daut kjeen Huara ooda Onreina ooda Jiezja (dee een Jettadeena es), Oafdeel haft en daut Rikj von Christus un von Gott. 1Kor 6:9-10; Opb 21:8; 22:156Lot kjeenem junt vefieren met ladje Wieed, wiels wäajens dise Dinja kjemt Gott sien Oaja äwa de Kjinja vom Ongloowen . Kol 3:67Siet aulsoo nich äare Deelnäma.8Wiels jie wieren ieescht Diestanis, oba nu sent jie Licht en däm Harn; waundelt soo aus Kjinja vom Licht, Mat 5:14; Joh 12:36; Efs 2:11; 1Tess 5:5; 1Pe 2:99(wiels de Frucht vom Jeist es en aulet Goode un Jerajchtichkjeit un Woarheit), Gal 5:22; Flp 1:1110endäm jie priefen, waut däm Harn wooljefellich es. Ree 12:211Un habt kjeene Jemeenschoft met de onfruchtboare Woakjen von de Diestanis, oba stroft dee välmea;12wiels waut em Jeheemen von äant passieet, es uk schentlich to sajen. Ree 1:2413Oba aul de Dinja, dee jestroft woaren, woaren vom Licht openboa jemoakt, wiels wautemma openboa moakt, es Licht.14Doawäajen sajcht Hee: Wakj opp, dee du schlapst, un sto opp von de Doodje, dan woat Christus die Licht jäwen. Jes 60:1; Joh 3:20-21; 8:12; Ree 13:1115Kjikjt aulsoo, woo jie väasechtich waundlen, nich soo aus Onweise, oba aus Weise,16de Tiet utkjeepen, wiels de Doag sent beese.17Doawäajen siet nich onvestendich, oba vestendich, waut däm Harn sien Wellen es.18Un bedrinkjt junt nich met Wien, wuarenn Heillooset es, oba woat voll vom Jeist, Luk 21:3419endäm jie metenaunda räden en Psalmen un Lowleeda un jeistliche Leeda, sinjen un spälen fa dän Harn en jun Hoat, Ps 33:2-3; Kol 3:1620emma dank jäwen fa aules däm Gott un Voda en däm Nomen von ons Har Jesus Christus, 1Tess 5:1821junt eena däm aundren unjastalen en de Forcht Gottes. 1Pe 5:522Frues, siet june ieejne Mana unjadon, soo aus däm Harn. 1Mo 3:16; 1Tim 2:11-12; Tit 2:523Wiels de Maun es daut Haupt von de Fru, jrod soo aus Christus daut Haupt es von de Jemeent, un Hee es de Rada von däm Kjarpa. 1Kor 11:3; Efs 1:22-2324Oba jrod soo aus de Jemeent Christus unjadon es, soo uk de Frues äare ieejne Mana en aules.25Jie Mana, leeft june ieejne Frues, soo aus uk Christus de Jemeent jeleeft un sikj selfst fa ar hanjejäft haft,26om daut Hee ar kunn heiljen un reinjen derch daut Wauschen von Wota derch daut Wuat, Tit 3:5; Heb 10:2227soo daut Hee ar fa sikj selfst mucht doastalen, eene veharlichte Jemeent, dee nich eene Plak ooda Veknutschtet ooda irjent soowaut haft, oba daut see mucht heilich sennen un onen Fäla. 2Kor 11:2; Kol 1:2228Jrod soo sellen uk de Mana äare ieejne Frues leewen, soo aus äare ieejne Kjarpasch; wäa siene ieejne Fru leeft, dee leeft sikj selfst.29Wiels kjeena haft jeemols sien ieejnet Fleesch jehaust, oba hee näat un fläajcht daut, jrodsoo aus uk Christus de Jemeent.30Wiels wie sent Jlieda von sien Kjarpa, von sien Fleesch un von siene Knoakes. Efs 1:2331“Doawäajen woat een Mensch sienen Voda un Mutta veloten un siene Fru aunhenjen, un dee twee woaren een Fleesch sennen.” 1Mo 2:2432Dit Jeheemnis es groot; oba ekj saj dit von Christus un siene Jemeent.33Doch uk jie, lot eenem jiedren siene ieejne Fru soo leewen aus sikj selfst; oba de Fru, daut see däm Maun Ieaforcht jeft.
Lebenswasser