Paulus sien tweeda Breef aun Timotäus4
1Ekj bezeij nu ver Gott un däm Harn Jesus Christus, dee de Läwendje un de Doodje rechten woat bie siene Erschienunk un sien Rikj: 1Pe 4:52Prädj daut Wuat, hool aun, to rajchte Tiet ooda to Ontiet; äwazeij, bedreiw, ermon met aule Jedult un Lia. Apj 20:20,313Wiels doa woat eene Tiet sennen, wan see de heelsome Lia nich vedroagen woaren, oba no äare ieejne Losten woaren see sikj selfst Lierasch opploden, endäm äant de Uaren jäakjen; 1Tim 4:14un see woaren de Uaren von de Woarheit wajchdreien un sikj no de Foblen handreien. 2Tess 2:11; 1Tim 4:95Du oba sie nichta en aules, lied Schwierichkjeiten, doo daut Woakj von een Evangelist, vollfia dien Deenst. 2Tim 2:36Wiels ekj sie nu reed, jeopfat to woaren, un de Tiet von mien Aufreisen es tojäajen. Flp 2:177Ekj hab dän gooden Kaumf jekjamft, ekj hab dän Reess vollbrocht, ekj hab dän Gloowen jehoolen. Apj 20:24; 1Kor 9:25; Flp 3:14; 1Tim 6:128Fa wieda es mie biejelajcht de Kroon von de Jerajchtichkjeit, woone mie de Har, de jerajchta Rechta, aun janem Dach jäwen woat; oba nich mie auleen, oba uk aule, dee siene Erschienunk leewen. Mat 25:21; 2Tim 2:5; Jak 1:12; 1Pe 5:4; Opb 2:109Spood die, boolt no mie to komen. 2Tim 1:410Wiels Demas haft mie veloten un dise Welt leef jewonnen un es no Tessalonich jereist, Kreszens no Galatien, Titus no Dalmatien. Kol 4:7,10,1411Auleen Lukas es bie mie. Nemm Markus un brinj am met die; wiels hee es mie nitzlich toom Deenst. Apj 15:37; Kol 4:1012Tiechikus hab ekj no Efesus jeschekjt. Efs 6:2113Dän Wanikj, dän ekj en Troas leet bie Karpus, brinj met, wan du kjemst, un de Bieekja, besondasch oba de Ladarollen.14Alexanda, de Schmett, haft mie väl Beeset bewäsen; de Har betol am no siene Woakjen. 1Tim 1:2015Ver am heed du die uk; wiels hee haft onse Wieed sea wadastonen.16En miene ieeschte Ve-auntwuatunk stunt kjeena bie mie, oba see veleeten mie aula. Mucht äant daut nich toojeräakjent woaren. 2Tim 1:1517De Har oba stunt mie bie un stoakjt mie, daut derch mie de Prädicht voll bestädicht wort un daut aule Heiden hieren muchten; un ekj sie von däm Leiw siene Frät jerat worden. Apj 23:11; 27:2318Un de Har woat mie raden von jieda beeset Woakj un woat mie bewoaren fa sien himlischet Rikj; woonem de Iea traft von Eewichkjeit to Eewichkjeit! Amen.19Jrees Priska un Aquila un daut Hus von Onesiforus. Apj 18:2; 2Tim 1:1620Erastus bleef en Korint; Trofimus oba leet ekj en Milet krank. Apj 19:22; 20:421Spood die, ver däm Winta to komen. Doa jreessen die Eubulus un Pudens un Linus un Klaudia un aule Breeda.22De Har Jesus Christus sie met dienem Jeist! De Jnod sie met junt! Amen. De tweeda Breef no Timotäus, bestädicht aus de ieeschta Bischof von de Jemeent von de Efeesa, wia jeschräwen von Room, aus Paulus daut tweedemol ver Nero jebrocht wort.
Lebenswasser