De tweeda Breef von Petrus3
1Disen tweeden Breef, Jeleewde, schriew ekj nu no junt, en woonem ekj jun reinet Vestaunt oppwakj derch daut Erinren, 2Pe 1:132daut jie muchten denkjen aun de Wieed, waut verhäa jerät sent derch de heilje Profeeten un daut Jeboot von ons, de Apostel von däm Harn un Heilant.3Dit weet aum ieeschten, daut en de latste Doag woaren Spetta komen, dee äare ieejne Losten nogonen 1Tim 4:1; Jud 184un sajen: Wua es daut Vespräakjen von sien Komen? Wiels von donn aus de Vodasch enjeschlopen sent, bliewen aule Dinja, soo aus von däm Aunfank von de Schepfunk. Jes 5:19; Hes 12:22; Mat 24:485Wiels mootwellens es äant dit onbekaunt, daut von lang häa de Himmels wieren, un de Ieed entsteit von ut Wota un en Wota derch Gott sien Wuat,6wuaderch de Welt, dee donn wia, met Wota äwaschäld un omkjeem.7De Himmels un de Ieed oba, dee nu sent, sent derch sien Wuat vewoat, toom Fia behoolen bat aum Jerechts-Dach un de Vedaumnis fa de gottloose Menschen.8Dit eene oba lot junt nich onbekaunt sennen, Jeleewde, daut een Dach bie däm Harn es aus dusent Joa un dusent Joa aus een Dach. Ps 90:49De Har vetrakjt nich daut Vespräakjen, soo aus eenje daut fa een Vetrakjen achten, oba es lankmootich met ons un well nich, daut irjentwäa veloaren-jeit, oba daut aula to de Busse komen. Hab 2:3; 1Tim 2:410Oba däm Harn sien Dach kjemt soo aus een Deef enne Nacht, wuarenn de Himmels vegonen woaren met een grootet Krachen, un de Elementen woaren von Hett schmelten, un de Ieed un de Woakjen doabowen woaren vebrennen. Jes 24:19-23; 34:4; Mat 24:29; 1Tess 5:2-311Soo nu aul dise Dinja veschmelten sellen, waut fa Menschen sull jie dan sennen em heiljen Waundel un Jettlichkjeit,12endäm jie erwoarten un spooden daut Komen von Gott sien Dach, en woonem de Himmels von Fia vegonen woaren un de Elementen woaren von Hett veschmelten?13Wie oba, no sien Vespräakjen, erwoarten niee Himmels un eene niee Ieed, en woone Jerajchtichkjeit wont. Jes 65:17; Opb 21:1,2714Doawäajens, Jeleewde, wiels jie dise Dinja erwoarten, beflieticht junt, von Am jefungen to woaren en däm Fräd, onen Plaken un onstrof-falich. 1Kor 1:7-815Un acht de Lankmoot von ons Har fa de Radunk, soo aus uk ons leewa Brooda Paulus, no de Weisheit, dee am jejäft es, junt jeschräwen haft, Ree 2:416soo aus uk en aul siene Breew, en woone hee äwa dise Dinja rät, wuarenn atelje Dinja schwoa to vestonen sent, woone de Onjelieede un Leichtfoadje vedreien, soo aus uk de äwaje Schreften, to äare ieejne Vedaumnis.17Jie nu, Jeleewde, wiels jie dit verhäa weeten, heet junt, daut jie nich wajchjeschlapt woaren met de Ruchloose äa Errtum un von jun ieejnet Fauststonen faulen.18Oba waust en de Jnod un Erkjantnis von ons Har un Heilant Jesus Christus. To Am aule Iea, beides, nu un uk aun däm eewjen Dach. Amen.
Lebenswasser