Paulus sien Breef aun de Efeesa2
1Un junt haft Hee läwendich jemoakt, dee jie doot wieren en Äwaträdungen un Sinden, Luk 15:24,32; Kol 2:132en woone jie ea jewaundelt haben no däm Gank von dise Welt, no däm Väaschten von de Vollmacht en de Loft, no däm Jeist, dee nu wirkjt en de Kjinja vom Ongloowen ,3mank woone uk wie aula ea onsen Waundel hauden en de Losten von ons Fleesch un deeden dän Wellen vom Fleesch un de Jedanken un wieren von Natua Kjinja vom Oaja, jrod soo aus de aundre. Kol 3:6; 1Pe 4:34Oba Gott, dee rikj es aun Boarmherzichkjeit, wäajens siene groote Leew, wuamet Hee ons jeleeft haft,5aus wie noch doot wieren en Sinden, haft ons met Christus toop läwendich jemoakt, (derch Jnod sent jie jerat)6un haft ons toop opperwakjt un toop to setten jejäft en de himlische Städen en Christus Jesus, Flp 3:207daut Hee en de komende Tieden dän äwatrafenden Rikjtum von siene Jnod aun ons bewiesen kunn derch siene Leeftolichkjeit aun ons en Christus Jesus. Efs 1:78Wiels derch de Jnod sent jie jerat derch dän Gloowen un daut nich ut junt, daut es een Jeschenkj von Gott; Ree 3:23-24; Gal 2:169nich ut Woakjen, daut sikj kjeena riemen mucht. Ree 3:28; 1Kor 1:2910Wiels wie sent sien Woakj, jeschaufen en Christus Jesus fa goode Woakjen, dee Gott verhäa reedjemoakt haft, daut wie en dee waundlen sellen. Tit 2:1411Doawäajen denkjt doaraun, daut jie ea, aus Heiden em Fleesch, de Onbeschnädne jenant worden von dee, dee de Beschniedunk jenant woaren, dee aum Fleesch met de Henj passieet; Efs 5:812daut jie to dee Tiet onen Christus wieren, aufjesondat von daut Birjarajcht von Israel un Framde to de Bintnissen von de Vespräakjunk, hauden kjeene Hopninj un wieren onen Gott en de Welt. Ree 9:4; 1Tess 4:1313Oba nu, en Christus Jesus, sent jie, dee jie ea wietauf wieren, derch Christus sien Bloot dichtbie jeworden.14Wiels Hee es ons Fräd, dee ut beid eent jemoakt haft un de Meddelwaunt von de Aufdeelunk doljebroaken, Jes 9:5; Gal 3:2815endäm Hee en sien Fleesch de Fientschoft, daut Jesaz von Jebooten en Befälungen, wajchjenomen haft, daut Hee von de twee en sikj selfst eenen nieen Mensch schauft un Fräd muak, Kol 2:1416un daut hee mucht de beid en eenem Kjarpa met Gott veseenen derch daut Kjriez, nodäm Hee derch dautselwje de Fientschoft dootjemoakt haft.17Un Hee kjeem un vekjindijd Fräd to junt, dee wietauf wieren, un to dee dichtbie. Jes 57:1918Wiels derch Am hab wie beid dän Toogank derch eenen Jeist no däm Voda. Efs 3:1219Soo sent jie nu nich mea Framdlinja un Utlenda, oba Metbirja met de Heilje un Gott siene Husfamielje, Efs 3:6; Heb 12:22-2320oppjebut opp dän Grunt von de Apostel un Profeeten, wua Jesus Christus selfst de Haupt-Akjsteen es, Ps 118:22; Jes 28:16; Mat 16:18; 1Pe 2:4-621en woonem de gaunza Bu aunenaunda toopjebut waust to eenem heiljen Tempel en däm Harn,22en woonem uk jie met-oppjebut woaren to Gott siene Woninj em Jeist.
Lebenswasser