ሳሎ የዘ ጎይኖ
1ይንፓ ሱባ፥ ታኒ ሳሎ በእዘ ዎደ ቡጉንትደ ፉር ብእዳ። ማህ ታ ቲኖ ስእደ ሞይዘ ኦለ ጋርዘ ኦ ታጎ፥ «Ꮉንካ ከዞ፤ Ꮉንፓ ሱባ፥ ይአደስ የዘ ባዝ ታ ነና ቤሳዳ» ጋይዳ።2የ ዎደ ታ አያና ቆፋራ የነ። ይኬ፥ ሳሎ አራታ ብእዳ፤ አራትዘላ አፋ ፈተ በትዳያ ብእዳ።3የ በትዳይ ብሽታ እያስጰደን ሳርድዮነ ጋዘ አልኦ ሹች ፋና። ኤ አራትዘ ካንቶ ዉቲ አልኦ ሹች አዝዘ ዙላ የነ።4የ አራትዘ ካንቶ ዉቲ ላምእታም ኦይዲ አራቱን የነ፤ ኡንታላ አፋ ቦ ማኦ ማእ፥ ኦምተ ዎርቃ ዛዉደ ጋድደ ላምእታም ኦይዲ ጭሙን በትዳ።5አራትዘፓ ዳዳ፥ ዘልንን ገ ከዛነ። አራትዘ ቲንተ ላፑን ፎእዘ ጾምፑን የነ፤ ኡን ላፑን ጾዘ አያኑና።6አራትዘ ቲኖ ብርለ አዝዘ ፎእዘ ቡርጩቆ አዘ አባ የነ። ቲኖራን ሱባራ ኣፈ ኩምደ ኦይዲ ጾ መቱን አራትዘ ካንተ የነ።7ቲኖ ጾዘ ብሽታ ጋሞ አዛነ፤ ላምአንዘ ቦራ አዛነ፤ Ꮉይንዘ አስ ስኖ አዝዘ ስኖ የነ፤ ማህ ኦይዳንዘ ፍርዘ አንኮ አዛነ።8ኦይዲ ጾን ኡቡንስ እዝፑን ቀፈ የነ፤ ኡን ጋልተ ኡባነ ቀፍትስ ካታራን ኦምታ ኡባ ኣፈራ ኩምዳ። ኡን ቃማን አዋራን አሽካይዛራ፥«ጌሻዮ፥ ጌሻዮ፥ ጌሻዮ፥ላዮ፥ ኡባፓ ዎልቃማ ጾዛዮ፥ዛጋን፥ Ꮉተን የዛዮ፥ ቲኖስ ዮኦዳዮ»ያጋነ።9የ ጾን አራታላ በትዳይስን መዽና የዘስ ናሾ፥ ቦንቾን ጋላታ እንግደ ዎደ10ላምእታም ኦይዲ ጭሙን አራታላ በትዳይስ መዽና የዛይስ ቲንተ ዙጊ ጎይንዳ፤ ፋ ዎርቃ ዛዉዱንና ቲንተ ጋዲ፥11«ኑ ላዮ፥ ኑ ጾዛዮ፥ኔኒ ቦንቾ፥ ናሾን ዎልቃ ኤኮደስ ቤዛነ።ነ ኡባ መዳ፤ኡባ ባዝ ነ ቆፍት ጋር Ꮉንዳ፥ መንትዳ»ያጋይዳ።