Na7ay kiitanchchuntsappa kattara
1Zaga Xoozii, nu aduntsis nabunts baggara dumma dumma ogera gaama wode ohida.2Yezin hyanna wurssutsi wodite ubbanno eza laatizide mahi alamito E baggara medhdhide fa Na7ay baggara nuus ohida.3Na7ay Xoozze bonchcho foo7izen kumutsi Xoozze Xoozzetitsito ekkii, fa wolqqa qaalara hyanna alamito katii aykkida. Asuntsana un nagarappa geeshidannippa suuba Ubbappa kattara Xoozze mizaqi zalara salo bettida.4Ees ingginttide suntsita kiitanchchuntsi suntsappa kattara maaqqidanni fana E unttappa kattara.5Yikke, Xoozii kiitanchchuntsappa oodego,«Neenii ta Na7a;ta hyayno nees ade maaqqida» gaydo?Woy mahi oodego,«Taanii ees ade maaqqada;ezin taas na7a maaqqada» gaydo?6Mahi Xoozii fa anggis Na7aya hyanna alamite kiittitera,«Xoozze kiitanchchuntsi ubba ees goyno»yagayda.7Xoozii kiitanchchuntsi baz ohitera,«Xoozii fa Kiitanchchuntsana ayyaana,fa aruntsana tama loxe mahine»yagayda.8Yezin fa Na7ay baz ohitera,«Xoozzayo, ne ka7itumtta medhinas yene.Ne ka7itumtto ne xillotitsara aho.9Neenii xillotitsi kadhida; iita ixxida.Xoozii, ne Laatstse, nena ne lagguntsappa aatsii doorida,ufays zayte nena tizhida»yagayda.10Xoozii mahi,«Laatstsayo, tiino neenii sa7a medhdhida;saluntsi ne kushe oocha.11Yentses ubba dhaboda;yezin ne yessada.Un ubba afula fana hyal7oda.12Ne magaraja fana xaaxoda;mahi un afula fana cinggoda.Yezin neenii ubba wode nena;ne beritan hyal7oos»yagayda.13Yezin Xoozii kiitanchchuntsappa oodego,«Taanii ne morkkuntsana ne tohitayedhdhize bessi mahode wontsis,hyanne taappa mizaqi zalara betto» gaydo?14Kiitanchchuntsi ubba atotitsi denggodes yeze asuntsana maaddodes Xoozii kiittide ayyaanuntsana baane?