De ieeschta Breef von Petrus5
1De Eltestasch, dee mank junt sent, ermon ekj, een Met-Eltesta un Zeij von Christus sien Lieden un uk een Deelnäma von de Harlichkjeit, dee jeopenboat woaren saul: Mat 26:37,69; Ree 8:17; 2Joh 1:12Weit Gott siene Häad, dee mank junt es, un nämt daut Äwasecht-Hoolen nich ut Muss, oba wellich; nich fa dän schentlichen Jewenst, oba von Hoatens-Grunt; Joh 21:16; Apj 20:28; 1Tim 3:2-73uk nich, aus dee doa harschen äwa Gott sien Oafgoot, oba Väabilda sennen fa de Häad. Hes 34:2-4; 2Kor 1:24; Tit 2:74Un wan de bowaschta Hoad erschienen woat, woa jie eene onvewalkjliche Ieren-Kroon kjrieen. 1Kor 9:25; 2Tim 4:8; Heb 13:205Krakjt soo, jie Jinjre, siet de Elre unjadon. Un aula siet eena däm aundren unjadon, un siet aunjetrocken met Deemoot. Wiels Gott wadasteit de Huachmootje, oba jeft de Deemootje Jnod. Hiob 22:29; Spr 3:34; Mat 23:12; Efs 5:21; Jak 4:66Deemooticht junt nu unja Gott siene jewaultje Haunt, daut Hee junt mucht en siene Tiet erhäwen, Jak 4:107endäm jie aul june Sorjen opp Am schmieten; wiels Hee sorcht fa junt. Ps 37:5; Mat 6:25; Flp 4:68Siet nichta un woakt; wiels jun Jäajna, de Diewel, jeit omhäa aus een brellenda Leiw un sieekjt, wäm hee mucht oppschlucken. Luk 22:31; 2Kor 2:11; 1Tess 5:69Däm wadastot, faust em Gloowen, un weet, daut deeselwje Lieden äwa june Broodaschoft enne Welt erfelt woaren.10Oba de Gott von aule Jnod, dee ons beroopen haft to siene eewje Harlichkjeit en Christus Jesus, woat junt, no een kjlienet Stootje lieden, selfst vollkomen-moaken, faust-stalen, stoakjen un junt jrinden. 1Pe 1:611To Am aule Iea un Macht fa emma un emma. Amen.12Derch Silvanus, junen truen Brooda, soo aus ekj tal, hab ekj junt een Beskje jeschräwen, ermont un bezeicht, daut dit de woare Jnod von Gott es, wuarenn jie stonen. Apj 15:2213Doa jreessen junt de Met-Erwälde en Babelon un mien Sän Markus. 2Tim 4:1114Jreest junt unjarenaunda met eenem Leewes-Kuss. Fräd met junt aula, dee en Christus Jesus sent. Amen.
Lebenswasser