144,000 አሱንላ ማህታመ ጋድንትዳ
1ይንፓ ሱባ፥ ኦይዲ ኪታንቹን ኦይዲ ሳአ ጋጻ ኤቅዱንና ብእዳ። የን ኪታንቹን ሳአላ ዎይ አባላ ዎይ ምንጻላ አፋ አኮን ባቆ ኦይዲ ሳአ ጋጻፓ ባቃመ ጋር ተቂዳ።2ማህ ደኦ ጾዘ ማህታመ አይክደ መለ ኪታንቾ አዋ ኬስ ዛላፓ ኬዛያ ብእዳ። የ ኪታንችዘ ፋ ቃልቶ ቅ ዪዚ፥ ሳአን አባ ቆሆደስ ዎልቃ እንግንትደ ኦይዲ ኪታንቹንና፥3ጼጊ፥ «ኑኒ ጾዘ አሩን ስኖላ ማታመ ጋዶደ ዎንስ ሳአ ዎይ አባ ዎይ ምንጻ ቆህፐተ» ጋይዳ።4ታኒ ጾዘ ማህታመ ስኖላ ጋድዱን ፋይድቶ ስእዳ። እስራኤለ ኮች ኡባፕ ጼት ኦይታም ኦይዲ ሙኩል አሱንስ ስንተ ማህታመ ጋድዳ።5ይሁዳ ኮቻፓ ታጶ ላምእ ሙኩል፥ሮበላ ኮቻፓ ታጶ ላምእ ሙኩል፥ጋደ ኮቻፓ ታጶ ላምእ ሙኩል፥6አሴረ ኮቻፓ ታጶ ላምእ ሙኩል፥ንፍታለመ ኮቻፓ ታጶ ላምእ ሙኩል፥ምናሰ ኮቻፓ ታጶ ላምእ ሙኩል፥7ስሞና ኮቻፓ ታጶ ላምእ ሙኩል፤ሌወ ኮቻፓ ታጶ ላምእ ሙኩል፥ይሳኮረ ኮቻፓ ታጶ ላምእ ሙኩል፥8ዛብሎነ ኮቻፓ ታጶ ላምእ ሙኩል፥ዮሰፋ ኮቻፓ ታጶ ላምእ ሙኩል፥ብንያመ ኮቻፓ ታጶ ላምእ ሙኩል፥አሱን ስንተ ማህታመ ጋድዳ።ቦ ማኦ ማእደ ጋማ አሱንና
9ይንፓ ሱባ፥ ኮች ኡባፓ፥ ካእቱሞ ኡባፓ፥ ዎርዣ ኡባፓን ዱማ ዱማ ዶናፓ ፋይዶ ባይዘ ጋማ አሱንና ብእዳ። የን አሱን ቦ ጳርጎ ማኦ ማእ፥ ቂለ Ꮉየ ፋ ኩሽተ አይኪ፥ አራትዘ ቲኖን ዱርዘ ቲኖ ኤቅዳ።10ኡን ፋ ቃልቶ ቅ ዪዚ፥ «አቶት አራታላ በትደ ኑ ጾዘፓን ዱርዘፓ የእነ» ጋይዳ።11ኪታንቹን ኡባ፥ አራትዘን፥ ጭሙንን ኦይዲ መቱን ካንቶ ዉቲ ኤቅዳ። ኡን አራትዘ ቲኖ ዙጊ ጾዝ ጎይንዳ።12«አምንኤ!አንጆ፥ ቦንቾ፥ ጭንጫት፥ ጋላታ፥ ሳባዎልቃን፥ ምንትሞ መ መናስኑ ጾዘስ ማቀ።አምንኤ!»ጋይዳ።13ጭሙንፓ ፈታይ ታጎ፥ «Ꮉና ቦ ማእቶ ማእደ አሱን ኡን ኦደ የሳ? ኡን አባፓ ይእዶ?» ጋእ ኦጭዳ።14ታኒ ማህ፥ «ላ፥ ነ ኤራነ» ጋይዳ። ኤዝን ታጎ፥ «Ꮉንስ ጋማ ዋየ ዋይ አዱንና። ኡን ፋ ማእቶ ዱርዘ ሱተ ሜጪ ቦዳ።15ይኒ ግሾ፥«ኡን ጾዘ አራትዘ ቲንተቃማን አዋራ ኤ ኬተ ኦቻነ።ማህ አራታላ በትደ ኡንትስ ዱንካነ ማቃዳ።16ይኬፓ ሱባ፥ ኡን ናይአማ፥ ባርማ።አዋ ዎይ ምቻ ኡንታና ደንጋማ።17አራትዘላ በትደ ዱርዘ ኡንትስ ዉደ አዳያ ማቃዳ።ደኦ Ꮉ ኣፈጎ ኡንታና ካልዳ።ጾዚ ኡን ኣፍትፓ አፉቶ ኡባ ኡጮዳ»ጋይዳ።