Paulus sien ieeschta Breef aun Timotäus5
1Eenen elren Maun schell nich, oba ermon am aus eenen Voda, de Jinjre aus Breeda, 3Mo 19:32; Tit 2:22de elre Frues aus Mitta, de jinjre aus Sestren met aule Reinheit.3Iea de Wätfrues, woone rajchte Wätfrues sent.4Wan oba eene Wätfru Kjinja ooda Grootkjinja haft, lot soone ieescht lieren, aun äa ieejnet Hus Fromheit to bewiesen un de Elren Äwareenet to vejelten; wiels daut es goot un aunjenäm ver Gott.5Daut es oba eene rajchte Wätfru, dee eensom es, dee opp Gott hopt un blift em Bedden un Jebäda Dach un Nacht. Luk 2:376Woone oba vollbrestich läft, es läwendich doot.7Soont befäl, om daut see onstrofboa sent.8Wan oba jeemaunt de Sienje, besondasch dee en sien ieejnet Hus, nich vesorcht, dee haft dän Gloowen veloagen un es oaja aus een Onjleewenda. Mat 15:4-69Lot kjeene Wätfru enjeschräwen woaren unja zastich Joa, un dee doa een Maun siene Fru jewast es,10dee een Zeichnis von goode Woakjen haft, wan see Kjinja oppjebrocht haft, wan see gaustfrie jewast es, wan see de Heilje äare Feet jewoschen haft, wan see de unjajedrekjte Hauntrieekjunk jejäft haft, wan see jieda goodet Woakj nojekomen es. Joh 13:14; Heb 13:211De jinjre Wätfrues oba nemm nich aun; wiels wan see lostich jeworden sent jäajen Christus, wellen see frieen12un haben äa Uadeel, wiels see dän ieeschten Gloowen veschmäten haben.13Biesied daut sent see ful un lieren romranen derch de Hiesa; nich auleen sent see ful, oba uk Schwauza un schneppanäsich un räden, waut sikj nich jeziemt.14Soo well ekj nu, daut de jinjre Wätfrues frieen, Kjinja haben, hushoolen, däm Jäajna kjeene Uasoak jäwen to schellen. 1Kor 7:9; 1Tim 2:1515Wiels doa sent aul eenje omjedreit däm Soton no.16Wan oba een Jleewenda ooda eene Jleewende Wätfrues haft, dee vesorj äant un lot de Jemeent nich schwoa jemoakt woaren, om daut dee kaun Hauntrieekjunk doonen to dee, waut rajchte Wätfrues sent. Apj 6:117De Eltestasch, dee goot väastonen, sellen dobbelde Iea wieet jehoolen, besondasch, dee doa oabeiden em Wuat un en de Lia. Apj 14:23; Ree 12:818Wiels de Schreft sajcht: “Du saust däm Oss, dee doa drascht, nich de Frät vebinjen;” un “De Oabeida es sien Loon wieet.” 5Mo 25:4; Luk 10:7; 1Kor 9:919Jäajen eenen Eltesta nemm kjeene Kloag aun onen twee ooda dree Zeijen. 5Mo 19:15; Mat 18:1620Dee doa sindjen, dee strof ver aulem, om daut sikj uk de aundre ferchten.21Ekj bewies ver Gott un däm Harn Jesus Christus un de uterwälde Enjel, daut du dise Dinja onparteiisch helst un nuscht deist no Gonst. Mat 18:15-17; Gal 2:1422De Henj laj kjeenem to schwind opp; moak die uk nich aun däm Framden siene Sinden deelhauftich. Hool die selfst rein. 1Tim 4:1423Drinkj nich mea Wota, oba bruck een beskje Wien om diene Moag haulwen un wiels du foaken krank best.24Eenje Menschen äare Sinden sent openboa, dee gonen verhäa nom Jerecht; bie eenje oba woaren dee nohäa komen.25Jrodsoo uk eenje äare goode Woakjen sent verhäa openboa, un de aundre bliewen uk nich vestoaken.
Lebenswasser