Paulus sien ieeschta Breef aun de Korinta13
1Wan ekj met Menschen un met Enjel-Tungen räd un hab nich Leew, dan sie ekj een schaulendet Messinkj un eene kjlinjende Zimbel jeworden.2Un wan ekj de Profezeiungs-Gow hab un aule Jeheemnissen un aule Erkjantnis weet, un wan ekj aulen Gloowen hab, soo daut ekj Boaj vesat, oba nich Leew hab, dan sie ekj nuscht. Mat 17:22; 17:203Un wan ekj aul mien Haben fa de Oame toom Äten utdeel un jäw mienen Kjarpa han toom Vebrennen oba nich Leew hab, nuzt mie daut nuscht. Mat 6:24De Leew es jeduldich un frintlich; de Leew iewat nich; de Leew pucht sikj nich, see puft sikj nich opp;5see vehelt sikj nich onaunstendich, see sieekjt nich daut Äaje, see lat sikj nich vebetren, see räakjent daut Beese nich too, Flp 2:46see freit sikj nich äwa de Ojjerajchtichkjeit, oba see freit sikj äwa de Woarheit; Ree 12:97see vedrajcht aules, see jleeft aules, see hopt aules, see dult aules. Spr 10:12; Mat 18:21-22; Ree 15:18De Leew woat niemols opphieren; oba de Profezeiungen woaren opphieren, de Tungen woaren opphieren, un de Erkjantnis woat opphieren.9Wiels wie weeten Stekjwies, un wie profezeien Stekjwies;10wan oba daut Vollkomne kjemt, dan woat daut Stekjwies opphieren.11Aus ekj een Kjint wia, dan räd ekj soo aus een Kjint, ekj vestunt soo aus een Kjint, docht soo aus een Kjint; oba aus ekj een Maun wort, hieed ekj met daut Kjindische opp.12Wie seenen nu derch eenen Spieejel em Dunklen; dan oba von Aunjesecht to Aunjesecht; nu erkjan ekj Stekjwies; oba dan woa ekj erkjanen, jrod soo aus uk ekj erkjant sie. 4Mo 12:8; 1Kor 8:3; 2Kor 5:713Nu bliewen Gloowen, Hopninj, Leew, dise dree; oba de jratste von dise es de Leew. 1Tess 1:3; 1Joh 4:16
Lebenswasser