Paulus sien tweeda Breef aun de Korinta3
1Fang wie wada aun, ons selfst väa to lowen? Ooda bruck wie, soo aus atelje, de Väalowungs-Breew aun junt ooda Väalowungs-Breew von junt? 2Kor 5:122Jie sent ons Breef, en onse Hoaten jeschräwen, erkjant un jeläst von aule Menschen; 1Kor 9:123daut es openboa, daut jie een Breef von Christus sent derch onsen Deenst, jeschräwen, nich met Tint, oba met däm Jeist von däm läwendjen Gott, nich opp steenane Toflen, oba opp fleeschne Hoattoflen. 2Mo 24:124Un soon Vetruen hab wie derch Christus to Gott.5Nich, daut wie von ons selfst ut fäich sent, waut to denkjen, aus von ons selfst; oba onse Fäichkjeit es von Gott, 2Kor 2:166Dee ons uk fäich jemoakt haft to Deena von daut niee Bunt, nich von de Buakstow, oba von däm Jeist. Wiels de Buakstow moakt doot, oba de Jeist moakt läwendich. Jer 31:31; Joh 6:63; Ree 7:6; 1Kor 11:257Wan oba de Deenst vom Doot, met Latren en Steena nenjeoabeit, Harlichkjeit haud, soo daut de Kjinja Israel Moses sien Aunjesecht nich bestendich aunkjikjen kunnen wäajens de Harlichkjeit von sien Aunjesecht, dee wajchjedonen sull, 2Mo 34:29-358woo saul nich de Deenst vom Jeist, väl mea Harlichkjeit haben? Gal 3:2,59Wiels wan de Deenst von de Vedaumnis Harlichkjeit es, soo es väl mea de Deenst von de Jerajchtichkjeit äwastreement en Harlichkjeit. Ree 1:17; 3:2110Wiels uk daut, waut veharlicht wia, es nich veharlicht em Vejlikj met de äwamotje Harlichkjeit.11Wiels wan daut, waut wajchjedonen es, harlich wia, väl mea es daut harlich, daut doa blift.12Wiels wie nu soone Hopninj haben, bruck wie eene Räd von groote Friemootichkjeit13un nich soo aus Moses, dee eene Dakj äwa sien Aunjesecht läd, daut de Kjinja Israel nich daut Enj aunkjikjen kunnen von daut, waut doa sull wajchjedonen woaren.14Oba äa Senn wia vehoatelt; wiels bat disen Dach blift deeselwje Dakj, biem daut oole Testament Läsen, onen aufjedakjt, dee en Christus wajchjedonen woat. Apj 28:27; Ree 11:2515Oba bat vondoag, wan Moses jeläst woat, licht de Dakj äwa äa Hoat.16Oba wan daut sikj no däm Harn dreien woat, woat de Dakj wajchjenomen woaren. 2Mo 34:34; Ree 11:23,2617Oba de Har es dee Jeist: Wua oba däm Harn sien Jeist es, doa es Frieheit.18Oba wie aula kjikjen aus en eenen Spieejel, met een aufjedakjtet Aunjesecht, no däm Harn siene Harlichkjeit un woaren veendat en dautselwje Bilt, von Harlichkjeit to Harlichkjeit, aus derch däm Harn sien Jeist. 2Kor 4:6
Lebenswasser